ဟောလိဝုဒ်ရဲ့ ပရိသတ်အားပေးခံရတဲ့ ဇာတ်လမ်းတွဲရုပ်ရှင်တွေထဲက တစ်ခုဖြစ်သော
''Game Of Thrones''ရုပ်ရှင်၏ ရာသီသစ်တွင် ပြသမည့်ရက်ကို
တရားဝင်ထုတ်ပြန်ကြေညာ လိုက်ကြောင်း အမ်တီဗွီနယူးစ်တွင် ဖော်ပြခဲ့သည်။
ပဒေသရာဇ်ခေတ်က နယ်မြေများကို ပိုင်စိုးခဲ့ကြသော နယ်မြေခေါင်းဆောင်များအကြား
အင်ပါယာတစ်ခုလုံး၏ထီးနန်းကို ရယူလိုသည့်အတွက် အကြိမ်ကြိမ်ဖြစ်ပွားခဲ့ရသော
တိုက်ပွဲ များအကြောင်းကို ဇာတ်အိမ်၊ ဇာတ်လမ်း ခိုင်ခိုင်မာမာဖြင့်
ပြောင်မြောက်သည့် ကွန်ပျူတာ ဖန်တီးချက်များနှင့်အတူ ဖန်တီးရိုက်ကူးထားသော
ယင်းရုပ်ရှင်၏ ဇာတ်လမ်းတွဲများကို ပြသလာခဲ့ရာ ယခုနှစ်ရာသီတွင်
ဆဋ္ဌမမြောက်ရာသီသို့ ရောက်ရှိခဲ့ပြီဖြစ်သည်။ ယခုနှစ်ရာသီအတွက်
ယင်းရုပ်ရှင်ကို HBO ရုပ်သံလိုင်းမှ ဧပြီ ၂၄ ရက်မှစတင်ကာ
ထုတ်လွှင့်ပြသသွားမည်ဖြစ်ကြောင်း သိရသည်။
ပြီးခဲ့သည့်ရာသီတွင် ပြသခဲ့သော နောက်ဆုံးရုပ်ရှင်၌ ယင်းရုပ်ရှင်၏ဇာတ်လိုက်
တစ်ဦးဖြစ်သူ ဂျွန်စနိုးသည် လျှို့ဝှက်ချက်တစ်ခု ဖြစ်နေခဲ့သည်။ ဂျွန်သေသည်၊
မသေသည်ကို သေသေချာချာ ဖော်ပြခဲ့ခြင်းမရှိပေ။ ထို့ကြောင့် ရာသီသစ်တွင်
ဂျွန်စနိုးသည် အဆိုပါရုပ်ရှင်တွင် စိတ်ဝင်စားခြင်း အခံရဆုံး
ဇာတ်ကောင်တစ်ဦးဖြစ်လာခဲ့သည်။
''Game Of Thrones ''ရုပ်ရှင်များ၏ ယခုပြသမည့် ဆဋ္ဌမမြောက်ရာသီ အတွက်
ရုပ်ရှင်သစ်များအား ထုတ်လွှင့်မည့်ရက်ကို ပြီးခဲ့သည့် ၂ဝ၁၅ ဒီဇင်ဘာမှ စတင်၍
အကြောင်းအမျိုးမျိုးကြောင့် ရွှေ့ဆိုင်းလာခဲ့ရာ ယခုအကြိမ်မှသာ
တရားဝင်ကြေညာနိုင်ခဲ့ခြင်းဖြစ်သည်။
အေးပြည့် - စုစည်း
No comments:
Post a Comment