အစိုးရသစ် အောင်မှတ်မရသေးသော စီးပွားရေး

ဓာတ်ပုံ − ဂျေမောင်မောင်(အမရပူရ)

စတိုးဆိုင်ဖွင့် ဈေးရောင်းခြင်းကို ဆယ်စုနှစ် နှစ်ခုကျော် လုပ်ကိုင်ခဲ့ပြီးနောက် ၂၀၁၆ သည် အဆိုးရွားဆုံး နှစ်တစ်နှစ်ဖြစ်ကြောင်း ဦးမျိုး မင်းအောင်က ပြောသည်။ ၁၉၉၄ ကစ၍ စတိုးဆိုင်ဖွင့်လှစ်ရောင်း ချခဲ့သော ဦးမျိုးမင်းအောင်သည် အရပ်သားစစ်အစိုးရလက်ထက်တွင် မျှော်လင့်ချက်များစွာထားခဲ့သော်လည်း နှစ်ကုန်ချိန် စာရင်းချုပ်လိုက်သောအခါ ၀င်ငွေအနည်းဆုံးနှစ်ဖြစ်နေလေသည်။

‘‘ကုန်ဈေးနှုန်းကကြီး၊ ငွေကြေးက ဖောင်းပွတော့ လူတွေက ငွေမသုံးနိုင်ကြဘူး။ သူတို့မ၀ယ်ရင် ကျွန်တော်တို့ ၀င်ငွေလျော့သွားတာပေါ့’’ဟု ဦးမျိုးမင်းအောင်က ညည်းတွားသည်။

ကမ္ဘာသိခေါင်းဆောင်တစ်ဦးဖြစ်သော နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်သည့် အစိုးရအဖွဲ့သစ် တာဝန်ယူချိန်တွင် နိုင်ငံ့စီးပွားရေး တစ်ဟုန်ထိုး တိုးတက်လာနိုင်သည်ဟု မျှော်လင့်ခဲ့သော်လည်း အစိုးရသက်တမ်း တစ်နှစ်ခန့်ရှိ လာချိန်၌ ငွေကြေးဖောင်းပွမှု ဒေါ်လာတန်ဖိုး တစ်ဟုန်ထိုးတက်ကာ အတက်အကျများနေသောကြောင့် စီးပွားရေးတွင် အခက်အခဲများစွာ ဖြစ်နေရသည်ဟု ဒေါက်တာစိုးထွန်းက ပြောသည်။ ကားတင်သွင်း ရောင်းချသည့်လုပ်ငန်း၊ ဆောက်လုပ်ရေးလုပ်ငန်း၊ ကုန်သွယ်ရေးလုပ်ငန်းများအပါအ၀င် ငွေလဲကောင်တာလုပ်ငန်းများကို ဦးဆောင်လုပ်ကိုင်နေသူ ဒေါက်တာစိုးထွန်းက ‘‘လုပ်ငန်းတွေ မကောင်း၊ ၀င်ငွေ မတိုးလာဘဲ ကုန် ဈေးနှုန်းကကြီးတော့ လူအများ ကျပ်တည်းနေကြတယ်’’ ဟု ဆို သည်။

၂၀၁၆ ဧပြီ ၁ ရက်ကစ၍ အရပ်သားအစိုးရသစ် နိုင်ငံတော်အုပ်ချုပ်ရေး တာဝန်ရယူချိန်တွင် နိုင်ငံသားအားလုံးက အနာဂတ်ဘ၀အတွက် မျှော်လင့်ချက်များစွာဖြင့် ကြိုဆိုခဲ့သည်။ ယခင် အစိုးရ နှင့် နီးစပ်သူများသာ လုပ်ပိုင်ခွင့်ရ ရှိသည့် အခြေအနေမှ မည်သူမဆို လုပ်ပိုင်ခွင့်ရရှိမည့် တန်းတူယှဉ်ပြိုင်လုပ်ကိုင်ခွင့်ရသော အခြေအနေမျိုးကို ခံစားရမည်ဟု မျှော်လင့်ခဲ့ကြသည်။ သို့သော်လည်း စီးပွားရေးမူဝါဒကို ထိမိသေချာစွာ အကောင်အထည် မဖော်နိုင်သဖြင့် ၂၀၁၆ အတွက် အကျပ်အတည်းများနှင့် အဆုံးသတ်ရသည်ဟု စီးပွားရေးလုပ်ငန်းရှင်အချို့က သုံးသပ်သည်။

