ခေါင်းဆောင်ပိုင်း ငြိမ်းချမ်းရေး စကားပြောထား ပေမယ့် မြေပြင် မှာ တိုက်ပွဲ တွေ မရပ်နိုင်။ကချင်ပြည်နယ်ထဲမှာ

ခေါင်းဆောင်ပိုင်း ငြိမ်းချမ်းရေး စကားပြောထား ပေမယ့် မြေပြင် မှာ တိုက်ပွဲ တွေ မရပ်နိုင်။ကချင်ပြည်နယ်ထဲမှာ အစိုးရစစ်တပ် နဲ့ ကချင်လက်နက်ကိုင်တပ် KIA အကြား တိုက်ပွဲတွေ ဆက်လက် ဖြစ်ပေါ်နေတဲ့အတွက် ဒီ အခြေ အနေတိုင်းသာ ဆက်ရှိ နေရင် ပြည်နယ်တွင်း ရွေးကောက်ပွဲ လုပ်ဖြစ်ဖို့တောင်မှ မသေချာလှဘူး ဆိုပြီး ကချင် ငြိမ်းချမ်းရေး အကျိုးဆောင် အဖွဲ့ဝင် တစ်ဦးက ပြောလိုက်ပါတယ်။မြစ်ကြီးနားနဲ့ ပူတာအို သွားတဲ့လမ်း ဆွမ်ပရာဘွမ်နားမှာ ကေအိုင်အေ တပ်မဟာ ၁ ကို အစိုးရ စစ်တပ်က ပြီးခဲ့တဲ့ ရက်ပိုင်းကပဲ ဂျက်လေယာဉ်တွေ သုံးပြီး လေကြောင်း တိုက်ခိုက်မှုတွေ ပြုလုပ်ခဲ့တယ်လို့ ကချင် ငြိမ်းချမ်းရေး အကျိုးဆောင် အဖွဲ့ဝင် ဦးလမိုင်ဂွန်ဂျာက ဘီဘီစီ ကို ပြောပါတယ်။နှစ်ဘက်တပ်ရဲ့ ခေါင်းဆောင်ပိုင်း အကြားတော့ ကချင် ငြိမ်းချမ်းရေး အကျိုးဆောင် အဖွဲ့ကနေတဆင့် စာ အသွားအလာ အဆက်အသွယ် ရှိနေတယ်လို့ ဦးလမိုင်ဂွန်ဂျာ က ပြောပေမယ့် စာပါ အကြောင်းအရာတွေ ကိုတော့ မသိရပါဘူး။ဖားကန့်နဲ့ ကာမိုင်းကြားမှာလည်း နှစ်ဘက်တပ်တွေ ထိတွေ့မှု တွေ ရှိနေခဲ့ ပြီး တိုက်ပွဲငယ်တွေ ဖြစ်ခဲ့တယ်လို့ သိရပါတယ်။ဇူလိုင် ၁၁ ရက်နေ့က ဖားကန့် နဲ့ ကာမိုင်းကြား လွယ်ဆမ်ရွာမှာ ကေအိုင်အေက မိုင်းဆွဲတိုက်လို့ အစိုးရ စစ်တပ်က ပစ်ခတ်ရာမှာ အပြစ်မဲ့ ရွာသားတွေ သေဆုံးမှု ရှိတဲ့ အကြောင်း အမျိုးသား ဒီမိုကရေစီ အင်အားစုပါတီ အန်ဒီအက်ဖ် ရဲ့ ကချင်ပြည်နယ်ဥက္ကဌ ဒေါ်ဘောက်ဂျာက ပြောပါတယ်။ဖားကန့်ဘက်က ဆင်းလာတဲ့ အစိုးရတပ် အင်အား ၄၀၀ ကျော်လောက်ဟာ လွယ်ဆမ် ရွာကို ဝင်ရောက် ပစ်ခတ်ခဲ့တဲ့အတွက် အသက် ၂၃ နှစ် ဝန်းကျင် ကိုယ်ဝန်ဆောင် အမျိုးသမီး သေနတ် ထိမှန်သေဆုံးခဲ့တယ် လို့ ဒေါ်ဘောက်ဂျာက ပြောပါတယ်။ရွာအုပ်ချုပ်ရေးမှူးကို အစိုးရ စစ်တပ်က ဖမ်းထားပြီး ရွာသားတွေကို ရွာက ထွက်ခွာခွင့် မပြုတဲ့အတွက် လက်မှာ သေနတ်ဒဏ်ရာ ရထားတဲ့ အမျိုးသမီး တစ်ဦးလည်း ဒီအတိုင်းပဲ နေနေရတယ် ဆိုပြီးတော့လည်း ဒေါ်ဘောက်ဂျာက ဆိုပါတယ်။ဒီလို အခြေအနေမျိုးမှာ ဒေသခံ ပြည်သူတွေ အနေနဲ့ ၂၀၁၅ ရွေးကောက်ပွဲ အပေါ် စိတ်မဝင်စားနိုင်ကြသလို၊ ဖားကန့် အပါအဝင် ဆွမ်ပရာဘွမ် ဘက်က တိုက်ပွဲတွေကြောင့် စစ်ရှောင်စခန်းတွေမှာ အရင် ရှိပြီးသား ဒုက္ခသည်တွေ မလျော့တဲ့အပြင် တိုးလာနေတယ်လို့လည်း ဒေါ်ဘောက်ဂျာက ပြောပါတယ်။ပြီးခဲ့တဲ့ ၂၀၁၀ တုန်းကတော့ လက်ရှိ မွေးမြူရေးနဲ့ ရေလုပ်ငန်း ဝန်ကြီး ဦးအုန်းမြင့်က ဖားကန့် ဒေသကနေ အနိုင်ရခဲ့ပြီး၊၂၀၁၂ ကြားဖြတ် ရွေးကောက်ပွဲမှာတော့ ဝန်ကြီး ဖြစ်သွားတဲ့ ဦးအုန်းမြင့် နေရာမှာ အစားထိုးဖို့ တိုက်ပွဲတွေကြောင့် ရွေးကောက်ပွဲ မလုပ်နိုင်ခဲ့ပါဘူး။အခု လက်ရှိ ကချင် ပြည်နယ် အခြေအနေမှာတော့ ရွေးကောက်ပွဲ ဝင်ရောက် ယှဉ်ပြိုင်မယ့် အမတ်လောင်းတွေက စိတ်ထက်သန် နေပေမယ့်ဒေသခံ အများစုကတော့ ရွေးကောက်ပွဲထက် စစ်တွေ ငြိမ်းအေးဖို့သာ စိတ်ဝင်စားနေကြတယ်လို့ ဘီဘီစီကို ပြောကြပါတယ်။BBC Burmesehttp://www.bbc.com/b