ကလေးတွေကို တိုးတိုးတိတ်တိတ် အသိပေးစရာများ

ဓာတ်ပုံ-ကျော်ဇင်သန်း

မိဘများက ကလေးတွေကို သူတို့ကိုယ်သူတို့ အန္တရာယ်ကင်း ကင်းနေတတ်ရေးအတွက် နည်း မျိုးစုံဖြင့် သင်ပေးကြလေ့ရှိသည်။ မီးဖိုအပူနားကို သတိထားရန်၊ လမ်းကူးသည့်အခါ ဟိုဘက် သည်ဘက်ကြည့်ကူးရန်၊ ရေကန်တွေ ထဲမဆင်းရန်၊ ကတ်ကြေး၊ ဓားစသော ထိခိုက်မိစေမည့် လက် နက်များကို မကစားရန် သင်ပေး တတ်ကြ၏။ သို့သော်လည်း ကလေးများ၏ ကိုယ်ခန္ဓာဘေး ကင်းရေးနှင့်ပတ်သက်၍ သင် ကြားပေးရန်ကို အတော်အတန် အသက်ကြီးသည်အထိ သင်ကြား ပေးလေ့မရှိပေ။

သို့သော်လည်း ကမ္ဘာပေါ် တွင် အမေရိကန်ကဲ့သို့ နိုင်ငံကြီး များမှအစ မဖွံ့ဖြိုးသော နိုင်ငံငယ်များအဆုံး အရွယ်မရောက် သေးသည့် ကလေးငယ်များ အများဆုံးကြုံနေရသည်မှာ လိင်ပိုင်းဆိုင်ရာ အနိုင်ကျင့်စော်ကားခံရမှု များဖြစ်သည်။ တချို့ကလေးတွေ ဆိုလျှင် အသက် (၅)နှစ်တောင် မပြည့်သေးချေ။ ထို့အပြင် လိင်ပိုင်းဆိုင်ရာ အနိုင်ကျင့်စော်ကားမှုများက မိန်းကလေးငယ်များချည်း သာမဟုတ်။ ယောက်ျားလေးငယ် များမှာလည်း ဖြစ်နိုင်သည်။

မြန်မာနိုင်ငံတွင်လည်း ယခု တစ်လော ယင်းသတင်းများ မကြာခဏ ကြားလာရသည်။ ယခင်ကထက်စာလျှင် အဆိုပါ သတင်းများ အကြားရပိုများလာရ သည်က သတင်းပျံ့နှံ့လွယ်သော ဆိုရှယ်မီဒီယာများနှင့် သတင်း လွတ်လပ်ခွင့်ပိုရလာသည်ကြောင့်လည်းဖြစ်သည်။ အမှန်တကယ် ဆိုလျှင် လိင်ပိုင်းဆိုင်ရာ အနိုင် ကျင့်စော်ကားမှုများသည် လူ့ပတ် ဝန်းကျင်တွင် အမြဲတမ်းဖြစ်လေ့ရှိ သော ပြဿနာများဖြစ်သည်။ ဆို ရှယ်လစ်အစိုးရမတိုင်မီခေတ်က မြန်မာသတင်းစာအဟောင်းများ ကို ပြန်ကြည့်လျှင် အဆိုပါသတင်း များ အများအပြားရေးသားထား သည်ကို တွေ့နိုင်သည်။

‘‘ကျွန်မကတော့လေ ဒီ သတင်းတွေကြားတိုင်း တုန်လှုပ် မိတာပဲ။ သက်ငယ်မုဒိမ်းမှု ကျူး လွန်တဲ့သူတွေကိုလည်း သေဒဏ် သာပေးလိုက်ချင်တော့တာပဲ’’ဟု (၂)နှစ်အရွယ် သမီးတစ်ယောက် မိခင် မမာလာက စိုးရိမ်ပူပန်စွာ ဖြင့် ပြောကြားသည်။ ယခုတစ် လောကြားရသည့် ကလေးများ လိင်ပိုင်းဆိုင်ရာစော်ကားခံရမှု များမှာ ကလေးများ အချိန်မတော် သွားလာရင်း အနိုင်ကျင့်စော်ကား ခံရသည်ထက် ကိုယ့်ပတ်ဝန်းကျင် အိမ်အနီးမှာပင် ဦးလေး၊ ဆရာ ကဲ့သို့ ရင်းနှီးသူယောက်ျားများ၏ စော်ကားမှုကို ခံရခြင်းဖြစ်သည်။