‘‘တုံ့တုံ့ဆိုင်းဆိုင်းနဲ့ မကောင်းဘူးလို့ပဲ ပြောချင်ပါတယ်’’ဟု မြန်မာနိုင်ငံ ကုန်သည်များနှင့်စက်မှုလက်မှုလုပ်ငန်းရှင်များအသင်းချုပ် ဒုတိယဥက္ကဋ္ဌ ဒေါက်တာ မောင်မောင်လေးက ပြောသည်။

အစိုးရသက်တမ်း ခြောက်လအထိ နိုင်ငံ့စီးပွားရေး တိုးတက်မှုနည်းကြောင်း နိုင်ငံတော်၏ အတိုင်ပင်ခံပုဂ္ဂိုလ်က အောက်တိုဘာ ၂၃ ရက်တွင် စီးပွားရေးလုပ်ငန်းရှင်များ ဖွံ့ဖြိုးမှု မိတ်ဆက်တွေ့ဆုံပွဲအခမ်းအနား၌ ပထမဆုံးအကြိမ် ၀န်ခံပြောကြားသည်။

‘‘ကျွန်မတို့ အစိုးရသက်တမ်း ပထမခြောက်လအတွင်းမှာ မျှော်မှန်းသလောက် စီးပွားရေးဘက်မှာ လျင်မြန်စွာ တိုးတက်နိုင်မှုမရှိဘူးဆိုတာ ၀န်ခံပါတယ်’’ဟု ဒေါ်အောင်ဆန်းစုကြည်က ပြောကြားသည်။

ဒေါ်အောင်ဆန်းစုကြည် သည် နိုင်ငံတကာမှ လေးစားသူတစ်ဦးဖြစ်ပြီး မြန်မာ့ဒီမိုကရေစီအရေး ကူညီသော နိုင်ငံများကြောင့် နိုင်ငံတကာရင်းနှီးမြှုပ်နှံမှုနှင့် နိုင်ငံတကာအကူအညီများစွာ ရရှိလာနိုင်မည်ဟု မျှော်လင့်ခဲ့သည်။

မျှော်လင့်သလောက် ဖြစ်မလာသော ရင်းနှီးမြှုပ်နှံမှုနှင့် ကုန်သွယ်ရေး

အစိုးရသစ်၏ ပထမဆုံးနှစ် ဖြစ်သော ၂၀၁၆-၂၀၁၇ ဘဏ္ဍာ နှစ်အတွက် မျှော်မှန်းထားသည့် ရင်းနှီးမြှုပ်နှံမှုပမာဏသည် အမေရိကန်ဒေါ်လာ ခြောက်သန်းခန့်ဖြစ်သည်။ သို့သော် အစိုးရသက်တမ်း ကိုးလကြာချိန်တွင် အသစ်ခွင့်ပြု ရန် အဆိုပြုထားသည့် ရင်းနှီးမြှုပ်နှံမှုပမာဏ အမေရိကန်ဒေါ်လာ ၂ ဒသမ ၁ ဘီလီယံနှင့် ယခင်ရင်းနှီး မြှုပ်နှံမှုအဟောင်းများမှ ထပ်မံတိုး ချဲ့ရင်းနှီးမြှုပ်နှံမှု အမေရိကန်ဒေါ်လာ ၁ ဒသမ ၃ ဘီလီယံကျော် စုစုပေါင်း ၃ ဒသမ ၄ ဘီလီယံကျော်သာရှိသေးသည်။

