ထိုင်းရောက်မြန်မာဒုက္ခသည်များထဲမှ ပြန်လာလိုသူ ၁၉၆ ဦးကို အမြန်ဆုံး ပြန်ခေါ်နိုင်ရန် စီစဉ်

ထိုင်းနိုင်ငံရောက် နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နှင့် ထိုင်းဝန်ကြီးချုပ်တို့ တွေ့ဆုံဆွေးနွေးနေစဉ်၊ ဓာတ်ပုံ−ဂျေမောင်မောင်(အမရပူရ)

ထိုင်းနိုင်ငံရောက် မြန် မာဒုက္ခသည်များအနက် နေရပ် ပြန်လိုကြောင်း ဆန္ဒပြုထားသူ ၁၉၆ ဦးကို အမြန်ဆုံးပြန်ခေါ်နိုင် ရန် အစိုးရက ကိုယ်စားလှယ်အဖွဲ့တစ်ဖွဲ့ စေလွှတ်မည်ဖြစ်ကြောင်းသတင်းရရှိသည်။

နိုင်ငံတော်၏ အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်၏ ထိုင်းနိုင်ငံသို့ သုံးရက်ကြာခရီးစဉ် အတွင်း ထိုင်းနိုင်ငံဝန်ကြီးချုပ်နှင့် မြန်မာဒုက္ခသည်များအရေးကိစ္စ ကို ထည့်သွင်းဆွေးနွေးပြီး ၎င်းတို့ကို နေရပ်သို့ ပြန်ခေါ်နိုင်ရေးကာလတို၊ ကာလရှည် အစီအမံများချမှတ် ဆောင်ရွက်မည်ဖြစ်ကြောင်း နိုင်ငံခြားရေးဝန်ကြီးဌာနက ဇွန်လ၂၉ ရက်တွင် သတင်းထုတ်ပြန်သည်။

‘‘ပြန်ခေါ်တာခေါ်မှာ။ လူဝင် မှုကြီးကြပ်ရေးရယ်၊ နယ်စပ်ရေး ရာရယ်၊ သက်ဆိုင်ရာအစိုးရအဖွဲ့ တွေရယ်၊ ကျွန်တော်တို့ရယ် ပူး ပေါင်းပြီး အမြန်ဆုံးလုပ်ဆောင် မယ်။ စီစဉ်ပြီး လုပ်ဆောင်မယ် ပေါ့’’ဟု လူမှုဝန်ထမ်း၊ကယ်ဆယ် ရေးနှင့် ပြန်လည်နေရာချထားရေး  ၀န်ကြီးဌာန အမြဲတမ်းအတွင်းဝန် ဦးစိုးအောင်ကပြောကြားသည်။

အစိုးရသစ်က မြန်မာဒုက္ခ သည်များ နေရပ်ပြန်ခေါ်ရန် နိုင်ငံတော်၏ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးလုပ်ငန်းစဉ်၏ လုပ်ငန်းစဉ်တစ်ရပ်အဖြစ် ဆောင်ရွက်မည်ဟု ထုတ်ပြန်ချက်၌ ဖော်ပြထားသည်။

ထိုင်းနိုင်ငံ နယ်စပ်ရှိ ဒုက္ခ သည်စခန်းများ၌ ရောက်ရှိနေ သည့် ဒုက္ခသည်များ မူရင်းနေရပ်သို့ ခေါ်ဆောင်နိုင်ရေး ထိုင်း-မြန်မာ နှစ်နိုင်ငံအစိုးရ အချင်းချင်းပူးပေါင်းဆောင်ရွက်ရန်နှင့် ၎င်းတို့၏ မူရင်းနေရပ်များတွင် အလုပ်အကိုင်အခွင့်အလမ်း၊ ပညာရေး၊ လူမှုရေး၊ ကျန်းမာရေးဝန်ဆောင်မှု စသည့်အခြေအနေကောင်းများ စီစဉ်ဆောင်ရွက်ပေးနိုင်ချိန်၌ ပြန်လည်ပို့ဆောင်ရေးလုပ်ငန်းများ စတင်မည်ဟုသဘောတူခဲ့ကြကြောင်း သိရသည်။

