လူလောကဓမ္မဘဝပုံရိပ် အသေးစိပ်သိပါ

လူလောကဓမ္မဘဝပုံရိပ် အသေးစိပ်သိပါ ****************************** လူတိုင်းရဲ့တစ်နေ့တာအစဟာအိပ်ယာမှကောင်းစွာ နိုးထခြင်းဖြစ်ပါတယ်။ နိုးထခြင်းမှသည်တနေ့တာအစီစဉ်တခုပြီးလို့ ပြန်ပြီးအိပ်ယာမဝင်ခင်စပ်ကြား ကိုယ်အမူအရာပြုတိုင်းပြုတိုင်း စိတ်အမူအရာဖြစ်တိုင်းဖြစ်တိုင်း နှုတ်ဖြားစကားဆိုလေတိုင်းဟာကိုယ့်ရဲ့ တစ်နေ့တာ လှုပ်ရှားမှုပုံရိပ်တွေဖြစ်ပါတယ်။ ထိုလှုပ်ရှားမှုတွေနဲ့အတူ ပြောပြုတွေးကြံမှုတွေအပေါ် မြတ်ဗုဒ္ဓမိန့်မှာတော်မူသော မမေ့မလျော့သောသတိတရားဖြင့်ထန်းသိမ်းစောင့် ရှောက့် နေတတ်ဖို့လိုပါတယ်။ နောက်ထပ်ဘာအသံမှထွက်တော်မမူပဲ နောက်ဆုံးအမှာစကား "အပ္ပမာဒေနသမ္ပာဒေထ၊မမေ့နဲ့အစစအရာရာ သတိနဲ့နေကြ"ဆိုတဲ့ အင်မတန်အရေးကြီးသောမှာကြားတော်မှုခြင်းအား မြတ်ဗုဒ္ဓအပေါ်အမှန်တကယ်သက်ဝင်ယုံ ကြည်သည့်သူသာလိုက်နာတတ်ပါတယ်။ ဗုဒ္ဓဘာသာဝင်ဆိုတာ ပညာကိုအဓိကထားတတ်သူဖြစ်ပါတယ်။ ပညာရှိဆိုတာပိုင်းခြားဝေဖန်တတ်သူ၊သဒ္ဓါတရား ဆုလာဒ်ထူးကိုပိုင်ဆိုင်သူ၊အသေးစိပ်သိသူဖြစ်ပါတယ်။ ယုံကြည်ကိုးကွယ်ပါသော်လည်း မိမိကိုးကွယ်ယုံကြည်သောဘုရားရှင်စကား၌ မသွေဖီမဆန့်ကျင်ခြင်းဟာပိုင်းခြားဝေဖန် ပြီးအသေးစိပ်သိသူဖြစ်ပါတယ်။ မိမိရဲ့တနေ့တာအစီအစဉ်ကိုမြတ်ဗုဒ္ဓစကားနား ထောင်ပြီး အဆင်မပြေတာတွေ အဆင်ပြေတာတွေ၌ အပ္ပမာဒတရားဖြင့်ရှုမြင်ပေးတတ်မှသာ အာရုံအမျိုးမျိုးတို့၏အပေါ် အသိဥာဏ်အရင်တင်မိပါလိမ့်မယ်။ ဝမ်းစာရှာဖွေလုပ်နေကိုင်နေရင်းလည်း အမှတ်သတိလေးနဲ့နေသွားတတ်သူဟာ ဘုရားရှင်၏နောက်ဆုံး စကားတော်နှင့်အညီနေထိုင်အသက်မွေးတတ်သူဖြစ်ပါတယ်။ တရားအားအမှတ်သတိရှိရှိသိနေတတ်ချိန်တိုင်းဟာ တရားအားထုတ်နေတဲ့အချိန်ပါ။ အဖြစ်တရားအပျက်တရားတွေအပေါ် သတိလေးတည့်မတ်နေအောင်စိုက်ထားချိန်ဟာ တရားအသိနဲ့ အကျိုးရှိရှိနေနေသောအချိန်လည်းဖြစ်ပါတယ်။ တရားအားထုတ်တယ်ဆိုတာ ဘုရားရှေ့တင်ပလ္လင်ခွေထိုင် မျက်စိမှိတ်ဝင်ထွက်လေရှု သတိကပ်အာရုံတပါးစိတ်မသွားစေပဲ အားထုတ်နေခြင်းမျိုးလို သွားဆဲပြောဆဲနေဆဲစွန့်ဆဲစတဲ့အမှုအရာတွေ အာရုံကြောင့်ဖြစ်တဲ့စိတ်အခြေအနေတွေမှာ အမှတ်သတိပါနေရင်လည်း သတိလေးနဲ့ပြောပြုတွေးနေရင်လည်း တရားအားထုတ်နေတာပါပဲ။ လက်တွေ့ဘဝထဲအထိဝိပဿနာကျင့် လို့ရကြောင်းမမေ့စေချင်ပါ။ ဟိုလိုမှဒီလိုမှဆိုတဲ့အသိတွေကိုမေ့ပစ်လိုက်ပါ။ အဲ့ဒီလိုနေမှဖြစ်တော့မယ်လို့ဆုံးဖြတ်ချက်ချ စေချင်ပါတယ်။ စားစားသွားသွားနားနားနေနေ သတိနဲနေပြီးသတိနဲ့ပြော။ အဲ့ဒီလိုအခြေအနေနဲ့ပြုပြင်နေထိုင်ဖို့လိုပါပြီ။ ဟိုလိုဒီလို အဖြစ်မျိုးနဲ့မနေပဲ ဟိုစိတ် ဒီစိတ်ဗျာပါဒများကြုံရဆုံရပါလျင်လည်း ပြန်ပြီးသတိကပ်၍ အဲ့ဒီလိုစိတ်အခြေနေနဲ့နေဖို့အစားထိုးတတ်ဖို့ လိုပြီနော်။ အချိန်တိုင်းဓမ္မဆိုတာဖြစ်ပျက်နေပါတယ်။ သတိကပ်အသိထပ်ထိ-သိ-သတိဟပ်စပ်မှ ဉာဏ်စဉ်မြင့်မားလာပါလိမ့်မည်။ သူလိုကိုယ်လို ဟိုလို ဒီလို အသိနဲ့နေရင်တော့ သူလိုကိုယ်လို ဟိုလို ဒီလို အသိလောက်နဲ့သာ ချာလည်ချာလည်လည်နေရအုံးမှာပါ။ မမေ့ခြင်းရဲ့အကျိုးအစပိုင်းမှာပင် မမေ့ခြင်းရဲ့အသိအမြင်တွေ ကြည်လင်သန့်စင်လာပါလိမ့်မည်။ မမေ့မလျော့ခြင်းရဲ့အဆုံးစွန်သောအခြေအနေမှာ မအို မနာမသေရာအသိဉာဏ်ဓာတ် အစဉ်ကိန်းအောင်းမွေ့လျှော်နေပါတယ်။ မိမိနဲ့တွေ့ထိဆက်ဆံနေရသောအလုပ်စဉ်တိုင်းမှာ တရားကိန်းနေပါတယ်။ ထိုတရားတော်များဟာဖြစ်ခြင်းပျက်ခြင်း သဘောသက်သက်မို့ အတည်ယူဆုပ်ကိုင်တတ်လေတော့ ဆန့်ကျင်ဘက်တရားများနှင့် ပြန်အစားထိုးနေတတ်ဖို့အရေးကြီးပါတယ်။ ရုပ်နာမ်ဓမ္မသင်္ခါရ တရားတော်မြတ်အပေါ်မမေ့မလျော့မပေါ့မဆ သောသတိတရားထားလိုက်တာပါပဲ။ ကံစိတ် ဥတု အာဟာရနဲ့ပြုပြင်နေရတဲ့ ခန္ဓာဝန်ထုပ်ကြီးအတွက်ပင်ပန်းသင့်ပါပြီ။ လွှတ်ချသင့်ပါပြီ။သူ့အလိုကျဆောင်၍ သဘောကောင်းလွန်းတာတွေရပ်သင့်ပါပြီ။ သူကားနဂိုအနေထက် ရွတ်တွ အိုပြီး သစ်ဆွေးတုံးပမာ ပဲ့ကြွေမြေခ ချိန်ကားအချိန်မဆိုင်းရောက်ရှိမြဲပါလေ။ ကိုယ့်အတွက်အနှစ်ကျန်တတ်အောင် သတိနဲ့ပြန်ကြည့်လိုက်မှတွေ့ပါပြီ။ ခန္ဓာဖြစ်စဉ်တန်းကြီး။ လောဘကိုအရင်းခံတဲ့ရုပ် လောဘကိုအရင်းခံပြီးဖြစ်တဲ့စိတ်အခြေအနေ ဒေါသကိုအရင်းခံပြီးဖြစ်နေတဲ့ရုပ်နဲ့ စိတ်အခြေအနေ မောဟကိုသန္ဓေတည်ပြီးလုပ်နေတဲ့ တွေးနေတဲ့အပြုအမှု အနိုင်ယူစိုးမိုးချယ်လှယ်နှိပ်စက်တတ်တာ သတိအရင်ဦးစီးပဲ့ကိုင်တတ်လျှင် ဝဲကတော့အတွင်သက်ဆင်းသွားမည့် ဘဝလှေငယ်ကို အမြန်ပြန်တည့်စေတော်မူသော လိုရာမြတ်သောအမြိုက်နိဗ္ဗာန်အကျင့်စခန်းသို့ ပြန်လည်ပဲ့ပြင်ဆုံးမပေးနေတော်မူသော မြတ်ဘုရား၏နောက်ဆုံးစကားတော်အား မမေ့ပဲအမှတ်သတိဖြင့်နေတတ်ပါစေ အို---------သူတော်ကောင်းမိတ်ဆွေ။ * * * *Ashin Mingala (Bsc,A.G.T.I)*