ရဲစခန်းသို့ လာရောက် အဖမ်းခံသူများကို သက်သေခံပစ္စည်းနှင့်အတူ တွေ့ရစဉ် (ဓာတ်ပုံ-မြန်မာနိုင်ငံရဲတပ်ဖွဲ့)
မရမ်းကုန်းမြို့နယ်တွင် ကားပါကင်ထိုးစဉ် စကားများရန်ဖြစ်ရာမှ ယာဉ်မောင်းကို မီးသတ်ဆေးဘူးဖြင့်ရိုက်၍ သေဆုံးခဲ့သည့် ဖြစ်စဉ်မှ ကျူးလွန်သူ အမျိုးသားက သက်ဆိုင်ရာ ရဲစခန်းသို့ လာရောက် အဖမ်းခံခဲ့ကြောင်း သြဂုတ် ၅ ရက်တွင် ရန်ကုန်တိုင်းဒေသကြီး ရဲတပ်ဖွဲ့မှူးရုံးမှ စုံစမ်းသိရှိရသည်။
ဖြစ်စဉ်မှာ သြဂုတ် ၁ ရက် မွန်းတည့် ၁၂ နာရီခန့်တွင် မရမ်းကုန်းမြို့နယ် ဘုရင့်နောင်ပွဲရုံဝင်းရှိ ကားဂိတ်တွင် ကျောက်ဆည် မြို့နယ်နေ ယာဉ်မောင်း ကိုအောင်ထွန်းနိုင်သည် ယာဉ်အားပါကင်ထိုးစဉ် ကျောက်ဆည်မြို့နယ်နေ ယာဉ်မောင်းခိုင်စိုးနှင့် စကားများရန်ဖြစ်ပြီး ထိုးကြိတ်ခဲ့ကြောင်း သိရသည်။
ယင်းသို့ထိုးကြိတ်စဉ် ခိုင်စိုး၏ ညီဝမ်းကွဲ တော်စပ်သူ ပြည့်စုံက မီးသတ်ဆေးဘူးဖြင့် ကိုအောင်ထွန်းနိုင်အား ၀င်ရောက်ရိုက်နှက်ခဲ့ပြီး အရိုက်ခံရမှုကြောင့် ကိုအောင်ထွန်းနိုင်တွင် ဦးခေါင်းနောက်စေ့ ဖူးရောင်ဒဏ်ရာ ရရှိကာ ရန်ကုန်ဆေးရုံကြီးတွင် ဆေးကုသမှုခံယူနေစဉ် သြဂုတ် ၄ ရက် နံနက်ပိုင်းတွင် သေဆုံးသွားခဲ့ကြောင်း သိရသည်။
အဆိုပါဖြစ်စဉ်ကို သေဆုံးသူ၏ အစ်ကိုဖြစ်သူက သက်ဆိုင်ရာ ဘုရင့်နောင်နယ်မြေ ရဲစခန်းသို့ တိုင်တန်းခဲ့ပြီး ရဲစခန်းက (ပ) ၆၀၀/၂၀၁၆ ပြစ်မှုပုဒ်မ ၃၀၂/၁၁၄ ဖြင့် အမှုဖွင့်ပြီး ကျူးလွန်သူအား ဖမ်းဆီးရမိရေးအတွက် ဘုရင့်နောင်ပွဲရုံဝင်းရှိ ကားဂိတ်၊ ကျောက်ဆည်မြို့ရှိ ကားဂိတ်နှင့် ကျောက်ဆည် မြို့မရဲ စခန်းသို့ ဆက်သွယ်ဆောင်ရွက်ခဲ့ရာ ကျူးလွန်သူပြည့်စုံမှာ သြဂုတ် ၅ ရက်တွင် ရဲစခန်းသို့ လာရောက် အဖမ်းခံခဲ့ကြောင်း သိရသည်။
“ကျူးလွန်သူကို စစ်ဆေးတော့ သူ့အစ်ကိုဝမ်းကွဲနဲ့ သေဆုံးသူက ကားပါကင်ထိုးရာကနေ စကားများရန်ဖြစ်လို့ ၀င်ပြီး မီးသတ်ဆေးဘူးနဲ့ ရိုက်တာလို့ သိရတယ်။ ဖြစ်စဉ်က ၁ ရက်က ဖြစ်တယ်။ ၄ ရက် နံနက်ပိုင်းမှာ ဆုံးသွားတဲ့အတွက် သေဆုံးသူရဲ့ အစ်ကိုက ရဲစခန်းကို လာတိုင်တာ ဖြစ်ပါတယ်။ ကျူးလွန်သူကိုတော့ ဆက်လက်စစ်ဆေးပြီး ဥပဒေအတိုင်း ဆောင်ရွက်သွားမှာ ဖြစ်ပါတယ်” ဟု ဘုရင့်နောင်နယ်မြေ ရဲစခန်းမှ ရဲအရာရှိ တစ်ဦးက ပြောကြားသည်။
Writer:
မင်းသိန်းနိုင်
No comments:
Post a Comment