သူခိုးဟု စွပ်စွဲ၍ ထိုးကြိတ်ရိုက်နှက်ပြီး ဖုန်းဆိုင်အတွင်း ပိတ်လှောင်ထားသူ များကို အမှုဖွင့် ---------------------------------------

ရန်ကုန်၊ ဇွန် ၂၉

မင်္ဂလာတောင်ညွန့်မြို့နယ်၊ ရေတွင်းကုန်းရပ်ကွက်တွင် ဇွန်လ ၂၆ ရက် ည ၁၁ နာရီက အသက် ၁၉ နှစ် အရွယ် အမျိုးသား တစ်ဦးကို အငှား ယာဉ်ဖြင့် ခေါ်ဆောင်၍ သူခိုးဟု စွပ်စွဲပြီး အုပ်စုဖွဲ့ ထိုးကြိတ် ရိုက်နှက်ကာ တာမွေ မြို့နယ်၊ ၁၅၆ လမ်းရှိ MY PHONE အရောင်းဆိုင်အတွင်း ပိတ်လှောင်ခဲ့သူများကို အမှုဖွင့် အရေးယူထား ကြောင်း ယင်းမြို့နယ် ရဲတပ်ဖွဲ့ထံမှ သိရှိရသည်။

“ဖုန်းဆိုင်ထဲက ပစ္စည်းတွေ ပျောက်လို့ ဆိုင်ရှင်က သူ့ကို အငှားယာဉ် နဲ့ ဒေါပုံတံတားအဆင်းနားခေါ်ပြီး အုပ်စုဖွဲ့ ရိုက်နှက် စစ်ဆေးမေးမြန်းခဲ့ တယ်လို့ အမှုဖွင့် တိုင်ကြားချက်အရ သိရတယ်၊ ပြီးတော့ တာမွေက ဖုန်းဆိုင်ထဲမှာ တစ်ရက်ကြာ ချုပ်နှောင်ထားချိန် ဆိုင်ရှင်ရဲ့ သားဖြစ်သူ သုံးနှစ်သားက တိုက်ပေါ်က ပြုတ်ကျ သေဆုံးခဲ့လို့ သူ့ကို ပြန်လွှတ်ပေး လိုက်တယ်လို့ သိရတယ်၊ မတရားချုပ်နှောင်ပြီး ရိုက်နှက်မှုနဲ့ ဖုန်းဆိုင်ပိုင်ရှင် လင်မယားကို ဖမ်းဆီး စစ်ဆေးနေပါတယ်၊ နှစ်ဦးက ထွက်ပြေးတိမ်းရှောင်နေ လို့ လိုက်လံ စုံစမ်းနေဆဲပါ ”ဟု မင်္ဂလာတောင်ညွန့် မြို့နယ် ရဲမှူး သိန်းအောင် က ပြောကြားသည်။

အဆိုပါ အုပ်စုဖွဲ့ ဝိုင်းဝန်းထိုးကြိတ် ရိုက်နှက်ခံရသော အမျိုးသားမှာ ယင်းညက ဖုန်းဆိုင်တွင် အတူလုပ်ကိုင်ဖူး သော အမျိုးသမီးတစ်ဦးနှင့် တွေ့ ဆုံရန် ၁၁၈ လမ်းထိပ်တွင် ချိန်းဆိုခဲ့ပြီးနောက် ယင်းအမျိုးသမီးက အငှားယာဉ် တစ်စီးဖြင့် လာရောက်ခေါ်ဆောင်ခဲ့ကြောင်း၊ ယင်းနောက် အဆိုပါ အငှားယာဉ်ပေါ်သို့ MY PHONE အရောင်း ဆိုင်ပိုင်ရှင် ဇနီးမောင်နှံနှင့် အသက် ၂၀ အရွယ် အမျိုးသားတစ်ဦးတို့ လိုက်ပါလာခဲ့ပြီး အငှားယာဉ်ကို ဒေါပုံ တံတားအဆင်းသို့ မောင်းနှင်၍ ၎င်းကို အုပ်စုဖွဲ့ ဝိုင်းဝန်း ထိုးကြိတ်ရိုက်နှက်ခဲ့ကြောင်း အမှုဖွင့် တိုင်ကြားချက် များအရ မင်္ဂလာတောင်ညွန့်မြို့မ ရဲစခန်းထံမှ သိရှိရသည်။