မိဘအတော်များများက သူ တို့ကလေးများသည် သည်လိုမျိုး အဖြစ်ကြုံရလိမ့်မည်ဟု မထင်ကြ။ သူတို့က ကလေးများကိုသူစိမ်းများနှင့် ဘယ်တော့မှ မထားခဲ့ကြ။ ကလေးများကို သူတို့မျက်စိအောက်မှာပင် ထားသည်ဟု ဆို ကြသည်။

သို့သော် ကလေးများသည် အပြင်ထွက်ပြီး အခြားကလေးများနှင့် မဆော့ဘူးလား၊ သူတို့ ကျောင်းမတက်ဘူးလား၊ မိမိအိမ် မှာ လာနေသော မိသားစုနှင့် မိတ် ဆွေများ မရှိဘူးလား။ သည်အ ချက်များက မိဘများသည် ကလေးများကို လိင်ပိုင်းဆိုင်ရာစော်ကား မှု အန္တရာယ်များမှ အပြည့်အဝ မကာကွယ်ပေးနိုင်ဘူးဆိုသည်ကို ပြနေသည်။

မြန်မာနိုင်ငံတွင် ယင်းပြဿ နာများ အတော်များများကြားလာ သောအခါ ကြားရသူအပေါင်းက ကလေးငယ်များကို ယင်းကဲ့သို့ကျူးလွန်သူကို သေဒဏ်အထိ အပြစ်ချမှတ်ရန် တောင်းဆိုနေကြ သည်။ မှန်၏ သည်လိုကျူးလွန်သူ ကို ထိရောက်သော အပြစ်ဒဏ်ချ မှတ်သင့်သည်။ သို့သော် သည် ပြစ်ဒဏ်က လိင်ပိုင်းဆိုင်ရာ စော်ကားမှုများကို ထိရောက်စွာကာ ကွယ်နိုင်မည်မဟုတ်။ ပြစ်မှုကျူး လွန်ပြီးမှ ပြစ်ဒဏ်ချမှတ်သည် ထက် ကလေးငယ်များကို လိင်ပိုင်းဆိုင်ရာစော်ကားမခံရအောင် ကာကွယ်နိုင်သည်က ပိုကောင်း ၏။

‘‘ကျွန်မအမြင် ပြောရရင် သေဒဏ်ပေးတာကတော့ ထိရောက်လား၊ မထိရောက်လား မသိပေမယ့် ကျွန်မတို့ ထိရောက်မယ့် ပညာပေးစနစ်တွေ လုပ်ဖို့လိုတယ်။ အဓိကပညာပေးရမှာက သမီးမိန်းကလေးနဲ့ ပိုနီးစပ်တဲ့ မိခင်တွေပဲ။ သူတို့သမီးကို စိတ်ချ ရတယ်ဆိုတဲ့သူတွေနဲ့ မပစ်ထား ဖို့။ နောက် သမီးတွေကို လိင်ပညာပေး ဘယ်လိုပေးရမလဲဆိုတာကိုလည်း ပညာပေးရမယ်’’ဟု DaweiWatch သတင်းအေဂျင်စီမှ အယ်ဒီတာ ဒေါ်အေးအေးဇင်က ပြောကြား သည်။

များသောအားဖြင့် မြန်မာမိဘများသည် ကလေးငယ်များအား ကိုယ်ခန္ဓာကို မည်သို့ကာ ကွယ်ရမည်ဆိုသည်ကို ပြောပြမှုအားနည်းကြသည်။ ကလေးများငယ်သေးသည်ဟု ထင်ကြသည်။ ယခုကဲ့သို့ ပြောရမည်ကို မျက်နှာပူကြ ရှက်ကြသည်။ သို့သော် လိင်ပိုင်းဆိုင်ရာစော်ကားမှုမှာ ငယ်သည် ကြီးသည်မရှိ။ သိသင့်သိထိုက်သည်ကို စောစောစီးစီးပြောပြသည်က အကောင်းဆုံးဖြစ်၏။ အောက်ပါအချက်များမှာ မိမိအိမ်က ကလေးငယ်များကို သင်ကြားပေးထားသင့်သော လိင်ပိုင်းဆိုင် ရာ စော်ကားမှုမှ ကြိုတင်ကာကွယ်နည်းများဖြစ်သည်။

၁။ ခန္ဓာကိုယ်အကြောင်းကို ငယ်ငယ်ကတည်းက သင်ပေးပါ

ကိုယ်ခန္ဓာအစိတ်အပိုင်းများအား မည်သို့ခေါ်သည်ဆိုတာကို ငယ်ငယ်ကတည်းက သင်ပေးပါ။ ကလေးနှင့် သင့်လျော်သော အသုံးအနှုန်းဖြင့် သင်ကြားပေးပါ။ ဥပမာ ကိုယ်အောက်ပိုင်း၊ ရှက်ရှက် စသည်ဖြင့်သင်ပေးပါ။ အကယ်၍ ကလေးမှာ တစ်စုံတစ်ရာ မသင့်လျော်မှုတစ်ခု ဖြစ်ပါက မိဘအနေဖြင့် မည်သည့်နေရာမှာဖြစ်သလဲဆိုသည်ကို ရှင်းရှင်းလင်းလင်း နားလည်နိုင်မည်။

