Posted: August 26, 2016
တပ်မတော်အတွင်း ရာထူးတာဝန်အချို့အား သြဂုတ် ၂၆ ရက် နံနက်ပိုင်းတွင် တိုးမြှင့်ပြောင်းလဲ ခန့်ထားလိုက်ပြီး၊ တပ်မတော်ကာကွယ်ရေး ဦးစီးချုပ်ရုံး၏ ထုတ်ပြန်ချက်အရ အများစုမှာ တိုင်းမှူး ပြောင်းလဲမှုများ ပြုလုပ်လိုက်ခြင်းဖြစ်သည်။
တပ်မတော်က တိုးမြှင့်ပြောင်းလဲ ခန့်ထားသည့် ရာထူးတာဝန်များမှာ ညှိနှိုင်းကွပ်ကဲရေးမှုး (ကြည်း၊ရေ၊လေ) အဖြစ် ဗိုလ်ချုပ်ကြီး မြထွန်းဦးကို ခန့်အပ်လိုက်သည်။ အရှေ့ပိုင်းတိုင်းစစ်ဌာနချုပ် တိုင်းအမှူးအဖြစ် ဗိုလ်ချုပ်ဝင်းမင်းထွန်း၊ အရှေ့အလယ်ပိုင်းတိုင်းစစ်ဌာနချုပ် တိုင်းမှူးအဖြစ် ဗိုလ်ချုပ်သန်းလှိုင်၊ ကမ်းရိုးတန်းဒေသ တိုင်းစစ်ဌာနချုပ် တိုင်းမှူးအဖြစ် ဗိုလ်မှူးချုပ်လင်းအောင်၊ အနောက်ပိုင်းတိုင်းစစ်ဌာနချုပ် တိုင်းမှူးအဖြစ် ဗိုလ်ချုပ်မောင်မောင်စိုး နှင့် အနောက်မြောက်တိုင်းစစ်ဌာနချုပ် တိုင်းမှူးအဖြစ် ဗိုလ်မှုးချုပ်သက်ပုံကို ခန့်အပ်တာဝန်ပေးလိုက်ကြောင်း တပ်မတော်ကာကွယ်ရေး ဦးချုပ်ရုံးက ထုတ်ပြန်ခဲ့ခြင်းဖြစ်သည်။
No comments:
Post a Comment