လိပ်ကျွန်း ကိစ္စ ပြန်လည် ဆန်းစစ်ပေး ရန် တပ်ချုပ် က သ၀ဏ်လွှာပေးပို့
--------------------------------------------------------------------------------------------------------------
နေပြည်တော်၊ ဒီဇင်ဘာ ၂၆
ထိုင်းနိုင်ငံ လိပ်ကျွန်းတွင် ဖြစ်ပွားသော လူသတ်မှု တွင် သေဒဏ်ချမှတ်ခံ ရသော မြန်မာနိုင်ငံသား နှစ်ဦး၏ အမှု ကို ပြန်လည်ဆန်းစစ် ပေးရန် တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ထိုင်းတပ်မတော် အရာရှိကြီးများ ထံ သ၀ဏ်လွှာပေးပို့ လိုက်ကြောင်း တပ်မတော် ကာကွယ်ရေး ဦးစီးချုပ်ရုံးက သတင်း ထုတ်ပြန် လိုက်သည်။
မြန်မာနိုင်ငံဆိုင်ရာ ထိုင်းစစ်သံမှူးမှ တစ်ဆင့် ထိုင်းနိုင်ငံ အစိုးရ၀န်ကြီး ဒုတိယ၀န်ကြီးချုပ်နှင့် ကာကွယ်ရေးဝန်ကြီးဖြစ်သူ General Prawit Wongsuwon၊ ထိုင်းဘုရင့်တပ်မတော် ဦးစီးချုပ် General Sommai Kaotira တို့ထံ ယနေ့သ၀ဏ်လွှာ များ ပေးပို့ ခဲ့ရာတွင် လိပ်ကျွန်း၌ ဖြစ်ပွားခဲ့သောလူသတ်မှုတွင် သေဒဏ်ချမှတ်ခံရသော မြန်မာနိုင်ငံသား နှစ်ဦးကိစ္စနှင့်ပတ်သက်ပြီး သက်သေအထောက်အထားများ ခိုင်လုံမှု ရှိ/မရှိ ပြန်လည်သုံးသပ် ဆန်းစစ်ပေးစေလိုကြောင်း တရားဥပဒေအရ အပြစ် ရှိသူကို ပြစ်ဒဏ် မပေးမိခြင်းထက် အပြစ်မဲ့သူ ကို ပြစ်ဒဏ်ပေးမိခြင်းမျိုး မဖြစ်စေရန် အရေးကြီးပါကြောင်း၊ စီရင်ချက် ချမှတ်ခဲ့သည့် ကိစ္စနှင့် စပ်လျဉ်း ၍ မြန်မာနိုင်ငံနှင့် ထိုင်းနိုင်ငံတို့အကြား တည်ရှိနေသော ခိုင်မာသည့် ချစ်ကြည်ရင်းနှီးမှု၊ အပြန်အလှန် လေးစားယုံကြည်မှုတို့ကို ရှေးရှု့ကာ တရားဥပဒေအရညီညွတ်မျှတစွာအကောင်းဆုံး ဖော်ဆောင်အလေးထား ဆောင်ရွက်ပေးနိုင်မည်ဟု ယုံကြည်မျှော်လင့်ပါကြောင်းဖြင့် ဖော်ပြပါရှိသည်ဟု ယင်းထုတ်ပြန်ချက် တွင် ဖော်ပြသည်။
No comments:
Post a Comment