ပြည်ပရင်းနှီးမြှုပ်နှံမှု အ၀င်နည်းရခြင်းသည် အစိုးရသစ်လက်ထက် မြန်မာနိုင်ငံရင်းနှီးမြှုပ်နှံမှု ဥပဒေအပါအ၀င် စီးပွားရေးနှင့် ပတ်သက်သော မူဝါဒများ စောင့်ကြည့်နေခြင်းကြောင့်ဟု မြန်မာနိုင်ငံရင်းနှီးမြှုပ်နှံမှုကော်မရှင်အတွင်းရေးမှူး ဦးအောင်နိုင်ဦးက ပြောထားသည်။

မြန်မာနိုင်ငံရင်းနှီးမြှုပ်နှံမှု ဥပဒေကို အစိုးရသက်တမ်း ရှစ်လခန့် ကြာမြင့်ချိန်မှ ပြည်ထောင်စုလွှတ်တော်က ပြဋ္ဌာန်းနိုင်သည်။ ထို့အတူ နိုင်ငံခြားရင်းနှီးမြှုပ်နှံမှု များ ခွင့်ပြုရန် အရေးကြီးသည့် မြန်မာနိုင်ငံ ရင်းနှီးမြှုပ်နှံမှုကော်မ ရှင်ကိုလည်း ဇွန်လအတွင်း အသစ်ပြန်လည်ဖွဲ့စည်းခဲ့သည်။

ထို့အပြင် အစိုးရသစ်က ငါးနှစ်တာအတွင်း အကောင်အထည်ဖော်မည့် နိုင်ငံတော်၏ စီးပွားရေးမူဝါဒကို အစိုးရတက်လာပြီး ရက်ပေါင်း ၁၂၀ ခန့်အကြာ ဇူလိုင် ၂၉ ရက်တွင် ထုတ်ပြန်ကြေညာသည်။ သို့သော် စီးပွားရေးမူဝါဒများမှာ အသေးစိတ်မပါဘဲ ယေဘုယျသ ဘောဆန်နေသဖြင့် ဝေဖန်မှုများရှိသည်။

ကုန်သွယ်ရေးတွင်လည်း အစိုးရသက်တမ်းကိုးလခန့်၌အမေရိကန်ဒေါ်လာ နှစ်ဘီလီယံကျော် လိုငွေပြနေသည်။

ပို့ကုန်သုံးဆမြှင့်တင်မည့် စီးပွားရေးနှင့် ကူးသန်းရောင်းဝယ် ရေးဝန်ကြီးဌာန ပြည်ထောင်စုဝန်ကြီး ဦးသန်းမြင့်၏ အစိုးရတက်ခါစက ပြောစကားသည် တရုတ်-မြန်မာနယ်စပ်မြို့တစ်မြို့ဖြစ်သော မူဆယ်မြို့တွင် တိုက်ပွဲများဖြစ်ပွားခြင်း၊ တရုတ်နိုင်ငံ၏ အစိုးရအဖွဲ့က တရားမ၀င်ကုန်သွယ်မှု တားဆီးရေးကြောင့် ကုန်စည်ကူးသန်းရောင်းဝယ်မှုများ ရပ်တန့်ခဲ့ခြင်း၊ ရွှေလီမြစ်ရေကြီးမှုကြောင့် ရက်သတ္တပတ်ခန့် ကုန်စည်ရောင်းဝယ်မှု နားထားရခြင်းစသည့် ပြဿနာ များက အဟန့်အတားဖြစ်ခဲ့ရသည်။

