Facebook နဲ့ Google က အွန်လိုင်းမှ အစွန်းရောက် စကားများ၊ ၀ါဒဖြန့်မှုများကို ဆော့ဝဲဖြင့် အလိုအလျှောက် ဖယ်ရှားနိုင်မယ့် နည်းပညာကို တီထွင်နေပါတယ်လို့ Reuters က ပြောပါတယ်။ အမေရိကန်နဲ့ ဥရောပမှ ခေါင်းဆောင်များရဲ့ အွန်လိုင်းမှ အစွန်းရောက်သမားများကို ရှုံ့ချဝေဖန်မှုများဟာလည်း တိုးပွားလာနေပါတယ်။ အဲဒီ ဆော့ဝဲရဲ့ အလုပ်လုပ်ပုံ အသေးစိတ်ကို ကုမ္ပဏီများက ကြေညာခြင်း မရှိသေးပေမယ့် အထူးသဖြင့် အမေရိကန်နဲ့ ဥရောပရဲ့ ရန်သူနိုင်ငံများက လူမှုကွန်ရက်များမှာ ၀ါဒဖြန့်မှုများကို ပိတ်ပင်ဖို့ ဖြစ်နိုင်ပါတယ်။
အင်တာနက် ကုမ္ပဏီများကလည်း အစိုးရများရဲ့ ဝေဖန်မှုများကို လက်ခံထားပေမယ့် အစိုးရများရဲ့ အစွန်းရောက်မှု အဓိပ္ပါယ် ဖွင့်ဆိုချက်ကို လျှို့ဝှက်ထားဆဲ ဖြစ်ပါတယ်။ အင်တာနက် ကုမ္ပဏီများဟာ အသုံးပြုသူများရဲ့ တိုင်ကြားမှုကို အဓိကမှီခိုပြီး အွန်လိုင်းမှ တရားမ၀င်မှုများ၊ ဥပဒေချိုးဖောက်မှုများကို သိရှိကြတာ ဖြစ်ပါတယ်။ ယခင်နှစ်အစောပိုင်းမှာ Facebook က တစ်နေ့လျှင် တိုင်ကြားမှုပေါင်း တစ်သန်းကျော်ရှိတယ်လို့ ပြောပါတယ်။ Twitter ကလည်း ဖေဖော်ဝါရီလမှာ ISIS နဲ့ ပတ်သက်တဲ့ အကောင့်ပေါင်း ၁၂၅ ၀၀၀ ကို ပိတ်ခဲ့ရပါတယ်။ Google ကလည်း ယခုနှစ် တစ်လထဲမှာ တိုင်ကြားမှုပေါင်း ၇၅ သန်းကျော်ရှိတယ်လို့ ပြောပါတယ်။
Microsoft, Twitter , Facebook နဲ့ Google တို့ အပါအ၀င် အင်တာနက် ကုမ္ပဏီ များစွာက ကလေး ညစ်ညမ်း ဓါတ်ပုံနဲ့ ဗီဒီယိုများကို အွန်လိုင်းမှာ တားဆီးဖို့ အလိုအလျှောက် စနစ်များကို အသုံးပြုနေကြပါတယ်။ အခုတော့ အွန်လိုင်းမှာ အကြမ်းဖက် ၀ါဒ ဖြန့်ချီမှုများကိုပါ တိုက်ဖျက်ဖို့ ဆော့ဝဲ နည်းပညာများကို အသုံးပြုတော့မှာ ဖြစ်ပါတယ်။
#DLNews
No comments:
Post a Comment