ပခုက္ကူ၊ သြဂုတ် ၂၈
ပခုက္ကူမြို့နယ်
ကံမမြို့နယ်ခွဲအတွင်းရှိ လက်ပြကျေးရွာကို ဖြတ်သန်းသွားသည့်
ကျောက်ခွက်-လက်ပံတို-အရာတော် ရေနံပိုက်လိုင်းသည် ယနေ့(သြဂုတ် ၂၈ ရက်) နံနက်
၈ နာရီခန့်က လူနေအိမ်ဝင်းတစ်ခုအတွင်း ပေါက်ကွဲခဲ့ကြောင်း အိမ်ရှင်
ဦးမျိုးဝင်းက ပြောကြားသည်။
“လေးနေရာပေါက်သွားတာ။
လွန်ခဲ့တဲ့နှစ်လလောက်က ရေနံတွေယိုနေလို့ စက်ရုံတာဝန်ရှိသူတွေကို
အကြောင်းကြားတော့ လာစစ်တယ်။ သူတို့က ကိစ္စမရှိဘူးပြောပြီး အခုထပ်ဖြစ်တာ။
မနက် ၈ နာရီလောက် ကတည်းက ဓာတ်ငွေ့တွေပျံ့လာလို့အကြောင်းကြားမှ ထပ်လာတာ” ဟု
၎င်းက ဆိုသည်။
ယင်းကိစ္စနှင့်ပတ်သတ်၍
လာရောက်စစ်ဆေးသည့် သာကြည့်တောင်ရေနံမြေ အထွေထွေမန်နေဂျာ
ဗိုလ်မှူးသန်းလှိုင်က ဖြေကြားနိုင်ခြင်းမရှိကြောင်း ပြောကြားသည်။
“ဘာမှမဖြစ်ဘူး မဖြေနိုင်ဘူး။ သတင်းအနေနဲ့ဖော်ပြစရာအကြောင်းလည်းမရှိဘူး” ဟု ၎င်းကဆိုသည်။
၂ဝ၁ဝ
ပြည့်နှစ်အတွင်းကလည်း မြစ်ခြေတိုက်နယ်ကို ဖြတ်သန်းသွားသည့်
ကျောက်ခွက်-လက်ပံတို-အရာတော် ရေနံပိုက်လိုင်းသည် ညောင်လှကျေးရွာအတွင်း
ရေနံယိုစိမ့်မှုများဖြစ်ပေါ်ခဲ့သောကြောင့် လူ ၄ဝဝ ကျော် သေဆုံးခဲ့ရဖူးသည်။
No comments:
Post a Comment