Thursday, December 31, 2015

ကျန်းမာတော်မူကြပါစခင်ဗျာ။ နှစ်ကူးညမှာ အအေးပေါ့နှိုင်ပြီး ရှမ်းပြည်နယ်တွင်မိုးရွာနှိုင်ပါတယ်။

ကျန်းမာတော်မူကြပါစခင်ဗျာ။
နှစ်ကူးညမှာ အအေးပေါ့နှိုင်ပြီး ရှမ်းပြည်နယ်တွင်မိုးရွာနှိုင်ပါတယ်။
Happy New Year to you all.
၃၀-၁၁-၂၀၁၅
ည(၁၁း၀၆)နာရီ။

၂၀၁၅ ခုနှစ်၊ဒီဇင်ဘာလ(၃၁)ရက်နေ့အတွက် မိုးလေ၀သခန့်မှန်းချက်။

ဘင်္ဂလားပင်လယ်အော် နဲ့တောင်တရုတ်ပင်လယ်ပြင်အခြေအနေ။
(၃၀-၁၂-၂၀၁၅)ရက် နံနက် (၁၀း ၁၀) နာရီ အချိန် KALPANA_1 ဂြိုဟ်တု မှ တိုင်းတာပေးချက်အရ ကပ္ပလီပင်လယ်ပြင် နှင့် ဘင်္ဂလား ပင်လယ်အော်တို့မှာ တိမ်အနည်းငယ် မှ တိမ်အသင့်အတင့် ဖြစ်ထွန်း နေပါတယ်။ မြန်မာနိုင်ငံမြောက်ပိုင်း နှင့် အရှေ့ပိုင်း ဒေသတွေမှာ တိမ်အသင့်အတင့် ဖြစ်ထွန်းနေပြီး၊ ကျန်ဒေသ တွေမှာ တိမ်အနည်းငယ် ဖြစ်ထွန်းနေပါတယ်။

မြန်မာ့ပင်လယ်ပြင်အခြေအနေ။
မြန်မာ့ ကမ်းရိုးတန်းတလျောက် နဲ့ ကမ်းလွန် ပင်လယ်ပြင်တွေမှာ လှိုင်းအသင့်အတင့် ရှိပါမယ်။ မြန်မာ့ကမ်းရိုးတန်း တလျောက် နဲ့ ကမ်းလွန် ပင်လယ်ပြင်တွေမှာ လှိုင်း အမြင့် (၂) ပေ မှ (၇)ပေခန့် အထိရှိနိုင် ပါတယ်။

ညအပူချိန်များအခြေအနေ။
  ညအပူချိန်များဟာ ကချင်ပြည်နယ်၊ ချင်းပြည်နယ် ၊ရှမ်းပြည်နယ် နှင့် ကယားပြည်နယ် တို့မှာ ညအပူချိန်  4°C-12°C ခန့်၊ ၊ရခိုင်ပြည်နယ်၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး နှင့် မကွေးတိုင်းဒေသကြီး တို့မှာ ညအပူချိန်  13°C-16°C ခန့်၊ကျန် တိုင်း ဒေသ ကြီးများ နှင့် ပြည်နယ် ဒေသများတွင်  ညအပူချိန်များ ဟာ 17°C-21°C ရှိနိုင် ပါတယ်။

မိုးတိမ်တောင်အခြေအနေ။
မြန်မာနိုင်ငံတောင်ပိုင်းမှာမိုးတိမ်တောင်များ အသင့်အတင့် ဖြစ်ထွန်းနိုင် ပါတယ်။ ကပ္ပလီပင်လယ်ပြင် ၊ဘင်္ဂလားပင် လယ်အော်တောင်ပိုင်း နှင့်အနောက်တောင်ပိုင်း တို့မှာ မိုးတိမ်တောင်များ အသင့်အတင့် ဖြစ်ထွန်း နိင်ပါတယ်။                                               

မိုးရွာသွန်းမှုအခြေအနေခန့်မှန်းချက်။
ကချင်ပြည်နယ်၊ ရှမ်းပြည်နယ် နှင့် ကယားပြည်နယ် တို့မှာ နေရာကွက်ကျား မိုးအနည်းငယ် ထစ်ချုန်းရွာနိုင်ပြီး၊ မွန်ပြည်နယ်၊ ကရင်ပြည်နယ် စစ်ကိုင်းတိုင်း (အထက်ပိုင်း) ၊ရန်ကုန်တိုင်းဒေသကြီး၊ဧရာဝတီတိုင်းဒေသကြီး နှင့် တနင်္သာရီတိုင်းဒေသကြီး တို့မှာ တိမ် အသင့်အတင့်ဖြစ်ထွန်းနိုင်ပြီး၊ ကျန်ဒေသတွေမှာ အများအားဖြင့် သာယာနိုင်ပါတယ်။                                                                

နောက်(၂)ရက်အတွက်ခန့်မှန်းချက်။
ရှမ်းပြည်နယ် မှာ မိုးအနည်းငယ် ထစ်ချုန်း ရွာနိုင်ပါတယ်။                                                                          

ဒေါက်တာထွန်းလွင်

No comments: