ခေါင်ရည်ဆိုင်တွင် စကားများရန်ဖြစ်ခဲ့ရာမှ တစ်ရပ် ကွက်တည်းသားချင်း ဓားဖြင့်ထိုးသဖြင့် လူတစ်ဦးသေဆုံးခဲ့မှု အောင်လံမြို့တွင် ဖြစ်ပွားခဲ့သည်။
စက်တင်ဘာ ၂၃ ရက်ညက အောင်လံမြို့ ကုသိနာရုံဘုရားရှေ့တွင် လူတစ်ဦးဓားထိုးခံရသဖြင့် လဲကျနေကြောင်း သတင်းပေးချက်အရ အောင်လံမြို့မရဲတပ်ဖွဲ့စခန်းမှ တာဝန်ရှိသူများ သွားရောက်စစ်ဆေးခဲ့ရာ စက်ရုံရပ်ကွက် ပြည်တော်အေး (၅) လမ်းနေ ပန်းရန်လုပ်သား အသက် (၂၃) နှစ်အရွယ် လူငယ်တစ်ဦးဓားဒဏ်များဖြင့် လဲကျနေသည် ကို တွေ့ရှိခဲ့ကြောင်း ရဲတပ်ဖွဲ့မှတ်တမ်းအရ သိရှိရသည်။
နဖူးတွင် ပြတ်ရှဒဏ်ရာတစ် ချက်အပါအ၀င် ဘယ်ဘက်ရင်အုံ တွင် ထိုးသွင်းဒဏ်ရာ နှစ်ချက်၊ နောက်ကျောဘက်တွင် ထိုးသွင်း ဒဏ်ရာလေးချက်ရရှိခဲ့၍ အောင်လံပြည်သူ့ဆေးရုံကြီးသို့ တင်ပို့ကုသခဲ့ရပြီး အဆိုပါ ဓားဖြင့်ထိုးခံခဲ့ရသော လူငယ်သည်စက်တင်ဘာ ၂၄ ရက် နံနက်တွင် သေဆုံးသွားခဲ့ကြောင်း ရဲတပ်ဖွဲ့မှတ်တမ်းတွင် ဖော်ပြထားသည်။
ဓားဖြင့် ထိုးခံရသူ၏ ပြော ကြားချက်အရ ဓားဖြင့်ထိုးကာ ထွက်ပြေးသွားသူမှာ တစ်ရပ်ကွက်တည်းနေထိုင်သူ စက်ရုံရပ်ကွက် အောင်မင်္ဂလာ (၉) လမ်းမှ အသက် (၂၅) နှစ်အရွယ် ရဲဝင်းဆိုသူဖြစ်ကြောင်း သိရှိရပြီး ခေါင်ရည်ဆိုင်တွင် စကားများရန်ဖြစ်ခဲ့ရာမှ ဓားဖြင့်ထိုးခဲ့ခြင်းဖြစ်ကြောင်း အောင်လံမြို့နယ် ရဲတပ်ဖွဲ့မှူးရုံးမှ တာဝန်ကျအရာရှိက ဆိုသည်။
ဓားဖြင့် ထိုးခဲ့သည့် လူငယ်ကို အောင်လံမြို့နယ် ရဲတပ်ဖွဲ့စခန်းက ရာဇသတ်ကြီးပုဒ်မ ၃၀၂ ဖြင့် အမှုဖွင့် အရေးယူထားရှိကြောင်း ရဲအရာရှိက ဆိုသည်။
No comments:
Post a Comment