ကလေးငယ်များကို အတွင်းခံဝတ်စုံများဖြင့် ဖျော်ဖြေစေသည့် ကျောင်းတာဝန်ရှိသူများ ခံဝန်ထိုးရမည်
--------------------------------------------------------
ပဲခူးတိုင်း (အနောက်ပိုင်း) ဒေသကြီး သာယာဝတီခရိုင် အုတ်ဖိုမြို့နယ် ငါးရှဥ့်ရိုး အမှတ် ၁ အခြေခံပညာ မူလတန်းကျောင်း စုံညီပွဲတော်တွင် ကလေးငယ်များကို အတွင်းခံ ဝတ်စုံများဖြင့် ဖျော်ဖြေစေခဲ့သဖြင့် ပွဲစီစဉ်သည့် ကျောင်းတာဝန်ရှိသူများ ခံဝန်လတ်မှတ်ရေးထိုးရမည် ဖြစ်ကြောင်း အုတ်ဖိုမြို့နယ် ပညာရေးမှူးရုံးမှ သိရှိရသည်။
ဇန်နဝါရီလ ၁၄ ရက်နေ့က ကျင်းပခဲ့သည့် ကျောင်းစုံညီပွဲတော်တွင် ဒုတိယတန်းနှင့် တတိယတန်းရှိ ကျောင်းသားများကို အတွင်းခံ ဝတ်စုံများဖြင့် ဟာသဖျော်ဖြေပွဲ တင်ဆက်ခဲ့ရာမှ ဝေဖန်မှုများ ခံခဲ့ရသဖြင့် အခမ်းအနား အစီအစဉ်များ ကြိုတင်ပြရန်နှင့် နောက်တစ်ကြိမ် ယခုလို ဖျော်ဖြေပွဲ မကျင်းပရန် ကျောင်းအုပ်ဆရာကြီးနှင့် ပွဲစီစဉ်သူများ ခံဝန်ကတိလတ်မှတ် ရေးထိုးရမည် ဖြစ်ကြောင်း အုတ်ဖိုမြို့နယ် ပညာရေးမှူး ဒေါ်မြင့်မြင့်သန်းက ဆိုသည်။
No comments:
Post a Comment