ယနေ့ညနှင့် မနက်ဖြန်နံနက်အစောပိုင်းတွင်ယှဉ်ပြိုင်ကစားမည့် စပိန်လာလီဂါ ပွဲစဉ်များပွဲကြိုသုံးသပ်ချက်
---------------------------------------------------------
တစ်ပတ်ကြာဆောင်းခိုသွားခဲ့တဲ့ စပိန်လာလီဂါကတော့ ၂၀၁၅ ကိုနှုတ်ဆက်မယ့် ပွဲစဉ်(၁၇)နဲ့အတူ ပြန်လည်စတင်ပါတော့မယ်။ ၂၀၁၅ နှုတ်ဆက်ပွဲက ပွဲကောင်းတွေနဲ့ပြည့်နေပြီး ဗီလာရီးယဲလ်-ဗလင်စီယာ၊ ရီးယဲလ်-ဆိုစီဒက်၊ ဘာစီလိုနာ-ဘက်တစ် ပွဲတွေက နှစ်ကူးမှာ ရင်ခုန်စေဦးမှာပါ။
စပိန်လာလီဂါပွဲစဉ် (၁၇)
------------------------
ရီးယဲလ်မက်ဒရစ်-ဆိုစီဒက် (၃၀-၁၂-၂၀၁၅ ည ၉း၃၀)
ရီးယဲလ်ရဲ့အိမ်ကွင်း ဂိုးသွင်စွမ်းရည်ကို ဒီပွဲမှာထပ်ပြနိုင်ဦးမလားစောင့်ကြည့်ရမယ့် ပွဲဖြစ်နေတယ်။ ပြိုင်ပွဲစုံအိမ်ကွင်းနောက်ဆုံး(၃)ပွဲမှာ (၂၂)ဂိုးသွင်းထားတဲ့ ရီးယဲလ်တိုက်စစ်ကို အဝေးကွင်းနိုင်ပွဲမရသေးတဲ့ ဆိုစီဒက်ကို ဂိုးတွေဘယ်လောက်သွင်းပြနိုင်မလဲဆိုတာ စိတ်ဝင်စားဖို့ကောင်းနေတယ်။ဆိုစီဒက်ကစားပုံမဆိုးလှပေမယ့် နည်းပြသစ်လက်ထက်မှာတော့ ပွဲတိုင်းဂိုးပေးထားရတယ်။ လက်ရှိတိုက်စစ်ခြေစွမ်းနဲ့အရတော့ ရီးယဲလ်နဲ့ ဂိုးအများပဲကြိုက်တယ်။
လီဗန်တေး-မာလာဂါ (၃၀-၁၂-၂၀၁၅ ည ၉း၃၀)
အခုနောက်ပိုင်း မာလာဂါခြေပိုတွေ့လာသလိုတွေ့နေရလို့ လီဗန်တေး မလွယ်လောက်ဘူး။ (၄)ပွဲဆက်တိုက်နိုင်ပွဲပျောက်နေပြီး အိမ်ကွင်းနောက်ဆုံး(၂)ပွဲစလုံးရှုံးထားတဲ့လီဗန်တေးအနေနဲ့ မာလာဂါဆီက အလွန်ဆုံးယူနိုင်ရင် (၁)မှတ်ပါပဲ။ မာလာဂါနဲ့ ဂိုးအနည်းပဲကြိုက်တယ်။
ဆီဗီလာနဲ့ အက်စ်ပန်ညို (၃၀-၁၂-၂၀၁၅ ည ၁၁း၄၅)
ဆီဗီလာကိုတော့ အိမ်ကွင်းမှာစိတ်ချလို့ရနေပါပြီ။ အက်စ်ပန်ညိုကလည်း အဝေးကွင်းနိုင်ပွဲနဲ့ဝေးနေတာ (၄)ပွဲဆက်ရှိပြီဆိုတော့ ဆီဗီလာလို အိမ်ကွင်းအားကောင်းနေတဲ့အသင်းကိုကျော်ဖြတ်ဖို့မလွယ်လှဘူး။ ဆီဗီလာနဲ့ ဂိုးအများပဲရွေးထားလိုက်တယ်။
ဗယ်လက်ကာနို-အက်သလက်တီကို (၃၀-၁၂-၂၀၁၅ ည ၁၁း၄၅)
ဗယ်လက်ကာနို ကစားပုံမဆိုးတဲ့ အပြင်ကစားအားလည်းကောင်းပေမယ့် ခံစစ်အားပျော့လွန်းတယ်။ အက်သလက်တီကိုက တိုက်စစ်အားနည်းပေမယ့် ခံစစ်အမှားများတဲ့ ဗယ်လက်ကာနိုကြောင့် အက်သလက်တီကိုနဲ့ ဂိုးအနည်းပဲရွေးထားရမယ်ထင်တယ်။
အီဘာ-စပို့တင်းဂီဂျွန် (၃၀-၁၂-၂၀၁၅ ည ၁၂း၀၀)
