MFF ဥက္ကဋ္ဌသက်တမ်း တစ်လျှောက် ကျပ် ၁၂ ဘီလီယံ အသုံးပြုထားဟု ဦးဇော်ဇော်ဆို
-------------------------------------
မြန်မာနိုင်ငံ ဘောလုံးအဖွဲ့ချုပ် MFF ဥက္ကဋ္ဌသက်တမ်းတစ်လျှောက် ၎င်းတာဝန်ယူခဲ့သည့် အချိန်အတွင်း မြန်မာဘောလုံး အဆင့်အတန်း မြင့်မားလာစေရေး အတွက် ငွေကျပ် ၁၂ ဘီလီယံခန့် သုံးစွဲခဲ့ပြီး ဖြစ်ကြောင်း ယင်းအဖွဲ့ချုပ် ဥက္ကဋ္ဌဦးဇော်ဇော်က ဆိုသည်။
“ကျွန်တော်တို့အနေနဲ့ NGO အဖွဲ့အစည်းတစ်ခု ဖြစ်တဲ့အတွက် အစိုးရထောက်ပံ့မှု မရခဲ့ပါဘူး။ အဖွဲ့ချုပ်ဥက္ကဋ္ဌ အနေနဲ့ တာဝန်စယူခဲ့တဲ့ အချိန်ကနေ အခုအချိန်အထိ (ကျပ်) ၁၂ဘီလီယံ အသုံးပြုခဲ့ပြီးပါပြီ။ ကားတို့၊ အိမ်ခန်းတို့ ပံ့ပိုးပေးထားတာတွေလည်း ရှိပါတယ်။ လက်ရှိအချိန်မှာ ကျွန်တော်တို့အဖွဲ့ချုပ် အနေနဲ့ တစ်နှစ်ကို သိန်းပေါင်းငါးသောင်းလောက် အသုံးပြုရပါတယ်။ ဒါကလည်း စပွန်ဆာတွေနဲ့ ကွင်းဝင်ကြေးက ရတဲ့ ငွေတွေနဲ့လည်း ဆိုင်ပါတယ်။ စပွန်ဆာဝင်ငွေ သိန်းနှစ်သောင်းရှိရင် ကျွန်တော်က သိန်းသုံးသောင်းလောက် စိုက်ရပါတယ်။ စပွန်ဆာတွေ ရဖို့အတွက် ဘောလုံးအဆင့်အတန်း ဒီထက်ပို တိုးတက်အောင်လုပ်ဖို့ လိုပါတယ်”ဟုဦးဇော်ဇော်က ရှင်းပြသည်။
ဦးဇော်ဇော်သည် မြန်မာနိုင်ငံဘောလုံးအဖွဲ့ချုပ် ဥက္ကဋ္ဌအဖြစ် ၂ဝဝ၅ ခုနှစ်မှစ၍ တာဝန်ယူခဲ့ခြင်း ဖြစ်ပြီး ၂ဝ၁၉ ခုနှစ် အထိ ဘောလုံးအဖွဲ့ချုပ် ဥက္ကဋ္ဌအဖြစ် တာဝန်ထမ်းဆောင်ခွင့် ရထားသည်။ မြန်မာနိုင်ငံ ဘောလုံးအဖွဲ့ချုပ် ဥက္ကဋ္ဌအဖြစ် ဦးဇော်ဇော် တာဝန်ယူခဲ့ပြီးနောက်ပိုင်းတွင် အာဆီယံဒေသတွင်း နိုင်ငံများရှိ ဘောလုံးအဖွဲ့ချုပ် များအနက် တစ်နှစ်တာ အကောင်းဆုံးဘောလုံးအဖွဲ့ချုပ်ဆု ကိုလည်း ၂ဝ၁၄ ခုနှစ်နှင့် ၂ဝ၁၅ ခုနှစ်တို့တွင် နှစ်ကြိမ်ဆက် ရယူနိုင်ခဲ့သည်။
No comments:
Post a Comment