စစ်ကိုင်းတိုင်းဒေသကြီး ရွှေဘိုခရိုင် ခင်ဦးမြို့နယ် သာဝတ္ထိကျေးရွာ၌ ဇွန်(၂၅)ရက်နေ့ ည(၁၁)နာရီခွဲခန့်က မိခင်က သားမိုက်အရင်းကို ဓါးဖြင့် ဆုံးမလိုက်သော လူသတ်မှု တစ်ခုဖြစ်ပွားခဲ့သည်။
ဖြစ်စဉ်မှာ အဖဦးစိန်လင်း+အမိဒေါ်မြမြမော်တို့၏သား သန်းမင်းဦးမှာ အရက်သေစာများ သောက်စားမှုးယစ်ပြီး ပတ်ဝန်ကျင်ဆွေမျိုးများ မိဘညီအစ်ကိုမောင်နှမများအပေါ် နေ့စဉ်ရက်ဆက်လိုလို ဒုက္ခအမျိုးမျိုးပေးလျက်ရှိပြီး သီးခံလာခဲ့ကျရာမှ ဇွန်(၂၅)ရက်နေ့ ညနေ(၄)နာရီခန့်က ဖခင်ဖြစ်သူဦးစိန်လင်းမှာ စိုက်/ဘဏ်ချေးငွေထုတ်ပြီးပြန်လာစဉ် မိခင်ဖြစ်သူဒေါ်မြမြမော်နှင့်သားဖြစ်သူသန်းမင်းဦးတို့မှာ ဖုန်းပျောက်သည့်ကိစ္စနှင့်ပတ်သက်၍နေအိမ်၌ စကားများရန်ဖြစ်နေကျသည်ကို ဝင်ရောက်ဖြန်ဖြေခြင်း မပြုတော့ဘဲ တူမတော်သူအိမ်သို့ သွားရောက်နေခဲ့ပြီး။ ည(၁၁)နာရီခန့်မှ နေအိမ်သို့ပြန်လာခဲ့ရာ သားဖြစ်သူကတောင်းဘက်ခုံတန်းလျား၌အိပ်နေပြီး ဇနီးဖြစ်သူမှာမြောက်ဘက်ခုံတန်းလျားတွင် မျက်နှာချင်းဆိုင်အိပ်နေကျသည်ကိုတွေ့ရှိရသဖြင့် အိပ်ယာဝင်ခဲ့သည်။ ၎င်းနောက် နာရီဝက်ခန့်အကြာတွင် "တခွပ် ခွပ်"ခုတ်သံကြား၍ လန့်ပြီထကြည့်ရာ ဇနီးဖြစ်သူဒေါ်မြမြမော်မှာ သားဖြစ်သူသန်းမင်းဦး၏လည်ပင်ကို ထင်းခုတ်ဓါးမဖြင့် ခုတ်သတ်နေသည်ကိုတွေ့ရှိသဖြင့် ကျေးရွာအုပ်ချုပ်ရေးမှူးထံအကြောင်းကြားပြီး ရဲစခန်းသို့တရားလိုပြုလုပ်တိုင်တန်းခဲ့ကြောင်း သိရသည်။
ဖြစ်စဉ်နှင့်ပတ်သက်၍ ခင်ဦးမြို့မရဲစခန်းမှ အမှုမှတ်(ပ)၁၆၃/၂၀၁၆ ပုဒ်မ-၃၀၂ အရ တရားခံဒေါ်မြမြမော်(၅၀)နှစ်(ဘ)ဦးသန်းစိန် တောင်သူ သာဝတ္ထိကျေးရွာနေသူအား အမှုဖွင့်ဖမ်းဆီးအရေးယူထားကြောင်း သတင်းရရှိသည်။
Chit San
No comments:
Post a Comment