မြစ်ဆုံ media သည် လွတ်လပ်သော မီဒီယာဖြစ်ပြီး မည်သည့်အဖွဲ့၊ ပါတီ၊ အသင်းအဖွဲ့၏သြဇာခံ လက်အောက်ခံမဟုတ်ပါ။ စီးပွားဖြစ် မီဒီယာ မဟုတ်ပါ။ သတင်းများကိုအမြန်ဆုံးပေးပို့နေသော မီဒီယာတခုဖြစ်ပါသည်။
Wednesday, January 20, 2016
ဗိုလ်ချုပ်မွေးနေ့ ၁ဝ၁နှစ်ပြည့် အထိမ်းအမှတ် အခမ်းအနား NLD ရုံးချုပ် တွင်ပြုလုပ်မည် ----------
ဗိုလ်ချုပ်မွေးနေ့ ၁ဝ၁နှစ်ပြည့် အထိမ်းအမှတ် အခမ်းအနား NLD ရုံးချုပ် တွင်ပြုလုပ်မည်
-----------------------------------------------------------
ရန်ကုန် ၊ ဇန်နဝါရီ ၁၈
ဖေဖော်ဝါရီလ ၁၃ရက်နေ့တွင် ကျရောက်မည့် မြန်မာနိုင်ငံလွတ်လပ်ရေး ဗိသုကာနှင့် အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ ၁ဝ၁နှစ်ပြည့်မွေ့နေ့ အထိမ်းအမှတ် အခမ်းအနားကို ရန်ကုန်မြို့တော်ရှိ အမျိုးသားဒီမိုကရေစီ အဖွဲ့ချုပ်(NLD)ပါတီရုံးချုပ်တွင်
ပြုလုပ်မည်ဖြစ်ကြောင်း ယင်းပါတီမှ ရန်ကုန်တိုင်းဒေသကြီး အတွင်းရေးမှူး
ဦးထွန်းမြင့်ကပြောကြားသည်။
အဆိုပါ ရန်ကုန်တိုင်းဒေသကြီး ဗဟန်းမြို့နယ်ရှိ NLD ပါတီရုံးချုပ်တွင်
ပြုလုပ်မည့် ဗိုလ်ချုပ်အောင်ဆန်း ၁ဝ၁ နှစ်ပြည့်မွေးနေ့ အခမ်းအနားတွင် ကလေးငယ်များ၏ ဗိုလ်ချုပ်အောင်ဆန်းပုံတူ ပန်းချီဆွဲပြိုင်ပွဲ၊ ကဗျာရွတ်ဆို ပြိုင်ပွဲ များကို ပြုလုပ်မည်ဖြစ်ကြောင်း ၄င်းကဆိုသည်။
“ဗိုလ်ချုပ်မွေးနေ့နဲ့ ကလေးများနေ့ကို ပေါင်းပြီးလုပ်မှာပါ ၊ပင်လုံမှာလည်း NLD ဗဟိုလူငယ်အဖွဲ့ကနေပြီး တော့ ပြုလုပ်ဖို့ရှိတယ်”ဟု ဦးထွန်းမြင့်ကပြောသည်။
သို့သော်လည်း ယင်းအခမ်းအနားသို့ ဗိုလ်ချုပ်အောင်ဆန်း၏သမီးဖြစ်သူ NLD ပါတီဥက္ကဋ္ဌ ဒေါ်အောင်ဆန်းစုကြည် တက်ရောက်နိုင်မည် မဟုတ်ကြောင်း ၄င်းက ဆိုသည်။
အဆိုပါ ဗိုလ်ချုပ်အောင်ဆန်းမွေးနေ့(မြန်မာနိုင်ငံကလေးများနေ့)တွင် ကလေးများ၏ ဥာဏ်ရည် ဖွံဖြိုးတိုးတက် ရေး၊ရိုးသားဖြောင့်မတ်၍ စာရိတ္တမဏ္ဍိုင် ခိုင်မာမြင့်မားရေးတို့ကို ရည်ရွယ်ကာ NLD ပါတီရုံးချုပ်တွင် ဗိုလ်ချုပ်အောင်ဆန်း၏ မိန့်ခွန်း အပြောပြိုင်ပွဲ
ပြုလုပ်မည်ဖြစ်ကြောင်း ယင်းပါတီ၏ထုတ်ပြန်ချက်အရ သိရသည်။
ထို့အပြင် ၂ဝ၁၅ ဖေဖော်ဝါရီလ ၁၃ရက်နေ့တွင် ကျရောက်ခဲ့သော ဗိုလ်ချုပ်အောင်ဆန်း နှစ်တစ်ရာပြည့်မွေးနေ့ အထိမ်းအမှတ် အခမ်းအနားကို
တစ်နိုင်ငံလုံးရှိ အမျိုးသားဒီမိုကရေစီအဖွဲ့ချုပ် (NLD)ပါတီရုံးခန်းများတွင်
ကျင်းပပြုလုပ်ခဲ့သည်။
Subscribe to:
Post Comments (Atom)
No comments:
Post a Comment