၂။ ကိုယ်ခန္ဓာ၏ အချို့အစိတ်အပိုင်းများကို မည်သူကိုင်တာမျှ မခံရဟု ပြောပြထားပါ

ကိုယ်ခန္ဓာအစိတ်အပိုင်းအချို့ကို မည်သူ့ကိုမျှ မပြရဟုကလေးကို သင်ပေးပါ။

ဥပမာ ကိုယ်လုံးတီး အင်္ကျီချွတ်ခြင်းကို မိဘရှေ့မှာသာ လုပ်သင့်ပြီး အခြားသူများရှေ့မှာ မလုပ်ရဟု သင်ပေးပါ။ တခြားသူများရှေ့မှာ အင်္ကျီ၊ ဘောင်းဘီအမြဲဝတ်ထား ရမည်ဆိုသည်ကို ပြောပြပါ။ ဆရာ ဝန်ကိုပြသည့်အခါ ဘောင်းဘီ ချွတ်ပြရခြင်းမှာ မိဘပါ ကလေး နှင့်အတူရှိသည့်အတွက် ချွတ်ပြ နိုင်ကြောင်းလည်း ရှင်းပြပါ။

၃။ တခြားသူများ၏ ကိုယ်ခန္ဓာအ စိတ်အပိုင်းတချို့ကို မကိုင်သင့် ကြောင်း ပြောပါ

လိင်ပိုင်းဆိုင်ရာစော်ကားမှု များမှာ အရွယ်မရောက်သူ၏ ကိုယ်ခန္ဓာအစိတ်အပိုင်းကို ကိုင် တွယ်ခြင်းအပြင် ကလေးငယ်ကို သူတို့၏ လိင်ပိုင်းဆိုင်ရာကိုယ် ခန္ဓာအစိတ်အပိုင်းများအား ထိ တွေ့ကိုင်ခိုင်းစေခြင်းလည်းပါ သည်။ ထို့ကြောင့် မိမိကိုယ်ကိုယ် သူများ ထိကိုင်သည်ကို ခွင့်မပြုရသလို သူများ၏ ကိုယ်ခန္ဓာအစိတ် အပိုင်းများကိုလည်း မထိမကိုင် ရန် သင်ပေးပါ။

၎။ မထိသင့်သော ကိုယ်ခန္ဓာအ စိတ်အပိုင်းများကို တစ်ယောက် ယောက်က လာထိတွေ့လျှင် လူကြီးကို ချက်ချင်းပြောရန် သင်ပေးပါ။

၅။ လိင်အင်္ဂါအစိတ်အပိုင်းများကို တစ်ယောက်ယောက်က ဓာတ်ပုံရိုက်ယူတာကို လက်မခံသင့် ကြောင်းလည်း ရှင်းပြပါ။

၆။ များသောအားဖြင့် ကလေး များသည် ကိုယ့်ထက်ကြီးသူများ ကို ပြန်မပြောရဲ၊ မငြင်းဆန်ရဲပါ။ ထို့ကြောင့် ကလေးကို တစ်ယောက်ယောက်က မသင့်မလျော်တာလုပ်လျှင် ချက်ချင်းငြင်းဆန် ဖို့၊ မိဘနှင့် တိုင်ပြောဖို့ ထိုနေရာ ကနေ ချက်ချင်းထွက်ပြေးဖို့ သင် ပေးပါ။

၇။ ဘာပဲဖြစ်ဖြစ် မိဘများကို ပြန် ပြောလျှင် ဒုက္ခမရောက်ဘူးဆို တာ အသိပေးထားပါ။ မိဘကို လည်း ကြောက်စရာမလိုအောင် ကလေးနှင့် ရင်းရင်းနှီးနှီးနေပါ။ တချို့ကလေးများသည် ပြန်ပြော လျှင် မိဘဆူမည်ကို စိုးရိမ်သည့် အတွက် အနိုင်ကျင့်စော်ကားသူ များ၏ဒဏ်ကို ကြိတ်သည်းခံနေ လေ့ရှိသည်။

(ကိုးကား http://childmind. org/article/10 ways-to-teach-your-child-the-skills-to-prevent-sexual-abuse/)

7day