28-Jul-2016
ချင်းတွင်းမြစ်ရေ မြင့်တက်ပြီး မြစ်ကမ်းဘေးရှိ မြို့များအတွင်း မြစ်ရေများ ဝင်ရောက်သဖြင့် မြစ်ကမ်းဘေးရှိ မြို့လေးမြို့မှ စာသင်ကျောင်း ၁၃၀ ကျော် ဆက်လက်ပိတ်ထားရကြောင်း ခန္တီးခရိုင် ပညာရေမှူးရုံးမှ သိရသည်။
“တချို့ကျောင်းတွေက ရေတော့မရောက်ဘူး။ ဒါပေမယ့် ရေဘေးရှောင်စခန်းအဖြစ် ဖွင့်ထားရတယ်။ တချို့ကျောင်းတွေကျတော့ ရေ၀င်တယ်။ တချို့ကျောင်းတွေမှာတော့ လူနေအိမ်ထဲ ရေဝင်ပြီး မိဘတွေလဲ ဒုက္ခရောက်နေကြတာနဲ့ ကလေးတွေကို ကျောင်းမလွှတ်နိုင်တဲ့အတွက် ပိတ်ထားရတာ ဖြစ်တယ်” ဟု ၎င်းက ပြောဆိုသည်။
ချင်းတွင်းမြစ်ရေ ဝင်သဖြင့် ပိတ်ထားရသည့် စာသင်ကျောင်းများ ကျောင်းပြန်ဖွင့်လှစ်နိုင်သည့် အချိန်တွင် သင်ခန်းစာများ နောက်မကျစေရန် ရက်အစားထိုး သင်ကြားမှုများ ပြုလုပ်သွားမည် ဖြစ်သည်ဟု ၄င်းက ဆက်လက်ပြောသည်။
“ကိုယ်ကိုယ်တိုင်က ဟိုရွှေ့ဒီရွှေ့ လုပ်နေရတာဆိုတော့ ကလေးတွေ ကျောင်းလွှတ်ဖို့ကလည်း စိတ်မချတာနဲ့ ကျောင်းမလွှတ်တော့တာ” ဟု ဟုမ္မလင်းမြို့မှ ကျောင်းသားမိဘတစ်ဦးက ပြောသည်။
the voice
No comments:
Post a Comment