ရန်ကုန်တိုင်းဒေသကြီးအတွင်းရှိ မြို့နယ် ၁၂ မြို့နယ်တို့တွင် သြဂုတ်လ ၃ ရက်နေ့မှ ၅ ရက်နေ့အထိ ရေခေတ္တ ပြတ်တောက်မည်ဖြစ်ကြောင်း သိရသည်။
ရန်ကုန်မြို့တော် စည်ပင်သာယာရေးကော်မတီ (ရေနှင့် သန့်ရှင်းရေးဌာန)၏ ငမိုးရိပ် ရေပေးဝေရေး စီမံကိန်း (ဒုတိယအဆင့်) မှ ရေပေးဝေလျက်ရှိသော ရေပို့ပိုက်မကြီးများ ပြုပြင်ခြင်းလုပ်ငန်းကို ဆောင်ရွက်မည့် ကာလဖြစ်သောကြောင့် သြဂုတ်လ ၃ ရက်နေ့ နံနက် ၆ နာရီမှ သြဂုတ်လ ၅ ရက်နေ့ ညနေ ၆ နာရီအတွင်း ရေအား လျော့နည်းမှုနှင့် ရေအား ပြတ်တောက်မှုများ ဖြစ်ပေါ်နိုင်ပါသဖြင့် ရေကြိုတင် စုဆောင်းနိုင်ရန် တိုက်တွန်းထားသည်။
ရေပြတ်တောက်မည့် မြို့နယ်များမှာ မင်္ဂလာဒုံ၊ မြောက်ဥက္ကလာပ၊ တောင်ဥက္ကလာပ၊ သင်္ဃန်းကျွန်း၊ ဒဂုံမြို့သစ် (မြောက်ပိုင်း)၊ ဒဂုံမြို့သစ် (တောင်ပိုင်း)၊ ဒဂုံမြို့သစ်(အရှေ့ပိုင်း)၊ ဒဂုံမြို့သစ် (ဆိပ်ကမ်း)၊ သာကေတ၊ ဒေါပုံ၊ တာမွေနှင့် မင်္ဂလာတောင်ညွှန့် မြို့နယ်တို့ ဖြစ်ကြောင်း သိရသည်။
ဝသန်
The Ladies News
No comments:
Post a Comment