Monday, January 18, 2016
အာဆင်နယ်သရေကျပြီး၊ ရီးယဲလ်အိမ်ကွင်းမှာဂိုးပြတ်နိုင်ခဲ့တဲ့ ဥရောပအမှတ်ပေးပွဲစဉ်များပွဲပြီးသုံးသပ်ချက်
အာဆင်နယ်သရေကျပြီး၊ ရီးယဲလ်အိမ်ကွင်းမှာဂိုးပြတ်နိုင်ခဲ့တဲ့ ဥရောပအမှတ်ပေးပွဲစဉ်များပွဲပြီးသုံးသပ်ချက်
------------------------------------------------------
စတုတ်စီးတီး ၀-၀ အာဆင်နယ်
ပရီးမီးယားလိဂ်ပွဲစဉ်(၂၂)ရဲ့ တနင်္ဂနွေနောက်ဆုံးပွဲမှာတော့ အာဆင်နယ်အသင်းဟာ အဝေးကွင်းမှာဂိုးပေါက်ပျောက်ခဲ့ပြီးစတုတ်စီးတီးအသင်းကိုဂိုးမရှိသရေသာကစားနိုင်ခဲ့ပါတယ်။ ဂျရူး၊ ၀ဲလ်ကော့၊ ရမ်ဆေး၊ ချိန်ဘာလိန်၊ ကမ်းဘဲလ်၊ ဘယ်လာရင်၊ ကိုစီယယ်လ်နီတို့နဲ့အာဆင်နယ်လူစုံခဲ့ပြီး အိမ်ရှင်အသင်းထံက အမှတ်ပြည့်ရဖို့ကြိုးစားခဲ့ပါတယ်။ ဒါပေမဲ့စတုတ်စီးတီးအသင်းကလည်း ကာကစ်၊ အာနော်တိုဗစ်၊ ဟိုဆေးလူ၊ အဖယ်လေ၊ ဝေါလ်ဆိုက်တို့နဲ့ ဧည့်သည်အသင်းကိုခမ်မာမာပြန်လည်တုန့်ပြန်ခဲ့ပါတယ်။
ဒါပေမဲ့လည်း အာဆင်နယ်အသင်းရရှိတဲ့အခွင့်အရေးတွေကိုအပိုင်အသုံးချနိုင်ခြင်းမရှိသလို၊ စတုတ်စီးတီးအသင်းရဲ့နောက်တန်းကလည်းအကောင်းဆုံးပုံစံပြန်သနိုင်ခဲ့ တာကြောင့် ပွဲချိန်ပြီးဆုံးသည်အထိဂိုးမှမရှိသရေသာဖြစ်ခဲ့ပြီး အာဆင်နယ်အသင်းကတော့ လက်စတာနဲ့အမှတ်တူ ဂိုးအသာနဲ့ အမှတ်ပေးဇယားရဲ့ထိပ်ဆုံးနေရာမှာရပ်တည်နေပါတယ်။
ရီးယဲလ်မက်ဒရစ် ၅-၁ စပို့တင်းဂီဂျွန်
ဇီဒန်းရဲ့ ဒုတိယပွဲစဉ်ကလည်း အပြုံးတွေနဲ့ပါ။ ရီးယဲလ်အသင်းပွဲအစကတည်းက တိုက်စစ်ဆင်ခဲ့ပြီး စပို့တင်းဂီဂျွန်ဘက်ကိုအကောင်းဆုံးဖိအားပေးကစားခဲ့တယ်။ ရီးယဲလ်အတွက်ဂိုးတွေကိုတော့ (၇)မိနစ်မှာဘေးလ်၊ (၉)မိနစ်နဲ့ (၁၈)မိနစ်မှာစီရော်နယ်လ်ဒို၊ (၁၂)မိနစ်နဲ့ (၄၁)မိနစ်တို့မှာ ဘန်ဇီမာကသွင်းယူပေးခဲ့ပါတယ်။
လာလီဂါအခြားပွဲစဉ်ရလဒ်များ
---------------------------
ဗလင်စီယာ ၂-၂ ဗယ်လလ်ကာနို
လက်စ်ပါမားစ် ၀-၃ အက်သလက်တီကို
ဂီတာဖေး ၃-၁ အက်စ်ပန်ညို
ပုံစာ-စတုတ်စီးတီးဘက်သို့ထိုးဖောက်တိုက်စစ်ဆင်နေသည့် အာဆင်နယ်တိုက်စစ်မှူး ၀ဲလ်ကော့
Photo:AFP 
Subscribe to:
Post Comments (Atom)
No comments:
Post a Comment