သားအဖနှစ်ဦး စကားများရန်ဖြစ်ရာမှ သားဖြစ်သူက အဖေဖြစ်သူအား ဦးခေါင်းကို ဓားဖြင့်လှီးဖြတ်ကာ သတ်ဖြတ်မှုတစ်ခု တာချီလိတ်မြို့နယ်၊ မိုင်းဖုန်း(ခ)ကျေးရွာအုပ်စု၊ ဝှေလေလန်(အာခါ)ကျေးရွာတွင် သြဂုတ်လ(၁၉)ရက်နေ့က ဖြစ်ပွားခဲ့ကြောင်း သိရသည်။
အသတ်ခံရသူ ဦးအားဖာမှာ ဝှေလေလန်ရှိ အလုပ်ရှင်တစ်ဦး၏ ခြံဝန်းအတွင်း ညအိပ်စောင့်ရာမှ နေအိမ်သို့ပြန်လာစဉ် သားဖြစ်သူမှာ နေအိမ်အားမီးရှို့သဖြင့် ရေနှင့်ပက်ဖျန်းငြှိမ်းသတ်ရာ သားအဖနှစ်ဦး စကားများပြီး သားဖြစ်သူမှာ နေအိမ်မှ ထွက်ခွာသွားခဲ့ကြောင်း၊ ၎င်းနောက် ဖခင်ဖြစ်သူ ဦးအားဖာမှာ သားအဖနှစ်ဦး စားသုံးရန် ထမင်းဟင်းများချက်ပြုတ်ပြီး စားသောက်နေစဉ် သားဖြစ်သူမှ တောင်ယာခုတ်သည့် ဓားဖြင့် ဖခင်၏ ဦးခေါင်းအား ခုတ်ဖြတ်ခဲ့ခြင်းဖြစ်ကြောင်း သိရသည်။
အသတ်ခံရသည့် ဦးအားဖာနှင့် အိမ်ချင်းကပ်လျှက်နေထိုင်သည့် ကျေးရွာသူကြီးဖြစ်သူ ဦးဂျူးဘီမှာ ဘေးအိမ်မှ ထုရိုက်သံကြားသဖြင့် တဲတံခါးအား တွန်းဖွင့်၍ ကြည့်ရှုရာ ဖခင်ဖြစ်သူအား ပက်လက် အနေအထားဖြင့် သားဖြစ်သူမှ ခုတ်ဖြတ်နေသည်ကိုတွေ့ရှိရသဖြင့် ဝှေလေလန်ပူးပေါင်းဂိတ်သို့ သွားရောက် တိုင်ကြားခဲ့ခြင်းဖြစ်ကြောင်း သိရသည်။
"သားဖြစ်သူက အဖေဖြစ်သူကို ခေါင်းတခြား ကိုယ်တခြားဖြစ်အောင် ခုတ်ဖြတ်ထားတာဗျ။ ဒါမျိုးတစ်သက်နဲ့တစ်ကိုယ် မမြင်ဖူးဘူး၊ ဒါမျိုးဖြစ်တာ အငြှိုးအတေးကြောင့်ဖြစ်တာဘဲကြားဖူးတယ် ။ အခုက အဖေအရင်းကို ခေါင်းတခြား ကိုယ်တခြားဖြစ်အောင် သတ်တာ မြင်ဖူးမှ ယုံတော့တယ်ဗျာ"ဟု မှုခင်းဖြစ်ပွားမှုအား သွားရောက်ကြည့်ရှုခဲ့သူ တစ်ဦးက ပြောသည်။
မှုခင်းဖြစ်ပွားမှုနှင့်ပတ်သက်၍ ဖခင်အား သတ်ဖြတ်သူ လီဖာကို ၀မ်ပုံနယ်မြေရဲစခန်းမှ (ပ)၁၄/၂၀၁၆ ရာဇသတ်ကြီးပုဒ်မ (၃၀၂)ဖြင့် အမှုဖွင့်လှစ်ထားကြောင်း သိရသည်။
သတင်း - ကိုဇက်
Tachileik News Agency
No comments:
Post a Comment