“ဖုန်းဆိုင်မှာ အတူလုပ်ကိုင်ဖူးတဲ့ အမျိုးသမီးက မုန့်အတူစားမယ်လို့ ဖုန်းဆက်ခေါ်ပြီး သူ့ကို အငှားကားနဲ့ ဒေါပုံတံတားအဆင်း မှောင်ရိပ် ထဲ ခေါ်သွားခဲ့တယ်၊ ကားပေါ်မှာ အတူပါလာတဲ့ ဖုန်းဆိုင်ပိုင်ရှင်က သူ့ကို တံတားအောက် မှောင်ရိပ်မှာ ထိုးကြိတ် ရိုက်နှက်ပြီး ဆိုင်က ပျောက်သွားတဲ့ ပစ္စည်းတွေ ဘယ်မှာထားလဲ မေးမြန်းခဲ့တယ်၊ ပြီးတော့ သူ့ကို တာမွေမှာရှိတဲ့ MY PHONE ဆိုင် ပြန်ခေါ်လာပြီး ဆိုင်ထဲမှာ ပိတ်လှောင် စစ်ဆေးနေ တုန်း နောက်တစ်နေ့ ဇွန်လ ၂၇ ရက်မှာ ဖုန်းဆိုင်ပိုင်ရှင်ရဲ့ သားဖြစ်သူ က နေအိမ် တိုက်ခန်း ငါးလွှာပေါ်က ပြုတ်ကျသေဆုံးခဲ့လို့ ဖမ်းဆီးစစ်ဆေးနေ သူကို ပြန်လွှတ်ပေးလိုက်တာလို့ တိုင်ကြားချက် အရ သိရတယ် ” ဟု ရဲမှူး သိန်းအောင်က ပြောကြားသည်။

အဆိုပါ အမျိုးသားကို ထိုးကြိတ်ရိုက်နှက်ပြီး MY PHONE အရောင်းဆိုင်အ တွင်း ပိတ်လှောင်စစ်ဆေးခဲ့သည့် အသက် ၃၈ နှစ် အရွယ် ဖုန်းဆိုင်ပိုင်ရှင်၏ သားဖြစ်သူ သုံးနှစ်အရွယ် ယောက်ျားလေးမှာ ဇွန်လ ၂၇ ရက် ည ၉ နာရီက တာမွေမြို့နယ်၊ ၁၅၆ လမ်းရှိ ငါးလွှာတိုက်ခန်းတွင် တစ်ဦးတည်းကျန်ရှိ ချိန် ဆော့ကစားရာမှ အိမ်ရှေ့ ၀ရန်တာပေါ်မှ မြေပြင်သို့ ပြုတ်ကျသေဆုံး ခဲ့ကြောင်း ရန်ကုန်တိုင်းဒေသကြီး ရဲတပ်ဖွဲ့မှူးရုံးထံမှ သိရှိရသည်။

“ဆိုင်က ပစ္စည်းတွေပျောက်လို့ သံသယရှိသူကို ထိုးကြိတ်ရိုက်နှက်ပြီး ခေါ် စစ်ဆေးတယ်၊ မဖြေလို့ ဆိုင်ထဲ ပိတ်လှောင်ပြီး ရိုက်နှက်စစ်ဆေးခဲ့လို့ ဆိုင်ပိုင်ရှင်အမျိုးသားက တရားလိုကနေ တရားခံ ပြန်ဖြစ်ခဲ့ရတယ်၊ ဥပဒေအတိုင်း ဖြေရှင်းရမယ့် ပြဿနာကို မိမိသဘောဆန္ဒနဲ့ လုပ်ဆောင်မိတာကြောင့် ကလေးနာရေး ဖြစ်နေချိန်မှာ လင်မယားနှစ်ယောက်လုံး အချုပ်ခန်းထဲ ဖမ်းဆီးစစ်ဆေးမှုကို ခံယူနေရတယ် ”ဟု မင်္ဂလာ တောင်ညွန့်မြို့နယ် ရဲမှူး သိန်းအောင်က ပြောကြားသည်။

ဆိုင်အတွင်း ပစ္စည်းပျောက်ဆုံးရာမှ သံသယရှိသူ အမျိုးသားကို ဝိုင်းဝန်းထိုးကြိတ်ပြီး ဆိုင်အတွင်း ပိတ်လှောင် စစ်ဆေးမှုဖြင့် ဆိုင်ပိုင်ရှင် အသက် ၃၈ နှစ် အရွယ် အမျိုးသားနှင့် အသက် ၂၉ နှစ် အရွယ် ၎င်း၏ ဇနီးဖြစ်သူ တို့ကို ဖမ်းဆီးခဲ့ကြောင်း၊ အငှားယာဉ်ဖြင့် တင်ဆောင်၍ ဒေါပုံတံတားအဆင်းတွင် အမျိုးသားကို ဝိုင်းဝန်း ရိုက်နှက် စစ်ဆေးခဲ့စဉ်က ဆိုင်ရှင် ဇနီးမောင်နှံနှင့်အတူ ပါဝင်ခဲ့သော အသက် ၂၀ အရွယ်ရှိ အမျိုးသမီး တစ်ဦး(စုံစမ်းဆဲ) နှင့် အမျိုးသား တစ်ဦး(စုံစမ်းဆဲ) တို့ကို ရာဇသတ်ကြီး ပုဒ်မ ၃၆၇။ ၃၄၁။၁၁၄ ဖြင့် အမှုဖွင့် စုံစမ်း စစ်ဆေးနေကြောင်း မင်္ဂလာတောင်ညွန့်မြို့မ ရဲစခန်းထံမှ သိရှိရသည်။