ကုန်သွယ်မှု လိုငွေများနေခြင်း၊ နိုင်ငံခြားရင်းနှီးမြှုပ်နှံမှု အ၀င်နည်းခြင်း၊ အစိုးရအသုံးစရိတ် လျှော့ချမရခြင်းကြောင့် မြန်မာကျပ်ငွေတန်ဖိုး ကျဆင်းပြီး ငွေကြေးဖောင်းပွမှုမြင့်တက်လာသည်။

ငွေဖောင်းပွမှုနှင့် ကုန်ဈေးနှုန်းတိမ်ပေါ်တက်သောနှစ်

အစိုးရသစ်လက်ထက် မြန်မာနိုင်ငံ၏ ငွေလဲနှုန်းသည် ရက်ပိုင်းအတွင်း၊ အချိန်ပိုင်းအတွင်း အပြောင်းအလဲများခြင်းကြောင့် စီးပွားရေးလုပ်ငန်းရှင်များ တွန့်ဆုတ်ခဲ့သည်။ အစိုးရသစ် စတင်တာဝန်ယူပြီးနောက် နိုင်ငံရေး အခြေအနေတည်ငြိမ်လာသဖြင့် အမေရိကန်ဒေါ်လာ တန်ဖိုးသည် တစ်ဒေါ်လာလျှင် ၁,၁၆၀ ကျပ်ခန့် အထိကျဆင်းကာ ကျပ်ငွေတန်ဖိုးမာခဲ့သော်လည်း ဒီဇင်ဘာ ၁၆ ရက်၌ တစ်ဒေါ်လာလျှင် ၁,၄၄၀ ကျပ်ကျော် မြင့်တက်လာသည်။ ကိုးလအတွင်း ငွေလဲနှုန်းသည် ၁၅ မှ ၂၀ ရာခိုင်နှုန်းမြင့်တက်လာသည်ဟု ဒေါက်တာစိုးထွန်းက ပြောသည်။

အစိုးရသစ်လက်ထက်တွင် စီးပွားရေးလုပ်ငန်းရှင်များသည် အိမ်ခြံမြေဈေးကွက်မကောင်းခြင်း၊ ဆောက်လုပ်ရေးလုပ်ငန်းများ အ ကျပ်အတည်းဖြစ်လာခြင်း၊ အရင်းအနှီးဈေးကွက် အလားအလာမ ကောင်းခြင်းတို့ကြောင့် ငွေကြေးဈေးကွက်၌ စီးပွားရေးလုပ်ငန်းရှင်အချို့ ၀င်ကစားခဲ့၍ ဒေါ်လာတန်ဖိုးအတက်ကြမ်းခဲ့ခြင်းဟု စီးပွားရေး လုပ်ငန်းရှင်အချို့က သုံးသပ်သည်။

ငွေလဲနှုန်းမြင့်တက်မှုကြောင့် သွင်းကုန်ပစ္စည်းများအပေါ် မှီခိုနေရသည့် မြန်မာနိုင်ငံတွင် ငွေကြေး ဖောင်းပွပြီး ကုန်ဈေးနှုန်း မြင့်တက်ခဲ့သည်။ မြန်မာနိုင်ငံ၏ ငွေကြေး ဖောင်းပွမှု အခြေအနေကို မြန်မာ နိုင်ငံတော်ဗဟိုဘဏ်က ထုတ်ပြန်မှု ၌ ၁၂ ဒသမ ၄ ရာခိုင်နှုန်းရှိနေသည်ဟု ခန့်မှန်းတွက်ချက်ထားသည်။

ထို့အပြင် အစိုးသစ်၏ ဘတ်ဂျက်အသုံးစရိတ်တိုးမြှင့်ရာတွင် ဗဟိုဘဏ်က ငွေစက္ကူရိုက်နှိပ်ရမည့် အခြေအနေကလည်း မြန်မာကျပ်ငွေတန်ဖိုး ဖောင်းပွမှုကို ဖြစ်စေသည်ဟု စီးပွားရေးပညာရှင်များက ထောက်ပြသည်။

