မဲမပေးရန် လှုံ့ဆော်သော ဘာသာရေး အဖွဲ့အစည်းများအား ရွေးကောက်ပွဲ ဥပဒေအရ အရေးယူနိုင်ခြင်းမရှိဟု ကော်မရှင်ဆို

မဲမပေးရန် လှုံ့ဆော်သော ဘာသာရေး အဖွဲ့အစည်းများအား ရွေးကောက်ပွဲ ဥပဒေအရ အရေးယူနိုင်ခြင်းမရှိဟု ကော်မရှင်ဆို
------------------------------------

ရန်ကုန်၊ စက်တင်ဘာ ၃၀

အထွေထွေရွေးကောက်ပွဲတွင် ကိုယ်စားလှယ်လောင်းတစ်ဦးဦးကို မဲမပေးရန် လှုံ့ဆော်သော ဘာသာရေး အဖွဲ့အစည်းများကို ရွေးကောက်ပွဲ ဥပဒေများနှင့် အရေးယူနိုင်ခြင်း မရှိကြောင်း ပြည်ထောင်စု ရွေးကောက်ပွဲကော်မရှင် အဖွဲ့ဝင် ဦးဝင်းကိုက ပြောကြားသည်။

စက်တင်ဘာလ ၃၀ ရက်နေ့တွင် ရန်ကုန်မြို့တော် PARK ROYAL ဟိုတယ်တွင် ပြုလုပ်သော ရွေးကောက်ပွဲဆိုင်ရာ ပဋိပက္ခများကို တားဆီးခြင်းဖိုရမ် အပြီးတွင် သတင်းမီဒီယာများနှင့် တွေ့ဆုံစဉ် ၎င်းက ယင်းသို့ ပြောဆိုခြင်း ဖြစ်သည်။

ဘာသာရေးကို နိုင်ငံရေးအလို့ငှာ အလွဲသုံးစားပြုလုပ်သော နိုင်ငံရေးသမားများ၊ ကိုယ်စားလှယ်လောင်းများကိုသာ ရွေးကောက်ပွဲ ဥပဒေများအရ ဟန့်တားအရေးယူနိုင်ခြင်း ပြုလုပ်နိုင်သော်လည်း ဘာသာရေး အဖွဲ့အစည်းများသည် ရွေးကောက်ပွဲ ဥပဒေများနှင့် အကျုံးမဝင်ကြောင်း ဦးဝင်းကိုက ဆိုသည်။

“ဘာသာရေး အဖွဲ့အစည်းများကို စီမံအုပ်ချုပ်တာက သံဃမဟာနာယကနဲ့ သာသနာရေး ဝန်ကြီးဌာနက ဆိုင်မယ်၊ ဘုန်းကြီးတွေ လုပ်တာကို အန်ကယ်တို့ ဘာမှဝင်လုပ်လို့ မရဘူး။ ဘာသာရေး အဖွဲ့အစည်းတွေက လုပ်ကိုင်နေတဲ့ ကိစ္စတွေက တို့နဲ့ တိုက်ရိုက်မပတ်သက်ပါဘူး” ဟု ၎င်းက ဆိုသည်။

သို့သော်လည်း ရွေးကောက်ပွဲ ဥပဒေများ၏ ရွေးကောက်ပွဲဆိုင်ရာ ပြစ်မှုများနှင့် ပြစ်ဒဏ်များ အခန်း (၁၃) ပါ ပုဒ်မ ၅၈ ပုဒ်မခွဲ (ဂ) တွင် မည်သူမဆို လူမျိုးရေးကိုဖြစ်စေ၊ ဘာသာရေးကိုဖြစ်စေ အကြောင်းပြပြီး ဆန္ဒမဲပေးရန်သော် လည်းကောင်း၊ ဆန္ဒမဲမပေးရန်သော် လည်းကောင်း ပြောဆိုခြင်း၊ ဟောပြောခြင်း၊ ကြေညာချက်ထုတ်ပြန်ခြင်း သို့မဟုတ် ယင်းသို့ ပြုလုပ်ရန် အားပေးလှုံ့ဆော်ခြင်းကို ကျူးလွန်ခြင်း သို့မဟုတ် ကျူးလွန်ရန် အားပေးကူညီကြောင်း ပြစ်မှုထင်ရှားပါက တစ်နှစ်ထက် မပိုသော ထောင်ဒဏ်ဖြစ်စေ၊ ကျပ်တစ်သိန်းထက် မပိုသော ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်ဖြစ်ကြောင်း ပြဋ္ဌာန်းထားသည်။

