ပုဂ္ဂလိကဘဏ်များ ဒေါ်လာဈေး မကစားရန် ဗဟိုဘဏ် ခေါ်ယူသတိပေး

ဓာတ်ပုံ − အီးပီအေ

ဒေါ်လာဈေးဆက်တိုက် မြင့်တက်လာခြင်းကြောင့် ပုဂ္ဂလိ ကဘဏ်များ ဈေးကစားမှုမပြု လုပ်ရန် ဗဟိုဘဏ်က အောက်တို ဘာ ၄ ရက်တွင် ခေါ်ယူသတိပေး ခဲ့ကြောင်း သတင်းရရှိသည်။

ဗဟိုဘဏ်အနေဖြင့် ငွေလဲ နှုန်းကို ဈေးနှုန်းဆက်လက်မြှင့် တင်ခြင်းမပြုဘဲ ထားရှိမည်ဟု ပုဂ္ဂလိကဘဏ်များသို့ အသိပေး ပြီး ဈေးကစားမှုများမပြုလုပ်ကြ ရန် အသိပေးထားကြောင်း ပုဂ္ဂလိ ကဘဏ်တစ်ခုမှ အကြီးတန်း အ ရာရှိတစ်ဦးက ပြောကြားသည်။

‘‘ဒေါ်လာဈေးတက်ချိန်မှာ လုပ်ရိုးလုပ်စဉ်ပုံစံမျိုးပါပဲ။ ခေါ် ပြီးသတိပေးတာပါ’’ဟု ပုဂ္ဂလိက ဘဏ်မှ အရာရှိတစ်ဦးကပြော ကြားသည်။

ဗဟိုဘဏ်က ပုဂ္ဂလိက ဘဏ်မှ တာဝန်ရှိသူများအားခေါ် ယူသတိပေးသော်လည်း အမေရိ ကန်ဒေါ်လာတန်ဖိုး မြင့်တက်နေ မှုအပေါ် မည်သို့ဖြေရှင်းမည်ကို ပြောကြားခြင်းမရှိကြောင်း အ စည်းအဝေးသို့ တက်ရောက်ခဲ့သူ အချို့ကပြောသည်။ဗဟိုဘဏ်က သတ်မှတ် သော ရည်ညွှန်းငွေလဲနှုန်းသည် အောက်တိုဘာ ၅ ရက်တွင် တစ် ဒေါ်လာလျှင် ကျပ် ၁,၂၆၀ ဖြစ်သည်။ အောက်တိုဘာ ၄ ရက်တွင်လည်း အဆိုပါနှုန်းဖြစ်ပြီးဗဟိုဘဏ်က ရည်ညွှန်းနှုန်းကို ဆက်မတက်တော့ဟု တရားဝင် ပြောကြားထားသည်။

ဗဟိုဘဏ်၏ တရားဝင် သတ်မှတ်ချက်အရ ပုဂ္ဂလိက ဘဏ်များသည် ရည်ညွှန်းနှုန်း၏ ၀ ဒသမ ၈ ရာခိုင်နှုန်း အတိုးအ လျှော့ ပြုလုပ်ရောင်းဝယ်ရမည် ဖြစ်သည်။ သို့သော် အောက်တို ဘာ ၅ရက်တွင် တစ်ဒေါ်လာလျှင် ၁,၂၆၉ ကျပ်မှ ၁,၂၈၁ ကျပ်အ တွင်း အရောင်းအ၀ယ်ပြုလုပ်ခဲ့ သည်။

နိုင်ငံခြားအရန်ငွေ နည်းပါး ခြင်းကြောင့် ဗဟိုဘဏ်အနေဖြင့် အမေရိကန်ဒေါ်လာဈေးနှုန်း မြင့် တက်မှုကို ကြားဝင်ထိန်းညှိပေး ရန် အခက်အခဲ ဖြစ်နေသည်ဟု ပြည်တွင်းဘဏ် လုပ်ငန်းရှင်အ ချို့က ပြောသည်။

