လားရှိုးမြို့နယ် မိုင်းယော်ဒေသ ပဋိပက္ခအတွင်း ဒေသခံ ၇ ဦးသေဆုံး ---- --- --- ---

ရှမ်းပြည်နယ်မြောက်ပိုင်း လားရှိုးမြို့နယ် မန်ပန်ပြည်သူ့စစ်နယ်မြေအနီးရှိ မိုင်းယော်ဒေသတွင် ပစ်ခတ်မှုအချို့ ဖြစ်ပွားခဲ့မှုကြောင့် လူ (၇) ဦးသေဆုံးခဲ့သည်ဟု ဒေသခံများမှ The Ladies News သို့ပြောသည်။ ဇွန်လ ၂၅ ရက်နေ့က ဖြစ်ပွားခဲ့သည့် ပစ်ခတ်မှုများအတွင်း ဒေသခံ နှစ်ဦး သေဆုံးခဲ့ရခြင်းဖြစ်ကာ ကျန် (၅) ဦးမှာ ဖမ်းဆီးခံရပြီးနောက် ၄ ရက်အကြာ ဇွန်လ ၂၉ ရက်နေ့ ညနေပိုင်းတွင် အလောင်းများပြန်လည်တွေ့ရှိခဲ့ခြင်းဖြစ်သည်ဟု အနည်းဆုံး ဒေသခံ (၄) ဦးက The Ladies News သို့ ပြောသည်။

'စစချင်းပစ်ခတ်မှုတွေဖြစ်တုန်းက ၂ ဦးသေတယ်။ နောက် ရွာသားအချို့အဖမ်းခံရတယ်။ အဲဒီအထဲက ၅ ဦးက ပျောက်နေရာကနေ အခု ရွာနဲ့နှစ်ဖာလုံလောက်ဝေးတဲ့နေရာက ပြောင်းခင်းနားမှာ အလောင်းတွေကို မြှပ်ထားတာတွေ့တာပဲ ။ 'ဟု ဒေသခံ စိုင်းကမ်က ပြောသည်။

ဇွန်လ ၂၉ ရက်နေ့က တွေ့ရှိသည့် အလောင်း (၅) လောင်းမှာ ဒေသခံ တအာင်းပလောင်အမျိုးသား (၃) ဦးနှင့် ရှမ်းတိုင်းရင်းသား (၂) ဦးတို့ ဖြစ်ကြပြီး စစ်ကြောင်းတကြောင်းမှ ဇွန်လ ၂၅ ရက်နေ့က မိုင်းယော်ရွာအနီးမှာဖြစ်ခဲ့သော ပစ်ခတ်မှုအပြီး ပြောင်းခင်းထဲက ဒေသခံအချို့ကို ဖမ်းဆီးမှုများရှိခဲ့သည်ဟု ဒေသခံအချို့ကလည်း စွပ်စွဲ ပြောကြားသည်။

' ဒေသခံတွေပြောတာကတော့ ပျောက်သွားတာကတော့ စစ်ကြောင်းခေါ်သွားတယ်ဆိုတဲ့ နေ့ကတည်းက ပျောက်သွားကြတာပဲ။ သတ်တာတော့ ဘယ်သူတွေသတ်လိုက်လဲ အတိအကျမသိဘူး။ ' ဟု ဒေသခံများ၏ ပြောဆိုချက်ကို ကိုးကားပြီး အမျိုးသားလွှတ်တော်ကိုယ်စားလှယ် စိုင်းဝမ်းလှိုင်ခမ်းက ပြောသည်ဟု ဗွီအိုအေ မြန်မာပိုင်းသတင်းဌာနကလည်း ဖော်ပြသည်။

တွေ့ရှိခဲ့သည့် အလောင်းများအနီးတွင်လည်း ကျည်ဆံခွံများ ရှိနေသည်ဟု အခင်းဖြစ်ပွားရာနေရာသို့ ရောက်ခဲ့သူများကလည်း ဆိုသည်။
ဗွီအိုအေမြန်မာပိုင်း၏ သတင်းဖော်ပြချက်တွင်မူ' အတည်ပြုလို့တော့ မရသေးဘူးပေါ့နော်။ အဲ့ဒီ့နေရာက သောင်းကျန်းသူ ဧရိယာဖြစ်တော့ သွားဖို့ခက်တယ်။ အဲ့တာကို တရားဝင် တိုင်ချက်လာဖွင့်မလားလို့ ကျနော်တို့ကလည်း စောင့်နေတယ်။ အခုအချိန်အထိကတော့ တရားဝင် ဒီဖြစ်ရပ်နဲ့ပတ်သက်ပြီးတော့ သတင်းလာပေးတာတို့ တိုင်ကြားတာတို့ မရှိသေးဘူးခင်ဗျ။ hear say တွေပဲ ကြားနေရတယ်။"ဟု ရှမ်းပြည်နယ် ရဲတပ်ဖွဲ့မှူး ရဲမှူးကြီးအောင်မြတ်မိုးက ပြောကြောင်းဖော်ပြထားသည်။

ကိုးကား- ဗွီအိုအေ
Photo - တွေ့ရှိ အလောင်း ၅ လောင်းအား သုသာန်တွင် ပြန်လည်မြေမြှုပ်စဉ်
The ladies news