အစိုးရသစ်လက်ထက် ပြန်လည်ရေးဆွဲသည့် ဘတ်ဂျက်တွင် လိုငွေကျပ် ဘီလီယံ ၃,၀၉၀ ရှိပြီး ကျပ် ၁,၂၃၆ ဘီလီယံကို ဗဟိုဘဏ်မှ ချေးယူရန် စီစဉ်ခဲ့သည်။ ဘတ်ဂျက်လိုငွေ၏ ၄၀ ရာခိုင်နှုန်းကို ဗဟိုဘဏ်မှ ချေးယူရန် စီစဉ်မှု ကြောင့် ငွေစက္ကူထပ်မံရိုက်ရမည် ဖြစ်ရာ လှည့်လည်သုံးစွဲနေသော ငွေကြေးအတွင်း ယင်းငွေများ ရောက်ရှိပြီး ငွေကြေးဖောင်းပွမှု ဖြစ်မည်ဟု ရသုံးမှန်းခြေငွေစာရင်း ဦးစီးဌာနမှ အငြိမ်းစားညွှန်ကြား ရေးမှူးချုပ် ဦးစိုးသိန်းက ပြော သည်။

ကုန်ဈေးနှုန်း တက်သော်လည်း လူတစ်ဦးချင်း ၀င်ငွေမြင့်တက်လာခြင်းမရှိသောကြောင့် ၀ယ်လိုအားလျော့ကျခဲ့သည်။

‘‘အဓိက ဒုက္ခပေးတာ ငွေလဲနှုန်းပဲ’’ ဟု ဒေါက်တာစိုးထွန်းက ပြောသည်။ ၀ယ်လိုအားကျလာခြင်းကြောင့် ငွေကြေးလည်ပတ်မှု နှေးကွေးကာ စီးပွားရေးတွင် အကျဘက်သို့ ဦးတည်စေကြောင်း ဦးမျိုးမင်းအောင်က ဆိုသည်။

ရန်ကုန် ကားလိုင်စင်ပိတ်ထားခြင်း၊ ကားပါကင်ထောက်ခံချက် ထုတ်ပေးမှု ရပ်ဆိုင်းထားခြင်း တို့ကြောင့် အင်ဂျင်ပါဝါသေးသည့် ကားများ ဈေးနှုန်းမြင့်တက်လာသည်။ ထို့အပြင် ငွေလဲနှုန်းမြင့်တက်မှုကလည်း ကားဈေးကို တွန်းအားတစ်ခုဖြစ်ခဲ့သည်။

ငွေကြေးဈေးကွက်တွင် ၀င်ရောက်ကစားမှုသည် မြန်မာနိုင်ငံ၌ အရင်းအနှီးဈေးကွက်ကို ပီပြင်စွာ အကောင်အထည်ဖော်နိုင်မှု မရှိခြင်းကြောင့်ဟု စီးပွားရေးလုပ်ငန်းရှင်အချို့က ဆိုသည်။ ရန်ကုန် မြို့တွင် ဖွင့်လှစ်ထားသော ငွေကြေးအရင်းအနှီးဈေးကွက်တစ်ခု ဖြစ်သည့် ရန်ကုန်စတော့အိတ်ချိန်းသည် ကုမ္ပဏီသုံးခုဖြင့် ရှယ် ယာအရောင်းအ၀ယ်ကို ငွေကြေးကစားသူများပါဝင်လာရန် မဆွဲဆောင်နိုင်ပေ။

‘‘တစ်နှစ်အတွင်း စတော့အိတ်ချိန်းအောင်မြင်ဖို့ဆို မဖြစ်နိုင်ပါဘူး။ နောက်ပြီး စတော့အိတ်ချိန်းအောင်မြင်ဖို့ အများပိုင်ကုမ္ပဏီ ၁၀ ခုလောက်လိုတယ်’’ဟု နိုင်ငံတကာ စတော့အိတ်ချိန်းအ တွေ့အကြုံရှိ Thura Swiss အမှု ဆောင်အရာရှိချုပ် ဒေါက်တာ အောင်သူရက ပြောသည်။