ဒေါ်လာဈေး မြင့်တက်မှုကို ထိန်းညှိရန် ဗဟိုဘဏ်သည် ဒေါ် လာဈေးကွက်အတွင်း ၀ယ်ယူ ခြင်း၊ ဈေးကွက်အတွင်း ပြန်လည် ရောင်းချပေးခြင်းတို့ကို ပုဂ္ဂလိက ဘဏ်များမှတစ်ဆင့် ဆောင်ရွက် ရမည်ဟု ၎င်းတို့ကဆိုသည်။

သို့သော် ဗဟိုဘဏ်တွင်နိုင်ငံခြား အရန်ငွေသည် ၂၀၁၆ နှစ်ဆန်းအထိ အမေရိကန်ဒေါ်လာ ငါးဘီလီယံကျော်သာ ရှိသဖြင့် ကြားဝင်ထိန်းပေးရန် မလွယ်ကူကြောင်း ပြည်တွင်းပုဂ္ဂလိက ဘဏ်လုပ်ငန်းရှင်တစ်ဦးက ပြောကြားသည်။

အစိုးရသစ် လက်ထက် ခြောက်လအတွင်း အမေရိကန် ဒေါ်လာတန်ဖိုးသည် တစ်ဒေါ်လာ လျှင် ၈၀ ကျပ် ဈေးတက်လာ ခြင်းဖြစ်သည်။

ဧပြီ ၁​ ရက်တွင် တစ်ဒေါ် လာလျှင် ၁,၂၀၀ မှ အောက်တိုဘာ ၅ ရက်၌ တစ်ဒေါ်လာ ကျပ် ၁,၂၈၀ သို့ တက်လာခဲ့ခြင်းဖြစ်သည်။

ဒေါ်လာဈေးနှုန်းရက်ပိုင်းအ တွင်း အပြောင်းအလဲမြန်ဆန်ခြင်း သည် ကုန်သွယ်ရေးလုပ်ငန်းတွင် အခက်အခဲများဖြစ်ရကြောင်း ပို့ ကုန်၊သွင်းကုန်လုပ်ငန်းရှင်များက ပြောသည်။

‘‘ကုန်သည်တွေက ဈေးငြိမ် တာပဲ ကြိုက်တယ်။ ဈေးတက်ရင် ပို့ကုန်သမားတွေအတွက်ကောင်း ပေမယ့် ငွေဝင်လာတဲ့အချိန်မှာ ဈေးကျသွားရင်ဆုံးရှုံးတာပဲ’’ ဟု ပြည်ပသို့ ပဲမျိုးစုံတင်ပို့ရောင်းချ နေသည့် ကုန်သည်ဦးမင်းကိုဦး ကပြောကြားသည်။

ထို့အပြင် ငွေဈေးမတည် ငြိမ်မှုကို အခွင့်အရေးရယူပြီး သွင်းကုန်သမားအချို့က ကုန် ပစ္စည်းများဈေးနှုန်းအပြောင်းအ လဲ ပြုလုပ်မှုများ ရှိနေသည်။ အခြေခံလူတန်းစားများ အများ ဆုံးစားသုံးနေသည့် စားအုန်းဆီ ဈေးနှုန်းသည် အောက်တိုဘာလ ဆန်းတွင် လက်ကားဈေးတစ် ပိဿာကျပ် ၁,၈၀၀ ကျော်အထိ မြင့်တက်ပြီး အောက်တိုဘာ ၄ ရက်တွင် တစ်ပိဿာကျပ်၁,၇၇၀ ကျပ် ကျော်သို့ပြန်လည်ကျဆင်းခဲ့ သည်။

‘‘ဒေါ်လာဈေးက သွင်းကုန် ပိုင်းမှာ လူသုံးကုန်သာမကဘူး၊ ထုတ်ကုန်လုပ်ငန်းအတွက် ကုန် ကြမ်းတင်သွင်းပြီး ဒီမှာထုတ်လုပ် ရင်လည်း ပစ္စည်းတွေက ဈေး တက်လာတယ်။ ထုတ်ကုန်သမား တွေအတွက်လည်း စိန်ခေါ်မှုတစ်ခုပဲ’’ဟု စီးပွားရေးပညာရှင် ဒေါက်တာ အောင်ကိုကိုကပြော ကြားသည်။

