ပုလဲမြို့သစ်တွင် သီလရှင်ငါးပါး ဆုံဆို့နာရောဂါဖြစ်ပွား၊ တစ်ပါးပျံလွန် ----------------------------------------------------

ပုလဲမြို့သစ်တွင် သီလရှင်ငါးပါး ဆုံဆို့နာရောဂါဖြစ်ပွား၊ တစ်ပါးပျံလွန်
----------------------------------------------------
ရန်ကုန်၊ ဇွန် ၂

သီလရှင် ငါးပါးတွင် ဆုံဆို့နာရောဂါ ကူးစက်ခံရခြင်းကြောင့် ပုလဲမြို့သစ်တိုက်နယ် ဆေးရုံ၌ ဆေးကု သမှုခံယူနေပြီး တစ်ပါး ပျံလွန်သွားကြောင်း ရန်ကုန်တိုင်းဒေသကြီး ပြည်သူ့ကျန်းမာရေး ဦးစီးဌာနထံမှ သိရသည်။

ယင်းသီလရှင်များတွင် အီဘိုလာရောဂါ ကူးစက်ခံရပြီး တစ်ပါး ပျံလွန်သွားသည်ဟူသော ကောလဟာလ သတင်းများ ထွက်ပေါ်နေသဖြင့် The Voice က ယင်းဌာနသို့ ဆက်သွယ်မေးမြန်းရာတွင် ယင်းသို့ သိရှိရခြင်းဖြစ်သည်။

“သီလရှင် စာသင်တိုက်မှာဖြစ်တဲ့ရောဂါက အီဘိုလာရောဂါမဟုတ်ပါဘူး ၊ ဆုံဆို့နာ ရောဂါပါ။ ဓာတ်ခွဲခန်းနဲ့ သေချာစမ်းသပ်ပြီးပါပြီ” ဟု ရန်ကုန်တိုင်းဒေသကြီး ပြည်သူ့ကျန်းမာရေး ဦးစီးဌာနမှူး ဒေါက်တာဝင်းလွင်က The Voice သို့ပြောသည်။

မင်္ဂလာဒုံမြို့နယ် ပုလဲမြို့သစ် ရွှေစေတီဘုရားအနီး ရတနာမာန်အောင် သီလရှင်စာသင်တိုက်တွင် သီလရှင်ငါးပါးမှာ ဆုံဆို့နာရောဂါဖြစ်ပွားပြီး သီလရှင်တစ်ပါးပျံလွန်တော်မူသွားပြီးနောက် နေထိုင်ရာပတ်ဝန်းကျင်သို့ ကူးစက်ပျံ့နှံ့ခြင်း မရှိစေရန်အတွက် ရောဂါထိန်းချုပ်ရေးလုပ်ငန်းများကို ဆောင်ရွက်သွားမည်ဟု ရန်ကုန်တိုင်းဒေသကြီး ပြည်သူ့ကျန်းမာရေး ဦးစီးဌာနထံမှ သိရသည်။

“ဆုံဆို့နာရောဂါက ကာကွယ်ဆေးထိုးပြီး ကာကွယ်နိုင်ပေမယ့် သူတို့ဒေသမှာ မထိုးခဲ့လို့ ဖြစ်ရတာပါ ။ ဒီရောဂါက လူကြီးတွေမှာဖြစ်လေ့မရှိပါဘူး” ဟု ဒေါက်တာ ဝင်းလွင်က ဆိုသည်။

အဆိုပါသီလရှင်များ၏ အသက်နှင့် ကူးစက်ခဲ့သည့် အသေးစိတ်အခြေအနေကို သက်ဆိုင်ရာ ဆရာဝန်ထံ ဆက်သွယ် မေးမြန်းသော်လည်း လတ်တလောတွင် အရေးကြီးဆောင်ရွက်ရန်များ ရှိနေသဖြင့် ဇွန်လ ၃ရက်နေ့ မနက်ပိုင်းတွင် တွေ့ဆုံဖြေကြားပေးမည် ဟု ပြန်လည်ပြောဆိုသည်။

ကျန်းမာရေးနှင့် အားကစားဝန်ကြီးဌာနအနေနှင့် ပြည်သူ့ဆေးရုံများ တွင် နှစ်စဉ်မွေးဖွားသည့် ပျမ်းမျှကလေးငယ် တစ်သန်းကျော်အား ဆုံဆို့နာရောဂါအပါအဝင် ငါးမျိုးစပ်ကာကွယ်ဆေးများ အခမဲ့ထိုးပေးလျက်ရှိကြောင်း ယင်းဝန်ကြီးဌာနမှ သိရသည်။

ကမ္ဘာ့ကျန်းမာရေးအဖွဲ့အစည်း(WHO) အနေနှင့် မြန်မာနိုင်ငံတွင် ကူးဆက်ရောဂါများကြောင့် ငါးနှစ်အောက် ကလေး ၁၀၀၀ ဦးတွင် သေဆုံးမှုနှုန်း ၄၆ ဒသမ ၁ ရာနှုန်းရှိနိုင်ကြောင်း ခန့်မှန်းထားသည်။