ဒေါ်အောင်ဆန်းစုကြည်၏ ထိုင်းခရီးစဉ်နောက်ဆုံးရက် (ဇွန် လ ၂၅) တွင် မြန်မာသံရုံး၌  ထိုင်းရောက် တက္ကသိုလ်ဆရာများ၊ ကျောင်းသားများနှင့်တွေ့ဆုံစဉ် မြန်မာဒုက္ခသည်များနှင့် ရွှေ့ ပြောင်းအလုပ်သမားများကိုတက် နိုင်သည့်ဘက်မှ ၀ိုင်းဝန်းကူညီ ရန်၊ အားလုံးနှင့်သက်ဆိုင်သည် ဟု ခံယူထားရန် တိုက်တွန်းမှာ ကြားခဲ့သည်။

အဆိုပါသုံးရက်ကြာခရီးစဉ် အတွင်း နိုင်ငံတော်၏ အတိုင်ပင် ခံပုဂ္ဂိုလ်သည် ထိုင်းဝန်ကြီးချုပ်နှင့်  တွေ့ဆုံ၍ မြန်မာရွှေ့ပြောင်း အ လုပ်သမားကိစ္စ၊ နှစ်နိုင်ငံနယ်စပ် ရှိ ဒုက္ခသည်များစခန်းများမှ မြန် မာနိုင်ငံသားများ နေရပ်သို့ ပြန် လည်ပို့ဆောင်ရေးကိစ္စ၊ နှစ်နိုင်ငံ ကြား နယ်နိမိတ် ပြန်လည်တိုင်း တာရေးကိစ္စ စသည်တို့ကို ဆွေး နွေးခဲ့ကြောင်း နိုင်ငံခြားရေးဝန် ကြီးဌာနက သတင်းထုတ်ပြန် သည်။

‘‘ဒုက္ခသည်တွေကို ပြန်ခေါ် တော့မယ်ဆိုရင် ပျော်ပါတယ်။ ဒါပေမဲ့ ဒုက္ခသည်တွေအတွက် စားဝတ်နေရေး၊ ကျောင်း၊ ဈေးနဲ့ သွားလာဖို့အဆင်ပြေအောင် စီစဉ် ပေးဖို့ လိုပါတယ်။ မဟုတ်ရင် ထိုင်းမှာပဲ ရွှေ့ပြောင်းအလုပ်သ မားဘ၀နဲ့ နောက်တစ်ကြိမ်ပြန် ရောက်မှာပဲ။ ဖြစ်နိုင်ရင် မြန်မာ ပြည်ထဲမှာပဲ နေချင်တာပေါ့။ သူ များကျွေးထားတာ ဘယ်စားချင် မလဲ။ ပြန်ခေါ်မယ်ဆိုရင် ပညာ ရေး၊ ကျန်းမာရေးကိစ္စတွေကိုရော ထည့်သွင်းစဉ်းစားဖို့ လိုပါတယ်’’ ဟု ထိုင်းနိုင်ငံရောက် ကုလသမဂ္ဂ ဒုက္ခသည်များဆိုင်ရာ မဟာမင်း ကြီးရုံး (UNHCR) အသိအမှတ်ပြု ကတ်ကိုင်ဆောင်ထားသူ ဦးမြင့် ဝေက ပြောသည်။

 ထိုင်းနိုင်ငံအတွင်းကုလ သမဂ္ဂဒုက္ခသည်များဆိုင်ရာမဟာ မင်းကြီးရုံး (UNHCR) အသိအ မှတ်ပြု ဒုက္ခသည်စခန်း ကိုးခုရှိ ပြီး မြန်မာဒုက္ခသည်အရေအတွက် တစ်သိန်းငါးသောင်းခန့်ရှိ ကြောင်း ခန့်မှန်းထားသည်။

More in News Sectio