သာစည် စက်တင်ဘာ ၂၇
မန္တလေးတိုင်းဒေသကြီး သာစည်မြို့နယ် ဟံဇားကျေးရွာအုပ်စု တဲကုန်းတွင် စက်တင်ဘာ ၂၆ ရက် ညနေ ၆ နာရီခွဲက လင်မယားချင်း စကားများရန်ဖြစ်ကြပြီး ခင်ပွန်းဖြစ်သူက ဇနီးဖြစ်သူကို လက်သီး ဖြင့် ထိုးခဲ့သောကြောင့် ဇနီးဖြစ်သူမှာ နားနှင့် ပါးစပ်တို့မှ သွေးများထွက်ပြီး သေဆုံးခဲ့မှုဖြစ်ပွားခဲ့သည်။
ဟံဇားရဲစခန်းပိုင် ရေတွင်းကြီး ကျေးရွာ တဲကုန်း၌ ဦးကျော်စိုး (၅၆ နှစ်)နှင့် ဇနီးဖြစ်သူ ဒေါ်သေး(၄၆နှစ်)တို့သည် စက်တင်ဘာ ၂၆ ရက် ညနေ ၆ နာရီခွဲတွင် ယာကွက်အတွင်းရှိ သစ်ငုတ် များ မတူးသည့်ကိစ္စနှင့် ပတ်သက်၍ လင်မယားချင်း စကားများရန်ဖြစ်ကြပြီး ဦးကျော်စိုးက ဒေါသကို မထိန်းနိုင်တော့ ဘဲ လက်သီးဖြင့် ဒေါ်သေး၏ ရင်ဘတ်နှင့် ဝမ်းဗိုက်တို့ကို အချက်ပေါင်းများစွာ ထိုးကြိတ်ရာ အနီးတွင်ရှိသည့် ဒေါ်သေး၏တူ ကိုလပြည့်က ဝင်ရောက်ဖျန်ဖြေ ပေးသဖြင့် ဦးကျော်စိုးမှာ အခင်းဖြစ် နေရာမှ ရွာဘက်သို့ ထွက်ခွာသွား သည်။ ဒေါ်သေးမှာလည်း နေအိမ်အတွင်း ဝင်ရောက်၍ အိပ်ရာပေါ်တွင် လှဲလျောင်း နေရာမှ ည ၈ နာရီခွဲခန့်တွင် နှာခေါင်း နှင့် ပါးစပ်တို့မှ သွေးများထွက်ကျလာပြီး သေဆုံးသွားခဲ့သည်။
ယင်းဖြစ်ရပ်နှင့် ပတ်သက်၍ သာယာကုန်းကျေးရွာ အုပ်ချုပ်ရေးမှူး ဦးအောင်မြိုင်က ဟံဇားရဲစခန်းသို့ အကြောင်းကြားခဲ့ပြီး ပြစ်မှုကျူးလွန်သူ ကျော်စိုးကို ရေတွင်းကြီးကျေးရွာ မြောက် ဘက် သုံးမိုင်ခန့်ကွာဝေးသည့် အုတ်ဖိုရွာ တောစပ်အနီး တဲတစ်လုံး၌ ခိုအောင်း နေစဉ် စက်တင်ဘာ၂၇ ရက် နံနက် ၈ နာရီခွဲက လက်ရဖမ်းဆီးရမိခဲ့ရာ ဟံဇား ရဲတပ်ဖွဲ့စခန်းက အမှုဖွင့်အရေးယူထား ကြောင်း သိရသည်။
မောင်ကို(သာစည်)
Myanmaalinn
No comments:
Post a Comment