စက်တင်ဘာက စတင်မြင့် တက်လာသော အမေရိကန်ဒေါ် လာအပါအ၀င် ထိုင်းဘတ်ငွေ၊ တရုတ်ယွမ်ငွေတန်ဖိုး မြင့်တက်မှု ကြောင့်ကုန်ဈေးနှုန်းမြင့်တက် လာသည်ဟု ကုန်သည်အချို့က ပြောသည်။

လူသုံးကုန်ပစ္စည်းများဖြစ် သော ထိုင်းနိုင်ငံနယ်စပ်မှ တင် သွင်းသည့် အလှကုန်ပစ္စည်းများ သည် ယခုရက်ပိုင်းအတွင်း ၅ ရာခိုင်နှုန်းမှ ၁၀ ရာခိုင်နှုန်းကြား ဈေးမြင့်တက်လာသည်ဟု မင်္ဂ လာဈေးမှ သွင်းကုန်လုပ်ငန်းရှင် တစ်ဦးကပြောသည်။

ဒေါ်လာဈေး မြင့်တက်မှု ကြောင့် ပြည်ပမှ တင်သွင်းနေ သည့် ဆေးဝါးများမှာ ၅ ရာခိုင် နှုန်းမှ ၁၀ ရာခိုင်နှုန်းကြားဈေးနှုန်း မြင့်တက်လာသည်ဟု သိရသည်။

မြန်မာနိုင်ငံတွင် နိုဝင်ဘာ၊ ဒီဇင်ဘာ၌ အမေရိကန်ဒေါ်လာ တန်ဖိုး ကျဆင်းချိန်ဖြစ်သည်ဟု စီးပွားရေး လုပ်ငန်းရှင် ဦးမြတ် သင်းအောင်က ပြောသည်။

ထိုအချိန်တွင်ဒေါ်လာဈေးမြင့်တက်ခြင်းသည် လာမည့်နှစ် မိုးရာသီတွင် ပိုမို မြင့်တက်နိုင်ကြောင်း ၎င်းကဆိုသည်။ လက်ရှိ ပြည်တွင်းမှ သွင်းကုန်လုပ်ငန်းရှင်များသည် အမေရိကန်ဒေါ်လာတန်ဖိုး ဆက်လက်မြင့်တက်လာနိုင်သည်ကို ခန့်မှန်းပြီး သွင်းကုန်များ ပိုမိုတင်သွင်းနေကြောင်း ဦးမြတ်သင်းအောင်က ဆိုသည်။

ကန်ဒေါ်လာ တန်ဖိုး ဆက်တိုက်တက်နေ၍ တစ်ဒေါ်လာလျှင် ၁,၂၇၀ ကျပ်ထိ ရောက်ရှိ

ပို့ကုန်လျော့နည်းပြီး သွင်းကုန်များခြင်းကြောင့် ပြင်ပ ဈေးကွက်တွင် နိုင်ငံခြားငွေရှားပါး ပြီး အမေရိကန် ဒေါ်လာ တန်ဖိုး ဆက်တိုက်မြင့်တက်လာကာ အောက်တိုဘာ ၁ ရက်က ပြင်ပ ဈေးကွက်တွင် တစ်ဒေါ်လာလျှင် ၁,၂၇၀ ကျပ်သို့ မြင့်တက်ခဲ့ ကြောင်း သတင်းရရှိသည်။

‘‘ပို့ကုန်က တရုတ်ကလည်း အဖမ်းအဆီးများနေတယ်။ အိန္ဒိယကလည်း အရင်လောက်မပို့နိုင် ဘူး။ ကုန်သည်တွေမှာ နိုင်ငံခြား ငွေကျပ်နေတယ်။ ဒါကြောင့် ဒေါ် လာက ဈေးတက်လာတာပါ’’ဟု မြန်မာနိုင်ငံ ဆန်စပါးအသင်းချုပ် ဒုတိယဥက္ကဋ္ဌ ဒေါက်တာစိုးထွန်း က ပြောသည်။

