သန်လျင် NLD ကိုယ်စားလှယ်လောင်းစာရင်း မကျေနပ်၍ အဖွဲ့ဝင် ၃ ဦး နှုတ်ထွက်မည်

သန်လျင် NLD ကိုယ်စားလှယ်လောင်းစာရင်း မကျေနပ်၍ အဖွဲ့ဝင် ၃ ဦး နှုတ်ထွက်မည် ---------------------------------------------------------------------------- သန်လျင်မြို့နယ် အမျိုးသားဒီမိုကရေစီအဖွဲ့ချုပ် (NLD) အလုပ်အမှုဆောင် အဖွဲ့၏ ကိုယ်စားလှယ်လောင်း ရွေးချယ်မှုသည် ပါတီဗဟိုကော်မတီ၏ ညွှန်ကြားချက်များနှင့် ဆန့်ကျင်နေသဖြင့် မြို့နယ်အလုပ်မှုဆောင်အဖွဲ့ဝင် သုံးဦး နှုတ်ထွက်သွားမည်ဖြစ်ကြောင်း သိရသည်။ သန်လျင်မြို့နယ် NLD လွှတ်တော်ကိုယ်စားလှယ်လောင်းစာရင်းတွင် ပါတီဝင် မဟုတ်သူ၊ မြို့ခံမဟုတ်သူများ ပါဝင်နေခြင်း ပါတီအပြင် အခြားလုပ်ငန်းများ တွင် ပါဝင်ဆောင်ရွက်နေသူများ ပါဝင်နေခြင်း၊ အခြားပါတီမှ ရွှေ့ပြောင်းလာသူများ ပါဝင်နေခြင်းတို့ကြောင့် ပါတီဥက္ကဋ္ဌ ဒေါ်အောင်ဆန်းစုကြည် ပြောကြားထားသည့် ကိုယ်စားလှယ်လောင်းများ အရည်အချင်းတူညီပါက ပါတီတွင် သက်တမ်းကြာရှည်စွာ ထမ်းဆောင်ခဲ့သူကို ဦးစားပေးမည်ဟူသော စကားနှင့် ကွဲပြားနေသဖြင့် အလုပ်အမှုဆောင်အဖွဲ့ဝင် သုံးဦးဖြစ်သည့် ဦးကျော်အေး၊ ဦးလှအောင်၊ ဦးသန်းဇော်တို့ နှုတ်ထွက်သွားမည်ဖြစ်ကြောင်း သိရသည်။ "မြို့နယ်ရဲ့လုပ်ဆောင်ချက်တွေက ညွှန်ကြားတဲ့အတိုင်း မလုပ်ဘူး၊ ရပ်/ကျေး တွေက အောင်နိုင်ရေးတွေကို ကြိုက်တာခေါ်တယ်၊ ကိုယ်စားလှယ်လောင်းတွေကိုလဲ ကြိုက်တာခေါ်တယ်။ အရည်အချင်း မပြည့်မှီတဲ့လူတွေ ပါပါလာတယ်။ ကျွန်တော်တို့ သန်လျင်မြို့နယ်အတွက် အကျိုးပြုမယ့် လူကိုလိုချင်တာ၊ အပေါ်က မူဝါဒတွေကို အောက်ခြေမှာ ပီပြင်အောင် အကောင်အထည်မဖော်ဘူး၊ ဒီလိုလူတွေရှိနေလို့ နှုတ်ထွက်တာ၊ အခုလာမယ့် တနင်္လာနေ့မှာ တရားဝင်စာတင်ပြီးထွက်မယ်"ဟု ပါတီမှ နှုတ်ထွက်မည့် ဦးကျော်အေးက ပြောသည်။ အမျိုးသားဒီမိုကရေစီအဖွဲ့ချုပ် (NLD) ပါတီမှ ကိုယ်စားလှယ်လောင်းစာရင်း ထုတ်ပြန်ချိန်တွင် နိုင်ငံရေးအသိုင်းအ၀ိုင်းမှ ဝေဖန်မှုများရှိပြီး၊ ပါတီတွင်းတွင်လည်း ကိုယ်စားလှယ်လောင်းစာရင်း မကျေနပ်ကြောင်း သတင်းစာရှင်းလင်းပွဲများ ဆန္ဒထုတ်ဖော်တောင်းဆိုမှုများ ရှိခဲ့သည်။ #The Myanma Age