ပါလီပါလဲ့နှင့် အရက်စစ်ရေးပြ --------------------------------- ပါလီပါလဲ့ဇတ်လမ်းတွဲတွေ ကိုရင်ရေးလာတာ တော်တော်လေးများလာပါပြီ။ စာဖတ်သူတွေအနေနဲ့ အပျင်းလည်းပြေ ဗဟုသုတလည်းရကောင်းစေ ဆိုတဲ့ရည်ရွယ်ချက်နဲ့ ရေးနေတာဖြစ်ပါတယ်။ ပါလီပါလဲ့ဆိုတာ မြန်မာပိုင်တဲ့ကျွန်းလေးတစ်ကျွန်းပါ ဟိုင်းကြီးကျွန်းအနောက်တောင်ဖက် ရေမိုင် ၈၀ ကိုကိုးကျွန်းအနောက်မြောက်ဖက် ရေမိုင် ၄၀ အကွာမှာ ကျွန်းမကြီးအပါအဝင် ကျွန်းငယ် အုပ်စု ၅ ခုပါတဲ့ ပိုင်နက်ကျွန်းတစ်ခုပါ။ ရွာမရှိ တဲ့ အင်ဒမန်ပင်လယ်ထဲက ကျွန်းဖြစ်ပြီး ရာသီဥတုနဲ့ငှက်ဖျား ဆိုးဆိုးရွားရွားရှိတဲ့နေရာဖြစ်ပြီး တပ်မတော်ရေရဲ့ ရှေ့တန်းစခန်းနေရာဖြစ်ပါတယ်။ ကိုရင် ပါလီပါလဲ့စခန်းမှူးအဖြစ် ရောက်ရှိတာဝန်ထမ်းဆောင်စမှာ လက်အောက်ခံ စစ်သည်တွေရဲ့ ပညာပေးခြင်း အတော်လေးခံရပါတယ်။ အဓိက ကတော့ အရက်ပါ ကျွန်းကိုရောက်လာသူ ၃ပုံ ၂ ပုံဟာ အရက်ကိုတော်တော်လေးသောက်ကြပြီး ဌာနချုပ်မှာ လူဆိုးလူပေစာရင်းဝင်တွေကို ပို့ထားခြင်းဖြစ်ပါတယ်။ မကောင်း ကျွန်းပို့ဆိုသလိုပေါ့။ ကျွန်းဖြစ်ပြီး ဌာနချုပ်နဲ့အလှမ်းဝေးတဲ့ နေရာဖြစ်လို့ အေးအေးဆေးဆေးပဲလို့တော့မထင်ပါနဲ့ လုပ်ရမယ်အလုပ်တွေက အတော်များပါတယ်။ မိုးတွင်းတစ်တွင်းလုံး မုတ်သုန်မိုးဒဏ်ကြောင့် ပျက်စီးယို့ယွင်းသွားတဲ့ ပတ်လည်ခံစစ်မြောင်း အိုဗာဟက်ဘန်ကာတွေ ကိုပြင်ဆင်ရပါတယ်။ရေဒါစခန်းကိုလည်း ပြုပြင်ထိန်းသိမ်း မွမ်းမံ အခိုင်အမာ ကွန်ကရစ်ဘန်ကာလုပ် ကျွန်းပတ်လမ်းခင်းနဲ့ တကယ့်ကို ကြမ်းတမ်းတဲ့အလုပ်တွေကို လုပ်နေရတာပါ။ တပည့်တွေကလည်း ညောင်နာနာ အရက်သမားတွေဆိုတော့ မဖြစ်ချေဘူး ဒင်းတို့ကို ငါတွယ်မှဖြစ်တော့မယ်ဆိုပြီးစလုပ်ရတော့တာပေါ့။ ညတစ်ညမှာ ဒုစခန်းမှူးကို ခေါ်ပြီး ချက်ခြင်းတပ်လှန့်(stand