ပြင်ပဈေးကွက်တွင် အမေရိ ကန်ဒေါ်လာ ဈေးတက်လာသကဲ့ သို့ မြန်မာနိုင်ငံ ဗဟိုဘဏ်က သတ်မှတ်သော တရားဝင်ရည်ညွှန်းငွေ လဲနှုန်းသည်လည်း စက်တင်ဘာ အတွင်း တစ်ဒေါ်လာလျှင် ၄၅ ကျပ်ခန့် မြင့်တက်လာသည်။ စက်တင်ဘာ ၃၀ ရက်က တရားဝင် ရည်ညွှန်းငွေလဲနှုန်းသည် တစ် ဒေါ်လာလျှင် ၁,၂၅၅ ကျပ်ရှိခဲ့သည်။

ပြင်ပ ဈေးကွက်တွင် ကန် ဒေါ်လာဈေး မြင့်တက်လာမှုကို သတင်းအချက်အလက်များ ရယူ ရန် ပြီးခဲ့သည့် ရက်ပိုင်းက ဗဟို ဘဏ်နှင့် ပြည်တွင်း ပုဂ္ဂလိက ဘဏ်များ ဆွေးနွေးခဲ့ကြောင်း ဘဏ်လုပ်ငန်း အသိုင်းအဝိုင်းမှ သိရသည်။

ပြည်တွင်း ပုဂ္ဂလိကဘဏ် များသည် ဗဟိုဘဏ်မှ အမေရိ ကန်ဒေါ်လာကို လိုသလောက် ဝယ်ယူမရသည့်  အခြေအနေ ကြောင့် ဈေးတက်နေခြင်း ဖြစ်သည်ဟု ပုဂ္ဂလိကဘဏ်တစ်ခုမှ ထိပ်ပိုင်းခေါင်းဆောင်တစ်ဦးက ပြောသည်။

ကန်ဒေါ်လာတန်ဖိုး တက် ခြင်းသည် ပြည်တွင်း ပုဂ္ဂလိက ဘဏ် အချို့က အပ်ငွေများနေ ခြင်းကို ကုစားနိုင်ရန် ပြည်ပမှ အ မေရိကန်ဒေါ်လာများ ဝယ်ယူခြင်း ကြောင့်ဟု စီးပွားရေးလုပ်ငန်းရှင် အချို့က သုံးသပ်သည်။

ဗဟိုဘဏ် ဒေါ်လာ ရည်ညွှန်းနှုန်း တစ်လအတွင်း ၄၅ ကျပ် တက်

ရန်ကုန်၊ စက်တင်ဘာ ၃ဝ

ပြည်တွင်း ဒေါ်လာ ငွေလဲနှုန်းမှာ ယခုနှစ် သြဂုတ်လ နှောင်းပိုင်းမှ စတင်ကာ တရိပ်ရိပ် မြင့်တက်လာပြီး စက်တင်ဘာလ တစ်လအတွင်း ငွေလဲနှုန်း ၄၅ ကျပ် မြင့်တက်သွားကြောင်း ပြည်တွင်း ငွေကြေး ဈေးကွက်ထံမှ စုံစမ်း သိရှိရသည်။

မြန်မာနိုင်ငံတော် ဗဟိုဘဏ်၏ နိုင်ငံခြားငွေ လဲလှယ်မှု ရည်ညွှန်းနှုန်းမှာ ငါးရက်အတွင်း ၂ဝ ကျပ် မြင့်တက်လာပြီး စက်တင်ဘာလ ၃ဝ ရက်နေ့တွင် တစ်ဒေါ်လာ ၁၂၅၅ ကျပ်သို့ ရောက်ရှိလာသည်။

