ဆွတ်လျှံဒေသခံများ တောင်းဆိုမှုကြောင့် ဒေသတွင်းရှိ KIA သောင်းကျန်းသူများအား တပ်မတော်မှ ရှင်းထုတ်လိုက်ပြီ======================================
30, June, 2015 By Voice Of Kachin
မိုးကောင်းမြို့နယ်၊ ဆားမှော်ကျေးရွာအုပ်စု အတွင်းရှိ ဆွတ်လျှံဒေသအတွင်း KIA မှ စခန်းတစ်ခု တည်ဆောက်ကာ ပတ်ဝန်းကျင်ကျေးရွာများတွင် တိုက်နယ်ရုံးများ ဖွင့်လှစ်၍ ဒေသခံများထံမှ ဆက်ကြေးကောက်ခြင်း၊ လယ်ခွန် တောင်ယာခွန်များတောင်းခြင်း၊ လူသစ်စုခြင်း၊ မိုင်းထောင်ခြင်းများ ပြုလုပ်ကာ ဆွတ်လျှံဒေသကို စိုးမိုးချုပ်ချယ်လျှက်ရှိကြောင်း သိရှိရပါသည်။၎င်း KIA စခန်းအား ဆွတ်လျှံဒေသခံများအနေဖြင့် အလိုမရှိသောကြောင့် တပ်မတော်အား ရှင်းလင်းဆောင်ရွက်ပေးပါရန် တောင်းဆိုလာမှုကြောင့် နယ်မြေခံတပ်ရင်းများဖြစ်သော စကခ(၃) လက်အောက်ခံ တပ်ရင်းများမှ သွားရောက်ရှင်းလင်း ဆောင်ရွက်ခဲ့ကြောင်း သိရှိရပါသည်။KIA မှ ဆွတ်လျှံဒေသတွင်း ယာယီခြေကုတ်ယူထားသော ပွိုင့် (၃၀၈) စခန်းကို တပ်မတော်မှ အချိန်တိုတိုအတွင်း ထိခိုက်ကျရှုံးမှုမရှိပဲ သွားရောက်ရှင်းလင်း သိမ်းပိုက်နိုင်ခဲ့ကြောင်း သိရှိရပါသည်။ KIA ထံမှ လက်နက်ခဲယမ်းများနှင့် အသုံးအဆောင်ပစ္စည်းများ သိမ်းဆည်းရမိခဲ့ကြောင်း သိရှိရသည်။ ဆွတ်လျှံဒေသခံများအနေဖြင့် တပ်မတော်မှ ၀င်ရောက်ရှင်း လင်းပေးမှုအပေါ် များစွာဝမ်းမြောက်ကျေးဇူးတင်ကြောင်း ဒေသခံများထံမှ သိရှိရပါသည်။
No comments:
Post a Comment