ယင်းပုဒ်မနှင့် ပတ်သက်ပြီး ဦးဝင်းကိုက “ဥပဒေမှာ မည်သူမဆို ဆိုတာက ပြောမယ်ဆိုရင် မြန်မာနိုင်ငံမှာရှိတဲ့ ထေရဝါဒ ဗုဒ္ဓဘာသာကိုက ကော်မရှင် ဥပဒေအောက်မှာ မရှိဘူး။ ဒီဥပဒေကို လိုက်နာရမယ့် သူတွေထဲမှ သူတို့တွေ မပါဘူး။ သူတို့ဟာ သံဃမဟာနာယကနဲ့ သာသနာရေး ဝန်ကြီးဌာနနဲ့ပဲ ဆိုင်ပါတယ်” ဟု ၎င်းက ဆိုသည်။

သို့သော်လည်း ဘာသာရေး အဖွဲ့အစည်းများသည် ရွေးကောက်ပွဲတွင် ရွေးကောက်ခံမည့် ကိုယ်စားလှယ်လောင်းများကို မဲမပေးရန် (သို့မဟုတ်) မဲပေးရန် လှုံ့ဆော်ခြင်းသည် ရွေးကောက်ပွဲဖြစ်စဉ်နှင့် တိုက်ရိုက်သက်ဆိုင်နေသောကြောင့် ရွေးကောက်ပွဲကော်မရှင်နှင့် ရွေးကောက်ပွဲ ဥပဒေများနှင့် သက်ဆိုင်ကြောင်း NLD ပါတီ ဗဟိုအလုပ်အမှုဆောင် အဖွဲ့ဝင် ဦးဝင်းထိန်က ထောက်ပြပြောဆိုသည်။

“ဒါက လှီးလွှဲပြောတာ။ ဘုန်းကြီးတွေ ဒီလို လုပ်နေတာက ရွေးကောက်ပွဲ လုပ်ငန်းစဉ်ကို နှောင့်ယှက်တာပဲလေ။ ရွေးကောက်ပွဲနဲ့ မဆိုင်ဘူးလား၊ ကော်မရှင်နဲ့ မဆိုင်ဘူးတဲ့လား။ ဥပဒေကို မသိဘူးလို့ ဆင်ခြေပေးလို့ မရဘူး။ မည်သူမဆို ဆိုတဲ့အောက်မှာ သံဃာအဖွဲ့အစည်းတွေ မပါဘူး ဆိုတာက ဒီလူမှားကို မှားတာ” ဟု ၎င်းက ဆိုသည်။

အလားတူ နိုင်ငံရေးအလို့ငှာ ဘာသာသာသနာကို အလွဲသုံးစားမပြုရ၊ ထို့အပြင် လူမျိုးရေးကြောင့်သော် လည်းကောင်း၊ ဘာသာရေးကြောင့်သော် လည်းကောင်း၊ တစ်ဖက်နှင့်တစ်ဖက်၊ တစ်ဂိုဏ်းနှင့်တစ်ဂိုဏ်း မုန်းတီးခြင်း၊ ရန်မူခြင်း၊ စိတ်ဝမ်းကွဲခြင်း တစ်မျိုးမျိုး ပေါ်ပေါက်လာစေရန် ရည်ရွယ်သော သို့မဟုတ် ပေါ်ပေါက်လာရန် အကြောင်းရှိသော အပြုအမူသည် ဖွဲ့စည်းပုံအခြေခံဥပဒေနှင့် ဆန့်ကျင်ပြီး ထိုအပြုအမူမျိုးအတွက် ပြစ်ဒဏ်ပေးနိုင်ရန် ဥပဒေ ပြဋ္ဌာန်းနိုင်ကြောင်း ၂၀၀၈ ဖွဲ့စည်းပုံအခြေခံဥပဒေ ပုဒ်မ ၃၆၄ တွင် ပြဋ္ဌာန်းထားသည်။

$$$မိုးညှင်းသတင်း apk မှကြော်ငြာရှင်များဖိတ်ခေါ်ခြင်း$$$$ မိမိတို့၏လုပ်ငန်းများကိုအချိန်တိုအ တွင်းမှာလူသိများလာအောင် မိုးညှင်းသတင်း apk မှဆောင်ရွက်ပေးပါမည် $$ကြော်ငြာခနှုံးထားများ$$ တစ်ရက် နှစ်ကြိမ်တင် ၁၀၀၀ ကျပ် သတင်းapk ရဲ့ထိပ်မှာ ၁၂ နာရီကြာတင်ထားမယ်ဆိုရင် တစ်ရက် ၂၀၀၀ ကျပ် ပေးပို့ရန် ကြော်ငြာမည့်စာသား ဓါတ်ပုံ ၃ ပုံထိလက်ခံပါသည် ငွေပေးချေရန်Telenor Ooredoo ငွေဖြည့်ကက်ပို့ပေးရပါမည်