ရေကြီးရေလျှံ ဒေသ၏ ငှက်ဖျားနှင့် သွေးလွန်တုပ်ကွေး ရောဂါ

ရေကြီးရေလျှံ ဒေသ၏ ငှက်ဖျားနှင့် သွေးလွန်တုပ်ကွေး ရောဂါ ရေကြီးရေလျှံ ဒေသတွေမှာ ခြင်ပေါက်ပွားမှုနှုန်း များလာရာကနေ ငှက်ဖျားနဲ့ သွေးလွန်တုပ်ကွေး အန္တရာယ် ရင်ဆိုင်ဖို့ ရှိနေပါတယ် ဆရာ။ ဘယ်လို ကြိုတင်ကာကွယ်မှုမျိုး လုပ်သင့်ပါသလဲ ခင်ဗျာ။ ကိုထွေး(ပေါက်) ရေကြီးရေလျှံ ဒေသမှာ ခြင်ပေါက်ပွားမှု များလာပြီး ခြင်က တစ်ဆင့် ငှက်ဖျားရောဂါ၊ သွေးလွန်တုပ်ကွေး ရောဂါနဲ့ ဆင်ခြေထောက် ရောဂါတို့ ကူးစက် နိုင်ပါတယ်။ ငှက်ဖျားရောဂါဟာ ငှက်ဖျားပိုး သယ်ဆောင်တဲ့ အနောဖလိခြင် (Anophilic) ကိုက်လို့ ကူးစက်တာ ဖြစ်ပါတယ်။ ငှက်ဖျားရှိရာ ဒေသမှာ ရေကြီးမှုတွေ ဖြစ်ပွားတာကြောင့် အဲဒီက လူတွေ ရေဘေး ကယ်ဆယ်ရေး စခန်းတွေကို ရောက်ရှိလာပြီး သူတို့ကို ကိုက်တဲ့ ခြင်က တစ်ဆင့် ရောဂါ မရှိတဲ့လူတွေကို ကိုက်ရင် ငှက်ဖျားရောဂါတွေ ကူးစက် လာနိုင်ပါတယ်။ ဒါကြောင့် ခြင်မကိုက်အောင်၊ ခြင်မပေါက်ပွားအောင် ဂရုစိုက် နေထိုင် သင့်ပါတယ်။ ငှက်ဖျားရောဂါဟာ အသက်အရွယ် မရွေး ဖြစ်နိုင်ပါတယ်။ ကိုယ်ဝန်ဆောင် မိခင်တွေ ငှက်ဖျားရောဂါ ဖြစ်ရင် ငှက်ဖျားဆေးကြောင့် လမစေ့ဘဲ ကလေး မွေးခြင်း၊ အသေ မွေးခြင်းတို့ ဖြစ်တတ်ပါတယ်။ ညဘက်မှာ ခြင်ကိုက် မခံရအောင် သတိထားရမယ်။ ငှက်ဖျားရှိတဲ့ ဒေသမှာ အလုပ် သွားလုပ်တဲ့ သူတွေ ပြန်လာလို့ သူတို့ကို ကိုက်တဲ့ ခြင်က တစ်ဆင့် ဖြစ်ပွား နိုင်သလို၊ ပြောင်းရွှေ့ နေထိုင်သူတွေ ကြောင့်လည်း ရောဂါ ရတတ်ပါတယ်။ ငှက်ဖျားရောဂါ လက္ခဏာတွေ ကတော့ ချမ်းတုန်ပြီး အဖျားတက်ခြင်း၊ တက်ဖျား၊ ကျဖျား ရှိရာမှ ချွေးထွက်ပြီး ကောင်းသွားခြင်း၊ ရောဂါ ပြင်းထန်ပါက တခြားသူရဲ့ အကူအညီ မပါဘဲ မထူနိုင်၊ မထနိုင်၊ လမ်းမလျှောက် နိုင်ခြင်း၊ ဆေးမသောက်နိုင်ဘဲ အော့အန်ခြင်း၊ ဂနာမငြိမ် ဖြစ်ခြင်း၊ မှိန်းခြင်း၊ တက်ခြင်း၊ သတိလစ်ခြင်းနဲ့ သေဆုံးခြင်းတို့ အထိ ဖြစ်စေပါတယ်။ ငှက်ဖျားရောဂါ ဖြစ်ပွားတယ်လို့ သံသယ ရှိရင် နီးစပ်ရာ ကျန်းမာရေး ဌာနကို အမြန်ဆုံး သွားရောက် ပြသ သွေးဖောက် စစ်ဆေးပြီး ဆေးကုသမှု ခံယူ သင့်ပါတယ်။ ငှက်ဖျားရောဂါ ဖြစ်ပွားခြင်းမှ ကာကွယ်ဖို့ ခြင်ဆေးရည် စိမ်ထားတဲ့ ခြင်ထောင် ဒါမှမဟုတ် ခြင်ထောင်နဲ့ အိပ်ရပါမယ်။ ညအချိန် ခြင်မကိုက်အောင် အ၀တ်အစား လုံလုံခြုံခြုံ ၀တ်ပြီး အိပ်ရမယ်။ အ၀တ်အစားနဲ့ လွတ်နေတဲ့ လက်၊ ခြေထောက်၊ မျက်နှာတို့ ခြင်မကိုက်အောင် ဆေးလူးခြင်းနှင့် ခြင်ဆေးခွေ ထွန်းခြင်း ဆောင်ရွက် နိုင်ပါတယ်။ အိမ် အနီးမှာ ရှိတဲ့ ခြင် ခိုအောင်းနိုင်တဲ့ ချုံနွယ်တွေကို ရှင်းလင်း ပစ်ရမယ်။ ရပ်ကွက် ကျေးရွာ အနီးရှိ ချောင်းတွေ၊ မြောင်းတွေမှာ ရေမ၀ပ်အောင် ရေစီးရေလာကောင်းအောင် ဆောင်ရွက်ရမယ်။ ပိုးလောက်လမ်းစား ငါး၊ ဒေါင်းငါးတွေကို မွေးမြူ သင့်ပါတယ်။ သွေးလွန်တုပ်ကွေး ရောဂါဟာ အသက်အရွယ် မရွေး ဖြစ်နိုင်ပြီး ခုခံအားစနစ် အားနည်းတဲ့ ကလေးတွေမှာ ပိုမို ဖြစ်ပွားတတ်ပါတယ်။ မြန်မာနိုင်ငံမှာ အသက် သုံးနှစ်ကနေ ၁၂ နှစ်အတွင်း ကလေးတွေမှာ ပိုမို ဖြစ်ပွားတယ်။ သွေးလွန်တုပ်ကွေး ရောဂါဟာ အသက်ဆုံးပါးတဲ့ အထိ ဖြစ်ပွားနိုင်လို့ ကာကွယ်ရမယ်။ သွေးလွန်တုပ်ကွေး ရောဂါ လက္ခဏာတွေကတော့ ရုတ်တရက် ဖျားခြင်း၊ ကိုယ်လက် ကိုက်ခဲခြင်း၊ ရင်ဘတ်အောင့်ခြင်း၊ မျက်စိအောင့်ခြင်း၊ အော့အန်ခြင်း၊ အနီစက်များ ထွက်ခြင်း ဖြစ်ကာ နှစ်ရက်၊ သုံးရက်အတွင်း အဖျားကြီးခြင်း၊ ကော်ဖီရောင်များ အန်ခြင်း၊ အမဲရောင် ၀မ်းများသွားခြင်း၊ ဂနာမငြိမ်ဖြစ်ခြင်း၊ မှိန်းနေခြင်းနှင့် ခြေဖျားလက်ဖျားအေးခြင်း၊ သွေးလန့်ခြင်း လက္ခဏာတွေ ဖြစ်တတ်လို့ အနီးဆုံး ဆေးရုံ၊ ဆေးခန်းကို သွားရောက်ပြသဖို့ လိုပါတယ်။ သွေးလွန်တုပ်ကွေး ရောဂါဟာ သွေးလွန်တုပ်ကွေး ဗိုင်းရပ်စ် (Dengue virus) သယ်ဆောင်တဲ့ ခြင်ကျားခေါ် ခြင်ပုန်း နေဘက်ကိုက်လို့ ဖြစ်ရတာပါ။ ခြင်ပုန်ခေါ် ခြင်ကျားဟာ ရောကြည်ရေသန့်မှာပဲ ပေါက်ပွားတတ်ပြီး နေ့ရောညပါ ကလေးတွေ အိပ်စက်ရင် ခြင်ထောင် ချပြီး သို့မဟုတ် ခြင်လုံ ဆန်ခါတပ်တဲ့ အခန်းမှာ အိပ်သင့်ပါတယ်။ သွေးလွန်တုပ်ကွေးရောဂါ မဖြစ်အောင် လိုက်နာရမယ့် အချက်တွေကတော့ ရေသိုလှောင်ထားတဲ့ ရေကြည် ရေအိုင်တွေ၊ ရေလှောင်ကန်တွေကို လုံခြုံအောင် ဖုံးအုပ် ထားရမယ်။ ဘုရားပန်းအိုး၊ သောက်ရေခွက်များမှ ရေကို နေ့စဉ် လဲလှယ် ပေးရပါမယ်။ မိုးရေတင်နိုင်တဲ့ ဘူးခွံ၊ ပုံးခွံ၊ တာယာဟောင်း၊ အိုးခြမ်းပဲ့၊ ပလပ်စတစ်အိတ်၊ အုန်မှုတ်ခွက်၊ စသည်တို့ကို မီးရှို့ခြင်း၊ မြေမြှုတ်ခြင်း ပြုလုပ်ကာ ရှင်းလင်း ပစ်ရမယ်။ အိမ်တွင်း အိမ်ပြင် သန့်ရှင်းအောင် ထားရမယ်။ အခန်းမှာ လုံလောက်တဲ့ အလင်းရောင် ရရှိရပါမယ်။ လေကောင်းလေသန့် ရရှိရပါမယ်။ ပြတင်းပေါက်တွေ ဖွင့်ထားရမယ်။ ခြင်လုံဆန်ခါ တပ်ရပါမယ်။ ကလေး ငယ်တွေကို ခြင်မကိုက်အောင် ဂရုစိုက်ရမယ်။ ကလေးများကို အက်ျီလက်ရှည်၊ ဘောင်းဘီရှည် ဝတ်ပြီး ခြင်ဆေးလူးခြင်း၊ ခြင်ဆေးထွန်ခြင်းများ ဆောင်ရွက်နိုင်သလို လျှပ်စစ်ခြင်ရိုက်တံ သုံးနိုင်ပါတယ်။ ခြင်မပေါက်ပွားအောင် ရေများကို ဖုံး၊ သွန်၊ လဲ၊ စစ်ပေးရမယ်။ ခြင်လောက်လမ်း နှိမ်နင်းရာမှာ လိုအပ်ပါက မာလာသီရွန်၊ ဒီဒီတီဆေးမှုတ်ခြင်း၊ ပါလာဆီယွန်ဆေးဖျန်းခြင်း၊ အဘိတ်ဆေးခတ်ခြင်း စတဲ့ သွေးလွန် တုတ်ကွေး ကာကွယ်ရေးလုပ်ငန်းများမှာ ပူးပေါင်း ဆောင်ရွက်ကြဖို့ လိုတယ်။ ခြင်ထောင်များ ခြင်ဆေးရည်၊ အဘိတ်ဆေးရည် စိမ်နိုင်ပါတယ်။ သွေးလွန်တုတ်ကွေး ရောဂါနှင့် ပတ်သက်ပြီး ကာကွယ်ဆေး၊ ကုသဆေး မပေါ်သေးလို့ ရောဂါမဖြစ်အောင် ကြိုတင် ကာကွယ်ခြင်းနဲ့ အနိုင် ယူရမယ်။ သွေးလွန်တုပ်ကွေး ဖြစ်တယ်လို့ သံသယရှိရင် ဆရာဝန်နဲ့ ပြသပြီး ဓာတ်ဆားရည်တိုက်ခြင်း၊ ပဋိဇီဝ ဆေးကျွေးခြင်း၊ ထိုးခြင်း၊ လိုအပ်တဲ့ သွေး သို့မဟုတ် ချို/ငန် ဒရစ်ချိတ်ခြင်းများဖြင့် ရောဂါသက်သာအောင် ဆောင်ရွက်နိုင်ပါတယ်။ ရေဖတ် တိုက်နိုင်တယ်။