ခရီးသည်တင်အမြန်ယာဉ်နှင့် FAW အမျိုးအစား ကုန်တင်ယာဉ်တိုက်မိပြီးနောက် တွေ့ရစဉ် (ဓာတ်ပုံ − ဇော်မင်းထိုက်)
ပဲခူးတိုင်းဒေသကြီး ပြည် မြို့ နဝဒေးလမ်းဆုံနေရာတွင် စက်တင်ဘာ ၂၈ ရက်က ကုန်တင်ယာဉ်နှင့် ကြံတိုင်းအောင် ခရီးသည်တင်ယာဉ်တို့ တိုက်မိ၍ ခရီးသည် ၁၂ ဦး ဒဏ်ရာရရှိကြောင်း သတင်းရရှိသည်။
ယာဉ်တိုက်မှုကြောင့် ခရီး သည်တင် အမြန်ယာဉ်ပေါ်တွင် လိုက်ပါလာသည့် ခရီးသည်ရှစ်ဦး နှင့် ဖောကားပေါ်၌ လိုက်ပါလာသူ လေးဦး စုစေုပါင်း ၁၂ ဦး ဒဏ်ရာရရှိပြီး ပြည်ဆေးရုံကြီးသို့ ပို့ဆောင်ကုသပေးခဲ့ကြောင်း ပြည်မြို့ ယာဉ်ထိန်းရဲတပ်ဖွဲ့မှ သတင်းရရှိသည်။
‘‘ဦးစားပေး လမ်းမကြီးကို ဦးစားမပေးဘဲ ယာဉ်မဆင်မခြင် မောင်းပြီး လမ်းမကြီးပေါ် ဖြတ် တက်တဲ့ ဖောကားယာဉ်မောင်းကို အမှုဖွင့်အရေးယူမှာဖြစ်ပါတယ်။ ယာဉ်မောင်းက တိမ်းရှောင်သွား တဲ့အတွက် စုံစမ်းဆဲပါ’’ဟု ပြည် မြို့ ယာဉ်ထိန်းရဲတပ်ဖွဲ့မှ ဒုရဲမှူး ဝင်းနိုင်ဦးက ပြောသည်။
ဖောကားပေါ်တွင် လိုက် ပါလာသည့် ဒဏ်ရာရရှိသူ အမျိုးသားတစ်ဦးမှာ စိုးရိမ်ရပြီး ကျန်ဒဏ်ရာ ရရှိသူများမှာ မစိုးရိမ် ရကြောင်း၊ ကျန်ရှိသည့်ခရီးသည် များကို သက်ဆိုင်ရာ ယာဉ်လိုင်း က ခရီးဆုံးအထိ ပို့ဆောင်ပေးရန် စီစဉ်မည်ဖြစ်ကြောင်း သတင်းရရှိ သည်။
No comments:
Post a Comment