“ကမ္ဘာမှာလည်း ဒေါ်လာဈေးက ကောင်းနေတယ်။ အမေရိကန် ဗဟိုဘဏ်ကလည်း အတိုးနှုန်းမြှင့်ဖို့ လုပ်နေတော့ ဒေါ်လာက အားကောင်းနေတာ။ ပြည်တွင်းမှာလည်း အဝယ်လိုက်လာတယ်”ဟု ပြည်တွင်းရှိ ဝါရင့် ဒေါ်လာ ရောင်းဝယ်သူ တစ်ဦးက ဆိုသည်။

နိုင်ငံတကာတွင် ဒေါ်လာဈေး အညွှန်းကိန်းမှာ ယခုနှစ် မေလနောက်ပိုင်းတွင် ပြန်လည် မြင့်တက်လာပြီး စက်တင်ဘာလတွင် ပိုမို အားကောင်းလာကာ အညွှန်းကိန်း ၁ ဒသမ ၅ ခန့် မြင့်တက်လာကြောင်း Bloomberg မှ ထုတ်ပြန်ထားသော အညွှန်းကိန်းအရ သိရသည်။

ပြင်ပ ဒေါ်လာဈေးကွက်တွင် ယခုနှစ် သြဂုတ်လ ၁၉ ရက်နေ့မှ စတင်ကာ ငွေလဲနှုန်း ၁၂ဝဝ ကျပ်သို့ ရောက်ရှိခဲ့ပြီး စက်တင်ဘာ လဆန်းပိုင်းတွင် ၁၂၂ဝ ကျပ်မှ တဖြည်းဖြည်း မြင့်တက်လာ စက်တင်ဘာလကုန်တွင် ၁၂၇ဝ ကျပ် ဝန်းကျင်အထိ ဈေးမြင့်တက်လာကြောင်း ပြင်ပ ငွေလဲကောင်တာများထံမှ စုံစမ်း သိရှိရသည်။

မြန်မာနိုင်ငံတော် ဗဟိုဘဏ်၏ ရည်ညွှန်းနှုန်းအရ မြန်မာကျပ်ငွေ တန်ဖိုးမှာ ရက်ပေါင်း ၅ဝ အတွင်း ၆၈ ကျပ်၊ ရာခိုင်နှုန်းအားဖြင့် ၆ ရာခိုင်နှုန်းခန့် ကျဆင်းသွားသည်။

စက်တင်ဘာလ ၃ဝ ရက်နေ့ ဒေါ်လာ ငွေလဲနှုန်းမှာ ဗဟိုဘဏ် ရည်ညွှန်းနှုန်း ၁၂၅၅ ကျပ်၊ ပြည်တွင်း ပုဂ္ဂလိဘဏ်များတွင် ဝယ်ဈေး၁၂၅၈ ကျပ်၊ ရောင်းဈေး ၁၂၆၅ ကျပ်နှင့် ပြင်ပ ငွေလဲကောင်တာများတွင် ဝယ်ဈေး ၁၂၆ဝ ကျပ်၊ ရောင်းဈေး ၁၂၆၈ ကျပ်အထိ ရှိနေသည်။ 

ကန်ဒေါ်လာလဲနှုန်း အမြင့်ဈေးတွင်သာ ရပ်တည်

ဒေါ်လာဈေးသည် စက်တင်ဘာ ၂၀ ရက်က တစ်ဒေါ်လာလျှင် ၁,၂၆၀ ကျပ်ထိ တင်ခဲ့သည်။ (ဓာတ်ပုံ − အီးပီအေ)

ဘဏ်နှင့် ငွေကြေးအဖွဲ့ အစည်းအချို့က ပြင်ပဈေးကွက် တွင် ၀င်ရောက် ဈေးကစားမှု ကြောင့် အမေရိကန် ဒေါ်လာတန်ဖိုး ဆက်တိုက်မြင့်တက်လာ ကြောင်း သတင်းရရှိသည်။

