ရန်ကုန်တက္ကသိုလ်၌ ဒေးကျောင်းသားပြန်လည်လက်ခံခဲ့သည့် ၂၀၁၃-၂၀၁၄ ပညာသင်နှစ်တွင် သမိုင်းဘာသာအဓိကဖြင့် တက်ရောက်သူကျောင်း သူ/ကျောင်းသား ၁၇ ဦး၊ ၂၀၁၄-၂၀၁၅ ပညာသင်နှစ်တွင် တက်ရောက် သူ ၁၅ ဦး ရှိခဲ့ပြီး၊ ၂၀၁၅-၁၆ ပညာသင်နှစ်တွင် တက်ရောက်သူ တဦးတယောက်မျှမရှိကြောင်း ရန်ကုန်တက္ကသိုလ် သင်တန်းရေးရာဌာနမှ သိရသည်။
ပညာရေးဝန်ကြီးဌာနမှ ၀ိဇ္ဇာ၊ သိပ္ပံ ဘာသာရပ်အလိုက် ထူးချွန်ကျောင်းသူ၊ ကျောင်းသားများရွေးချယ်၍ အထူးလေ့ကျင့်ပြုစုပျိုးထောင်ရေးအစီအစဉ်ဖြင့် ၂၀ ၁၃-၂၀၁၄ ခုနှစ် ပညာသင်နှစ်မှစပြီး ဘာသာရပ်တခုစီတွင် ကျောင်းသား/သူ ၅၀ ဦးစီရွေးချယ်ကာ ရန်ကုန်တက္ကသိုလ်နှင့် မန္တလေးတက္ကသိုလ်တို့၌ ဘာသာရပ်စုစုပေါင်း ၂၀ သင်ကြားပေးလျက်ရှိရာ သမိုင်းဘာသာနှင့်အရှေ့တိုင်းဘာသာနှစ်ခုကို တက်ရောက်သူ နည်းပါးလျက် ရှိသည်။
''၂၀၁၅-၂၀၁၆ ပညာသင်နှစ်မှာ သမိုင်းဘာသာကို တက်ရောက်သူမရှိတာကတော့ ကျောင်းသားများ စိတ်မ၀င်စားတာလား၊ အသုံးဝင်ပုံမသိတာလား။ ဆရာ၊ ဆရာမများနှင့် အဆက်ပြတ်နေတာလား မသိဘူး၊ သမိုင်းဆိုတာကတော့ တကယ်အသုံးဝင်တဲ့ဘာသာပါ။ ဥပမာ နိုင်ငံခေါင်းဆောင်တဦးဖြစ်ရင်တောင် သမိုင်း အကြောင်းသိမှသာလျှင် ဦးဆောင်ပြီးလုပ်ကိုင်နိုင်မှာဖြစ်ပါတယ်။ နိုင်ငံတကာအဆင့်ရှိ ဒေါက်တာသန်းထွန်းလို ပုဂ္ဂိုလ်မျိုးတောင်ရှိခဲ့ဖူးတယ်''ဟု သင်တန်းရေးရာဌာနမှ တာဝန်ရှိသူတဦးက ပြောကြားသည်။
မြန်မာနိုင်ငံ၏ ဝေးလံခေါင်းသီသည့် ပြည်နည်နှင့်တိုင်းဒေသများတွင် နေထိုင်ကြသည့် ထူးချွန်ကျောင်းသား များသည် ရန်ကုန်တက္ကသိုလ်တွင် သမိုင်းနှင့်လူမှုရေးဆိုင်ရာဘာသာရပ်များကို တက်ရောက်သင်ကြားနိုင်ရန် နော်ဝေးနိုင်ငံမှ ထောက်ပံ့ပေးမည်ဖြစ်ကြောင်းနှင့် လစဉ်တလလျှင် ၁၃၅,၀၀၀ ကျပ်ဖြင့် စာတသင်နှစ်တနှစ် စာအတွက် ၁၀ လစာ ထောက်ပံ့ပေးမည်ဖြစ်ကြောင်း သိရသည်။
စန်းလင်းရွှေ
No comments:
Post a Comment