ကိုးကွယ်ရာဘာသာဆိုင်ရာ အချက်အလက်များကို လပိုင်းအတွင်းထုတ်ပြန်မည် --------------------------------------

ကိုးကွယ်ရာဘာသာဆိုင်ရာ အချက်အလက်များကို လပိုင်းအတွင်းထုတ်ပြန်မည်
--------------------------------------------

ရန်ကုန်၊ ဇွန် ၃

မြန်မာနိုင်ငံတွင် သန်းခေါင်စာရင်းရလဒ်အရ ရရှိထားသည့် ကိုးကွယ်ရာဘာသာဆိုင်ရာအချက်အလက်များကို ရက် ၁၀၀ စီမံကိန်းအတွင်း ထုတ်ပြန်သွားမည်ဖြစ်ကြောင်း အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနမှ အမြဲတမ်းအတွန်းဝန်ဦးမြင့်ကြိုင်က ပြောကြားသည်။

ဘာသာဆိုင်ရာအချက်အလက်များကို ဗဟိုအဆင့်အပြင် တိုင်းဒေသကြီးနှင့်ပြည်နယ်အဆင့်အထိပါ ထုတ်ပြန်မည်ဖြစ်ကြောင်း၊ အဆိုပါရလဒ်ကို ဇူလိုင်လနောက်ဆုံးထား၍ ထုတ်ပြန်မည်ဖြစ်ကြောင်း ၎င်းကဆိုသည်။

လူမျိုးဆိုင်ရာအချက်အလက်နှင့်ပတ်သက်၍ စိစစ်မှုများမပြီးသေးသဖြင့် လူမျိုးကိစ္စနှင့်ပတ်သက်၍ အငြင်းပွားနေမှုများကို မည်သည့်အချိန်တွင် ဖြေရှင်းနိုင်မည်ကို ပြောဆို၍မရသေးကြောင်း ဦးမြင့်ကြိုင်ကပြောဆိုသည်။

တိုင်းရင်းသားအမည်နာမမှားယွင်းမှု၊ လွဲချော်မှု၊ မျိုးနွယ်စုများဖောင်းပွနေမှု၊ မျိုးနွယ်စုများကို တိုင်းရင်းသားလူမျိုးသတ်မှတ်ချက်တွင် ထည့်ထားခြင်းမရှိမှုစသည့် ပြဿနာများကို သက်ဆိုင်ရာတိုင်းရင်းသားအဖွဲ့အစည်းများ၊ တိုင်းရင်းသားခေါင်းဆောင်များ၊ သမိုင်း၊ ယဉ်ကျေးမှုပညာရှင်များ၊ လွှတ်တော်က တိုင်းရင်းသားရေးရာကော်မတီစသည်တို့ကိုဖိတ်ခေါ်ကာ ညီလာခံကျင်းပပြီး အဆုံးအဖြတ်ရယူမည်ဖြစ်ကြောင်း ၎င်းက မီဒီယာများကိုပြောဆိုထားသည်။

“လူမျိုးကိစ္စကတော့မပြီးသေးဘူး။ စာရင်းဇယားအချက်အလက်တွေမပြီးသေးတဲ့အတွက် ဆွေးနွေးပွဲတွေမလုပ်နိုင်သေးဘူး။ ဆွေးနွေးပွဲတွေလုပ်ပြီးမှထုတ်ပြန်မယ်။အဲဒါကကြာဦးမယ်” ဟု ဦးမြင့်ကြိုင်ကပြောကြားသည်။

၂၀၁၄ ပြည်လုံးကျွတ်သန်းခေါင်စာရင်းကို မတ်လ ၃၀ရက်နေ့မှ ဧပြီလ ၁၀ရက်နေ့အထိ ကောက်ယူခဲ့သည်။