နောက်ဆုံး မဲဆန္ဒရှင် စာရင်း နိုဝင်ဘာ ၂ ရက် ထုတ်ပြန်မည်
လာမယ့်ရွေးကောက်ပွဲမှာ မဲပေးနိုင်မယ့် လူဦးရေစာရင်းကို နိုဝင်ဘာ ၂ ရက်နေ့မှာ နောက်ဆုံးထား ထုတ်ပြန်ပေးမယ် လို့ ရွေးကောက်ပွဲကော်မရှင် က ပြောဆိုလိုက်ပါတယ်။ ပြီးခဲ့တဲ့လက တနိုင်ငံလုံးအဆင့် မဲဆန္ဒရှင်စာရင်း ထုတ်ပြန်ကြေညာရာမှာ သေဆုံးသူများ၊ မိသားစုဝင် မဟုတ်တဲ့အမည်စာရင်း ပါဝင်နေတာမှာလည်း တာဝန်ခံနိုင်ပါက ပယ်ဖျက်ခွင့် လျှောက်ထားနိုင်တယ် လို့လည်းပြောဆိုလိုက်ပါတယ်။ ဒီအပြင် မဲပေးနိုင်တဲ့ အခွင့်အရေးရရှိသူ တဦးအနေနဲ့ မဲစာရင်းမှာမပါလို့ လျှောက်ထားရာမှာလည်း ထပ်မံမပါတာကို အတိအကျတင်ပြပါက ရပ်ကွက်ကျေးရွာကော်မရှင်အဖွဲ့ကို အရေးယူပေးမယ် လို့လည်း ပြောဆိုလိုက်ပါ တယ်။ သတင်းအပြည့်အစုံ ကို နေပြည်တော်မှာ ရောက်ရှိနေတဲ့ ဗွီအိုအေ သတင်းထောက် မေခကပေးပို့ထားပါတယ်။
လာမယ့်ရွေးကောက်ပွဲမှာမဲပေးနိုင်မယ့် လူဦးရေစာရင်းကို နိုဝင်ဘာ ၂ ရက် နေ့မှာ နောက်ဆုံးထား ထုတ်ပြန်ပေးမယ် လို့ ရွေးကောက်ပွဲကော်မရှင် က နေပြည်တော်မှာ လုပ်တဲ့ သတင်းစာရှင်းလင်းပွဲမှာ ညွှန်ကြားရေးမှုးချုပ် ဦးတင်ထွန်းက ခုလိုပြောဆိုလိုက်တာပါ။ တပ်နယ်မြေများ အတွင်း မဲပေးခွင့် စာရင်းကိုလည်း သက်ဆိုင်ရာ တပ်များတွင် ကပ်ထားမယ်လို့လည်းပြောပါ တယ်။
“မဲပေးပိုင်ခွင့်ရှိသူစာရင်းကတော့ ကျနော်တို့ ၂ ရက်နေ့ကနေစပြီးတော့ သက်ဆိုင်ရာ ၊ ရပ်ကွက်ကော်မရှင်အဖွဲ့ရုံးတွေမှာ မဲရုံတိုင်းမှာ ကပ်ပေးမယ်။ ၂ ရက် နေ့ကို ကျနော်တို့ မဲစာရင်းတွေက ရပ်ကျေးကနေထုတ်တာ။ ဘာကြောင့်အတိအကျ မပြောနိုင်သလဲဆိုတော့ ကျနော်တို့က ပထမအကြိမ် ကျနော်တို့ ၁၄ ရက်နေ့ကနေ ၂၇ ရက်နေ့ ကြေညာလိုက်တာရှိတယ်။ အဲဒီမှာ ဘာတွေ တိုးလာသလဲဆိုတော့ ကျန်ခဲ့တဲ့လူတွေက ပုံစံ ၃ နဲ့ ထပ်လျှောက် ထားတာရှိတယ်။ နော်တခါ တခြား မဲဆန္ဒနယ်ကနေပြီးတော့မှ ပြောင်းလာ တာတွေရှိတယ်။ အဲဒါတွေက ၃ (က) နဲ့ ကျနော်တို့ လက်ခံထားတာရှိတယ်။ အခုဒီ ပုံစံ၃ တွေ ၃ (က)တွေ တင်တဲ့ဟာတွေ အားလုံးကို ကျနော်တို့ ပြန်ပြီးတော့ ရိုက်နေပါပြီ။ ဆိုတော့ ၂ ရက်နေ့မှာ ကျနော်တို့ ရပ်ကွက်ကော်မရှင်ရုံးမှာ ကပ်ပါမယ်။ ၆၊ ၇ မှာတော့ မဲရုံမှာ ကပ်ပေးပါမယ်။”
ဗွီအိုအေ
No comments:
Post a Comment