ဇူလိုင်လ ၂၆ ရက်နေ့က အသတ်ခံခဲ့ရသူ အိမ်အကူအလုပ်သမလေး ပီအန်ငိုင်းဒွန် ဟာ ချင်းပြည်နယ်၊ တီးတိန်မြို့ နယ်၊ ဒိမ်ပီးကျေးရွာမှ ဇိုမီတိုင်းရင်းသူလေးတစ်ဦးဖြစ်ပါတယ်။ စင်္ကာပူနိုင်ငံ Strait Times သတင်းစာရဲ့  ဖော်ပြချက်အရ သေဆုံးချိန်တွင် သူမ၏အသက်ဟာ ၂၄ နှစ်ရှိနေပြီဖြစ်သော်လည်း တကယ့်အသက်အမှန်မှာ ၁၉ နှစ်ခန့်သာရှိကြောင်း ကြားသိရပါတယ်။ စင်္ကာပူနိုင်ငံဥပဒေအရ အိမ်အကူလုပ်မည့် အလုပ်သမတစ်ဦး၏ အနိမ့်ဆုံးအသက်ဟာ ၂၃ နှစ်ရှိရမှာ ဖြစ်ပါတယ်။ သူမတွင် ရင်သွေးငယ် ကလေးတစ်ဦးနှင့် အစ်ကို တစ်ယောက်၊ ညီအစ်မ ၂ ယောက် ရှိနေတယ်လို့သိရပါတယ်။
စင်္ကာပူနိုင်ငံတွင် maintenance coordinator တစ်ယောက်အဖြစ် အလုပ်လုပ်နေသော သူမတို့ရွာမှ အိမ်နီးနားချင်းဖြစ်သူ အသက် ၂၈ နှစ်အရွယ် ကိုဆွောင့်ခန့်ခိုင် ၏ ပြောပြချက်အရ သူမဟာ အေးအေးဆေးဆေးနေတတ်သူတစ်ဦး ဖြစ်ကြောင်းနှင့် သူမ၏မိသားစုနဲ့ နီးကပ်စွာနေထိုင်တတ်သူဖြစ်ကြောင်းသိရပါတယ်။ သူမဟာ စင်္ကာပူကို မလာခင်တွင် ဆောက်လုပ်ရေးအလုပ်သမတစ်ဦးအဖြစ် လုပ်ကိုင်ခဲ့ပါတယ်။ လုပ်ခလစာနည်းပါးလွန်းတာရယ်၊ သူမ၏ မိသားစုကိုထောက်ပံ့ချင်တာရယ်ကြောင့် အဲဒီအလုပ်မှထွက်ခဲ့ပြီး စင်္ကာပူကို အိမ်အကူအလုပ်သမတစ်ဦးအဖြစ် ရောက်လာခဲ့တယ်လို့ ဆိုပါတယ်။ သူမ မသေဆုံးမီ ယခု ဇူလိုင်လထဲမှာပင် သူမအစ်ကိုထံ ဖုန်းခေါ်ဆိုခဲ့ပြီး နောက်လဆို သူမ အိမ်ပြန်လာတော့မည် ဖြစ်ကြောင်း ပြောပြခဲ့ပါတယ်။ ဒါပေမယ့် သူမအနေဖြင့် လေယာဉ်လက်မှတ်ခအတွက် ပိုက်ဆံ မလောက်မှာကို စိုးရိမ်ပြီး စိတ်ပူနေမိတဲ့အကြောင်းလည်း ပြောပြခဲ့တယ်လို့ သိရပါတယ်။ သူမသေဆုံးခဲ့သော စင်္ကာပူနိုင်ငံကအလုပ်ရှင်အိမ်၏ အနီးနားပတ်ဝန်းကျင်တွင် နေထိုင်သော အိမ်နီးနားချင်းများနှင့် အနီးနားမှအိမ်အကူများ၏ ပြောပြချက်အရ သေဆုံးသူ ပီအန်ငိုင်းဒွန်သည် အရပ်ပုပု၊ ဆံပင်တိုတိုနဲ့ဖြစ်ပြီး အ၀တ်လှန်းချိန်နှင့် ပြတင်းပေါက်တွေ သန့်ရှင်းရေးလုပ်ချိန်လောက်တွင်သာ ရံဖန်ရံခါ တွေ့ရတတ်ကြောင်း သိရပါတယ်။
ယခုအမှုကိစ္စကို မြန်မာသံရုံးနှင့်တကွ ကူညီနိုင်သူများမှလည်း ဝိုင်းဝန်းကူညီဆောင်ရွက်နေကြပြီး သေဆုံးသွားခဲ့သော ညီမငယ်တွင် နှိပ်စက်ခံထားရသော ဒဏ်ရာဒဏ်ချက်များတွေ့ရတယ်လို့ သိရပါတယ်။
စလုံး Page
No comments:
Post a Comment