နောက်ဆုံး(၅)ပွဲဆက်နိုင်ပွဲပျောက်ထားတဲ့ အီဘာတို့ ဒီပွဲကိုအိမ်ကွင်းမှာ အနိုင်ရဖို့အားထည့်လာဖို့များတယ်။ စပို့တင်းဂီဂျွန်က ဘာစီလိုနာနဲ့ပွဲကိုအနားရထားလို့ ခြေစွမ်းမစွံပေမယ့် အင်အားပြည့်နေနိုင်တယ်။ ဒီပွဲလည်း ဂိုးနည်းပြီးသရေကျမယ့်ပွဲလို့ထင်တယ်။
ဘာစီလိုနာ-ဘက်တစ် (၃၁-၁၂-၂၀၁၅ နံနက် ၂း၀၀)
၂၀၁၅ ရဲ့နောက်ဆုံးပိတ်ဖလားတစ်လုံးကိုယူထားနိုင်လို့ဘာစီလိုနာတက်ကြွ
နေနိုင်တယ်။ ကြားထဲမှာ အနားလည်းရထားလို့ ဒဏ်ရာသက်သာခါစ မက်ဆီ၊ နေမာတို့လည်း အခုပွဲမှာလန်းဆန်းနေနိုင်တယ်။ ဘက်တစ်ကတော့ အိမ်ကွင်းထက် အဝေးကွင်းကစားပုံပိုကောင်းသလိုတွေ့ရပေမယ့် အခုတစ်လောခြေသိပ်မတွေ့သလိုဖြစ်နေတယ်။ တိုက်စစ်ကလည်းဂိုးရဖို့ရုန်းကန်နေရတယ်။ ခံစစ်ကတော့အားရစရာကောင်းတာကဘက်တစ်အတွက်အားသာချက်ပါ။ ဒါပေမဲ့ ဒီပွဲမှာတော့ ဘာစီလိုနာရဲ့ တောင်အမေရိကတိုက်စစ်တွဲကို ဘက်တစ်ခံစစ်တောင့်ခံနိုင်ဖို့မလွယ်ဘူး။ နူးကမ့်ကွင်းမှာလည်း အစဉ်အလာအရ ဘာစီလိုနာအသာရထားလို့ ဘာစီလိုနာနဲ့ ဂိုးအများပဲကြိုက်တယ်။
ဂီတာဖေး-ဒီပို့တီဗို (၃၁-၁၂-၂၀၁၅ နံနက် ၂း၀၀)
အိမ်ကွင်းကစားပုံမဆိုးလှတဲ့ ဂီတာဖေးကြောင့် ဒီပို့တီဗို ကစားရခက်မယ့်ပွဲမျိုးပါပဲ။ ဒီပို့တီဗိုက နောက်ဆုံး(၇)ပွဲဆက်တိုက် ရှုံးပွဲမရှိအောင်ကစားထားနိုင်တဲ့အပြင် အဝေးကွင်းပွဲတွေမှာလည်း သရေရလဒ်ကိုဦးတည်ပြီး ကစားတက်တဲ့အသင်းဖြစ်လို့ ဂီတာဖေးအတွက်လည်း အနိုင်ရဖို့ခက်မယ့်ပွဲဖြစ်သွားနိုင်တယ်။ သရေကျမယ် ဂိုးနည်းမယ်။
ဆယ်လ်တာဗီဂို-ဘီလ်ဘာအို (၃၁-၁၂-၂၀၁၅ နံနက် ၂း၀၀)
နောက်ဆုံး(၄)ပွဲမှာ (၃)ပွဲနိုင် (၁)ပွဲသရေကစားပြီး ဆယ်လ်တာဗီဂိုခြေပြန်မှန်လာသလိုတွေ့နေရတယ်။ အထူးသဖြင့်အဲဒီ(၄)ပွဲမှာ ဆယ်လ်တာဗီဂိုအသင်းရဲ့ခံစစ်ကစားပုံကလည်း တိုးတက်လာတယ်။ ဒါကြောင့်အဝေးကွင်းခြေစွမ်းပုံမှန်မရှိတဲ့ ဘီလ်ဘာအို ဘလိုင်ဒေ့ါစ်မှာမလွယ်လောက်ဘူး။ ဆယ်လ်တာဗီဂိုနဲ့ ဂိုးအနည်းပဲကြိုက်တယ်။
လက်စ်ပါမားစ်-ဂရန်နာဒါ (၃၁-၁၂-၂၀၁၅ နံနက် ၂း၃၀)
နှစ်သင်းစလုံး ခြေငြိမ်တဲ့အသင်းတွေမဟုတ်ကြဘူး။ အထူးသဖြင့် လက်စ်ပါမားစ်က ပိုရုန်းကန်နေရပြီး တိုက်စစ်ကလည်း ဂိုးရဖို့ခက်နေတဲ့အသင်းမျိုးဖြစ်နေတယ်။ ဂရန်နာဒါကတော့ အခုတလော အဝေးကွင်းကစားပုံပိုငြိမ်နေသလို တွေ့နေရပြီး တိုက်စစ်ကလည်း လက်စ်ပါမားစ်ထက် ဂိုးရအောင်ကစားတက်တယ်။ ဂရန်နာဒါနဲ့ ဂိုးအများပဲရွေးထားချင်တယ်။
ပုံစာ-ပြီးခဲ့သည့်ရာသီ ရီးယဲလ်-ဆိုစီဒက်ပွဲမှာ အကြိတ်အနယ်မြင်ကွင်း
Photo:AFP
No comments:
Post a Comment