ဈေးကွက်ပျက်ခဲ့သော အိမ်ခြံမြေ နှင့် ဆောက်လုပ်ရေးလောက

ရန်ကုန်တိုင်းဒေသကြီး အစိုးရအဖွဲ့က မေလ ၂၀ ရက်တွင် ၁၃ ထပ်နှင့်အထက် ဆောက်လုပ်နေသော အထပ်မြင့် အဆောက်အအုံများ စည်းမျဉ်းစည်းကမ်းနှင့် မကိုက်ညီခြင်း၊ ခွင့်ပြုချက်မရမီ တည်ဆောက်မှုများ ပြုလုပ်နေ ခြင်းတို့ကြောင့် ဆောက်လုပ်မှုများ ရပ်ဆိုင်းထားရန် ထုတ်ပြန်ခဲ့သည်။

ဆောက်လုပ်ရေး လုပ်ငန်းများ ရပ်ဆိုင်းခြင်းကြောင့် ပြိုကျလုဆဲဆဲ ကြိုပွိုင့်တည်ဆောက်မှုများသည် ဈေးကွက်ပျက်ခဲ့ပြီး ဆောက်လက်စ ကန်ထရိုက်တိုက်နှင့် ဆောက်လုပ်ရန် ပြင်ဆင်ထားသောတိုက်များ မဆောက်သဖြင့် ကန်ထရိုက်တာများကို မြေရှင်၏ တရားစွဲဆိုမှုများပင်ရှိခဲ့သည်။

‘‘ဓာတ်လှေကားတွေကအစ ပြည်ပကမှာပြီး ငွေကြိုချေထားရတယ်။ မူဝါဒတွေ မတည်ငြိမ်တဲ့အခါ Cancel ပြန်လုပ်ထားရတာတွေက ဒီနှစ်မှာ ဆိုးဆိုးရွားရွားခံလိုက်ရတယ်။ ပညာရှင်တွေကို စာချုပ်တွေချုပ်ပြီး လခတွေ ကြိုပေးထား ရတယ်။ ဒီမှာ လုပ်ငန်းတွေ ရပ် ထားတော့ သူတို့လည်း ပြန်သွား ကြတယ်’’ဟု ဆောက်လုပ်ရေး လုပ်ငန်းများတွင် ကြုံတွေ့နေရ သော အခက်အခဲကို Resources  Group of Companies မှ ကိုအန် ဒရူးက ပြောသည်။

ယင်းနှင့်ဆက်စပ်၍ အိမ်မြေ အရောင်းအ၀ယ်လည်း အေးစက်ခဲ့သည်။ အရောင်းအ၀ယ်ပုံစံများလည်း ပြောင်းလဲပြီး ယခင်ကဲ့သို့ အပြတ်ရောင်းချခြင်းမျိုးမဟုတ်ဘဲ ရောင်းပေါင်စနစ်သို့ ပြောင်းလဲခဲ့ရကြောင်း မဏ္ဍိုင်အိမ်ခြံမြေ အကျိုးဆောင်ကုမ္ပဏီ မန်နေဂျင်း ဒါရိုက်တာ ဦးသန်းဦးက ပြောကြားသည်။