to) လုပ်ခိုင်းလိုက်တယ် လုံခြုံရေးအရာရှိနဲ့ကိုရင်က စစ်သည်အဆောင်တွေမှာ ရှိတဲ့အရက်တွေကို အကုန်သိမ်းလိုက်တယ် တပည့်လူဆိုးတွေက ငါးဂါလံပုံးတွေနဲ့ကို ရေယာဉ်အကြုံရှိတုန်း မှာထားကြတာလေ။ ဘယ်ရမလည်း ကိုရင်တို့ဗိုလ်လောင်းဘဝက စီနီယာတွေ မုန့် parade လုပ်သလိုမျိုးပေါ့ ။ သိမ်းလို့ရတဲ့အရက်တွေကို ပိုင်ရှင်နံမည် လေဘယ်လေးတွေတပ်ထားလိုက်တယ်။ ပြီးရင် ဒုစခန်းမှူးအခန်းမှာ သိမ်းထားခိုင်းတယ်။ နောက်နေ့ကစပြီး တပည့်တွေကို ညနေ ၄နာရီခွဲဆိုတာနဲ့ ၅ မိုင်ပြေးမလား ဘောလုံးကန်မလား ကြိုက်ရာရွေးဆိုတော့ ဘောလုံးပဲကန်မယ်ပြောတယ်။ အဲဒီနေ့ကစပြီးမောင်းလိုက်တာ တစ်လအတွင်းမှာ တပည့်တွေသက်လုံကောင်းလာတယ် အသားအရည်တွေစိုပြေလာတယ်။ အလုပ်သိပ်ပင်ပန်းတဲ့နေ့တွေမှာ ညနေစာမစားခင် အရက်ဝေငှ(splicing the main braze) ပွဲလေးလုပ်ပြီးတစ်ယောက်ကို ၂ ပက်ပဲတိုက်တယ်။ ၃ လလောက်အတွင်းမှာ ဒေါင်ဒေါင်မြည်ဖြစ်လာတယ် သက်လုံပိုကောင်းလာတယ် အရက်စွဲနေသူတွေအရက်ပြတ်သလိုဖြစ်လာတယ်။ ကျွန်းဆိုတော့ အရက်ခိုးဝယ်လို့ရတဲ့နေရာလည်းမရှိဘူး။ ရေယာဉ်ကြုံလာပြီဆိုလည်း သောင်စပ်မှာကို ပါတဲ့ပစ္စည်းစစ်တာ(beach check) အဓိက ကတော့အရက်ပေါ့။ စစ်သည်တွေက တစ်နှစ်ပြည့်ရင် နောက်တန်းဌာနချုပ်ကို ပြန်ပြောင်းပေးလိုက်တယ်။ အရင်တုန်းက အရက်သမားတွေ ပြန်ပြောင်းကာနီးဆို အရက်ပြတ်ပြီး လူကောင်းတွေကိုဖြစ်လို့ အသားအရည်ကြည်လင်ဝင်းပပြီး ကျန်းမာရေးကလည်း ဒေါင်ဒေါင်မြည့်လို့ ။ကိုရင့်ကို နုတ်ဆက်ရင်း ထိုင်ကန်တော့ရင်း မျက်ရည် တွေတွေ ကျနေတဲ့ တပည့်လေးတွေမျက်နှာကို ဒီနေ့ထိမမေ့ဘူး ။ ဘဝတစ်လျှောက်လုံးမှာ လုပ်လိုက်ရတဲ့ စစ်ရေးပြ ဘယ်စစ်ရေးပြမှ ကောင်းကောင်းမမှတ်မိဘူး ပါလီပါလီမှာလုပ်တဲ့ အရက်စစ်ရေးပြ( အရက် parade) ကိုတော့ ဘယ်တော့မှ မေ့နိုင်မယ် မထင်ပါဘူးခင်ဗျာ။