 အမေရိကန်ဒေါ်လာဈေး သည် စက်တင်ဘာ ၂၀ ရက် နံနက်က တစ်ဒေါ်လာလျှင် ၁,၂၆၀ ကျပ်သို့ မြင့်တက်ပြီး မွန်းလွဲပိုင်း တွင် ၁,၂၅၇ ကျပ်သို့ ပြန်လည်ကျ ဆင်းလာသည်။

ပြင်ပဈေးကွက်တွင် နံနက် စတင်ဈေးဖွင့်ချိန်၌ ဈေးနှုန်းဆွဲတင်မှုကြောင့် ပြီးခဲ့သည့် ရက်ထက် တစ်ဒေါ်လာလျှင် ၁၇ ကျပ်ခန့် မြင့်တက်လာသည်။

စက်တင်ဘာ ၂၁ ရက်တွင် ပြင်ပဈေးကွက်၌ တစ်ဒေါ်လာလျှင် ၁,၂၅၁ ကျပ်ခန့် ဈေးရှိပြီး ဗဟိုဘဏ်၏ ရည်ညွှန်းငွေလဲနှုန်းမှာ ၁,၂၃၅ ကျပ် ဖြစ်သည်။

ပြည်တွင်းစီးပွားရေး  လုပ် ငန်းရှင်များသည် ၂၀၁၅ ရွေး ကောက်ပွဲ မတိုင်မီက စတင်၍ စီးပွားရေးလုပ်ငန်းများလုပ်ကိုင်မှု ကို လျှော့ချခဲ့ပြီး လက်ရှိအစိုးရ လက်ထက်တွင်လည်း ယေဘုယျ ဆန်သော စီးပွားရေးမူဝါဒကြောင့် လုပ်ငန်းရှင်များက စီးပွားရေးလုပ် ငန်းများ လုပ်ကိုင်ခြင်းမရှိသေးဘဲ ဘဏ်များတွင် ငွေများအပ်နှံပြီး အစိုးရ၏ အခြေအနေကို စောင့် ကြည့်နေကြသည်ဟု ဆိုသည်။

ထို့ကြောင့် ဘဏ်များတွင် အပ်ငွေများလာသဖြင့် ငွေကြေး လည်ပတ်မှု အကျပ်အတည်းကို ဘဏ်လုပ်ငန်းရှင်များက စိုးရိမ် နေပြီး ပြင်ပဈေးကွက်က အမေရိ ကန်ဒေါ်လာ အရောင်းအ၀ယ်ပြုလုပ်ခြင်းကြောင့် ဈေးနှုန်းများ ဆက်တိုက်မြင့်တက်လာခြင်းဟု စီးပွားရေး လုပ်ငန်းရှင်များက ပြောသည်။

ယခုအချိန်တွင် ဒေါ်လာဈေး တက်ခြင်းသည် ပို့ကုန်နည်းသည့် အချိန်ဖြစ်ခြင်းကြောင့် ကုန်ဈေး နှုန်းမြင့်တက်မှုကို လူအများခံစား ရနိုင်သည်ဟု စီးပွားရေးပညာရှင် အချို့က ပြောသည်။

မိုးရာသီတွင် ပုဂ္ဂလိကကဏ္ဍ မှ ပြည်ပသို့တင်ပို့နေသည့် ကုန် ပစ္စည်းများ၌ ပဲမျိုးစုံ တစ်မျိုးသာ အများဆုံးဖြစ်ပြီး ဆန်အပါအ ၀င် လယ်ယာထွက်ကုန်များ တင်ပို့မှုမှာ အနည်းငယ်သာရှိသည်။

သွင်းကုန် ကဏ္ဍတွင် ပွင့်လင်းရာသီ မကြာမီရောက်ရှိမည်ဖြစ်ရာ စက်သုံးဆီ တင်သွင်းမှု အများဆုံးအချိန် ရောက်ရှိလာမည်ဖြစ်ကြောင်း ပို့ကုန်သွင်း ကုန်လုပ်ငန်းရှင် အချို့က ပြောကြားသည်။