၂၀၁၆ တွင် မြန်မာ့စီးပွားရေး၌ ထုတ်ကုန်နှင့် စက်မှုလုပ်ငန်းများ တုံ့နှေးကြန့်ကြာနေသော်လည်း ၀န်ဆောင်မှုကဏ္ဍဖြစ်သည့် ခရီးသွားလုပ်ငန်းသည် ဖွံ့ဖြိုးတိုးတက်လာပြီး လုပ်သာကိုင်သာရှိသည့် စီးပွားရေးလုပ်ငန်းတစ်ခုဖြစ်လာ ကြောင်း မြန်မာနိုင်ငံ ခရီးသွားလုပ်ငန်းအဖွဲ့ချုပ် တွဲဖက်အတွင်းရေးမှူး ဦးဖြိုးဝေရာဇာက ပြောသည်။ ‘‘ဧည့်သည်ဝင်ရောက်မှု နည်းတယ်၊ ဘာတယ်ပြောနေကြပေမယ့် မနှစ်ကလိုပဲ ပုံမှန်လေး သွား နေပါတယ်’’ဟု ၎င်းက ဆက်လက် ပြောသည်။ နိုင်ငံတကာ ခရီးသွားအ၀င်သည် စက်တင်ဘာလကုန်အထိ ယခင်နှစ်ကာလတူထက် ၁၁ ရာခိုင်နှုန်း ကျဆင်းခဲ့သည်။ မြန်မာနိုင်ငံသို့ နိုင်ငံခြားခရီးသွား ဧည့်သည်ဝင်ရောက်မှုသည် ၂၀၁၄ တွင် သုံးသန်း၊ ၂၀၁၅ တွင် ၄ ဒသမ ၆၈ သန်း၊ ယခုနှစ် စက်တင်ဘာလဆန်းအထိ ၂ ဒသမ ၄၅ သန်းရှိသည်။

အစိုးရသစ်လက်ထက်တွင် စီးပွားရေး၌ မူဝါဒအပြောင်းအလဲနှင့် အားနည်းချက်များ၊ အစိုးရအဖွဲ့ဝင်အချို့၏ လုပ်ငန်းမကျွမ်းကျင်မှုကြောင့် စီးပွားရေးနှေးကွေးခဲ့သော်လည်း နိုင်ငံတော်၏အတိုင်ပင်ခံပုဂ္ဂိုလ်၏ ကြိုးစားမှုကြောင့် အမေရိကန်အစိုးရက စီးပွားရေး ပိတ်ဆို့မှုများ လုံးဝဖယ်ရှားပေးခဲ့ပြီး၊ ကုန်သွယ်မှုအထူးအခွင့်အရေးများ ပြန်လည်ရရှိခဲ့သည်။

ထို့အတူ ဂျပန်နိုင်ငံကလည်း ငါးနှစ်အတွင်း အမေရိကန်ဒေါ်လာ ရှစ်ဘီလီယံခန့် အကူအညီ ပေးခဲ့သည်။ နိုင်ငံတော်၏ အတိုင်ပင်ခံပုဂ္ဂိုလ်၏ စက်တင်ဘာ အမေရိကန်ခရီးစဉ်၊ နိုဝင်ဘာ ဂျပန်ခရီးစဉ်များတွင် ယင်းနိုင်ငံများမှ လုပ်ငန်းရှင်များကို မြန်မာနိုင်ငံသို့ လာရောက်ရင်းနှီးမြှုပ်နှံရန် ဖိတ်ခေါ်ခဲ့သည်။

ထို့ကြောင့် ၂၀၁၇ တွင် စီးပွားရေးကဏ္ဍ၌ မျှော်လင့်ချက်များရှိနေပြီး နိုင်ငံတကာအကူအညီများ ပိုမိုရရှိပါက စီးပွားရေးတွင် ခုသာခံသာရှိမည်ဟု ဒေါက်တာ စိုးထွန်းက ပြောသည်။ ထို့အပြင် ၂၀၁၆ ၌ ကြုံတွေ့ခဲ့ရသည့် မူဝါဒ လိုအပ်ချက်များကို ပြင်ဆင်ပြီး ငွေလဲနှုန်း တည်ငြိမ်မှုရှိစေရန် ထိန်းနိုင်မည်ဆိုပါက အခွင့်အလမ်းကောင်းများဖြစ်လာနိုင်သည်ဟု ဒေါက်တာစိုးထွန်းက ပြောသည်။