ဖားကန့်ဒေသရှိ ကျောက်စိမ်းလုပ်ကွက် တစ်ခုကို ၂၀၁၆ ခုနှစ် အောက်တိုဘာလအတွင်းက တွေ့ရစဉ် (ဓာတ်ပုံ-အောင်ဟိန်းမင်း)
ကျောက်စိမ်းထုတ်လုပ်မှုများကို လေ့လာရာတွင် မြန်မြန်နှင့်များများ ထုတ်လုပ်နေပြီး ထိုသို့ ထုတ်လုပ်နိုင်မှုများမှာ ကျောက်စိမ်း ကုမ္ပဏီများတွင် သြဇာရှိသူများ ပါဝင်နေ၍ဖြစ်ကြောင်း Global Witness အဖွဲ့မှ Juman Kubba က ပြောကြားသည်။
“ကျောက်စိမ်းထုတ်လုပ်မှုတွေကို လေ့လာမယ်ဆို မြေပြင်မှာ ဘာတွေ ဖြစ်နေလဲ လေ့လာရမှာဖြစ်ပါတယ်။ မြန်မာနိုင်ငံမှာဆိုရင် အရည်အသွေးကောင်းတဲ့ ကျောက်စိမ်းတွေ အများအပြားထွက်ရှိပါတယ်။ အဲဒီနေရာမှာ ကချင်ပြည်နယ်ကို သွားတူးနေတဲ့ ကုမ္ပဏီတွေက မြန်မြန်၊ များများထွက်အောင် တူးနေကြပါတယ်။ အဲဒီကုမ္ပဏီတွေမှာ ပါဝင်နေတဲ့သူတွေက အင်မတန်ကို ပါဝါရှိတဲ့သူတွေ ဖြစ်ပါတယ်။ သူတို့အနေနဲ့ သဘာဝသယံဇာတတွေကို မြန်မြန်ထုတ်နိုင်တဲ့ အခွင့်အရေးတွေ ရှိထားလို့လည်း သူတို့အနေနဲ့ မြန်မြန် လုပ်နိုင်ကြတာ ဖြစ်ပါတယ်” Juman Kubba က ပြောကြားသည်။
ထိုသို့ မြန်မြန်များများ ထုတ်လုပ်နေမှုကြောင့် သဘာဝပတ်ဝန်းကျင် ထိခိုက်မှုများ ပိုမိုဆိုးရွားလာသော်လည်း အဆိုပါကုမ္ပဏီများက မြေပြိုမှုများအပါအ၀င် သဘာဝပတ်ဝန်းကျင် ထိခိုက်မှုများအတွက် ပြန်လည်ရင်းနှီးမြှုပ်နှံခြင်း မပြုကြောင်း Juman Kubba က ပြောကြားသည်။
လက်ရှိအချိန်တွင် အစိုးရက သက်တမ်းကုန်လွန်သည့် လုပ်ကွက်များကို သက်တမ်းမတိုးပေးတော့ဘဲ ထိန်းချုပ်မှုပြုလုပ်နေပြီး အဆိုပါ အခြေအနေထက် ပိုမိုကောင်းမွန်သည့် ရလဒ်ရရှိရန် လုပ်ဆောင်ရန်လိုအပ်သည်ဟု Juman Kubba က ပြောကြားသည်။
မြန်မာ့ကျောက်စိမ်းသည် လက်ရှိတွင် ဈေးကောင်းရနေသော်လည်း တစ်ချိန်တွင် ကုန်ဆုံးသွားမည်ဖြစ်ပြီး ထိုသို့ ကုန်ဆုံးချိန်တွင် မည်သို့ ဆက်လက်လုပ်ဆောင်မည်နည်းဟု မေးခွန်းထုတ်ရမည် ဖြစ်ကြောင်းနှင့် ကျောက်စိမ်းကဏ္ဍနှင့် ပတ်သက်ပြီး အခြေခံမူများ ချမှတ်နိုင်ရန် လိုအပ်နေကြောင်းလည်း Juman Kubba က ပြောကြားသည်။
ဗြိတိန်အခြေစိုက် Global Witness အဖွဲ့သည် ၂၀၁၄ ခုနှစ် တစ်နှစ်တည်းမှာပင် မြန်မာကျောက်စိမ်း ကဏ္ဍမှ တရုတ်နိုင်ငံသို့ တင်ပို့ခဲ့သည့် ပမာဏ ဒေါ်လာ ၁၂ ဘီလျံရှိ ကြောင်းနှင့် လုပ်ငန်းပမာဏမှာ တစ်နှစ်အတွင်းပင် ဒေါ်လာ ၃၁ ဘီလျံရှိနေကြောင်း ‘ကျောက်စိမ်း-မြန်မာနိုင်ငံ၏ ကြီးမားသည့် နိုင်ငံတော်လျှို့ဝှက်ချက်’ အစီရင်ခံစာကို ရေးသားခဲ့သည့်အဖွဲ့ဖြစ်ပြီး Juman Kubba သည် အဆိုပါ အစီရင်ခံစာကို ရေးသားခဲ့သူဖြစ် သည်။ Global Witness အစီရင်ခံစာတွင် ဖော်ပြထားချက်အရ မြန်မာ့ကျောက်စိမ်း ကဏ္ဍမှတစ်ဆင့် အမြတ်ထုတ်ခဲ့သူများထဲတွင် ဦးသန်းရွှေမိသားစုအပြင် ယခင်အာဏာရပါတီမှ အဆင့်မြင့်ပုဂ္ဂိုလ် လေးဦးအကြောင်း ဖော်ထုတ်ခဲ့ပြီး အဆိုပါ ပုဂ္ဂိုလ်များမှာ မွေးမြူရေး၊ ရေလုပ်ငန်းနှင့် ကျေးလက်ဒေသ ဖွံ့ဖြိုး ရေးဝန်ကြီးဌာန ၀န်ကြီး၊ ကချင်ပြည်နယ် တိုင်းမှူးဟောင်း ဦးအုန်းမြင့်၊ ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီ၏ အထွေထွေ အတွင်းရေးမှူးဟောင်း၊ ဗိုလ်ချုပ်ဟောင်း ဦးမောင်မောင်သိမ်း၊ လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန ဒုတိယ၀န်ကြီး၊ ဗိုလ်မှူးချုပ်ဟောင်း ဦးဘုန်းဆွေ၊ ဆက်သွယ်ရေးနှင့် သတင်းအချက်အလက် နည်းပညာဝန်ကြီးဌာန ဒုတိယ၀န်ကြီး ဗိုလ်ချုပ်ဟောင်းနှင့် ကာကွယ်ရေးပစ္စည်းဌာန၏ ညွှန်ကြားရေးမှူးဟောင်း ဦးဝင်းသန်းတို့ဖြစ်ကာ အဆိုပါပုဂ္ဂိုလ်များအနက် ဦးမောင်မောင်သိမ်း တစ်ဦးတည်းသာ အဆိုပါ အစီရင်ခံစာတွင် ဖော်ပြထားသည့် ကုမ္ပဏီများနှင့် ပတ်သက်မှုမရှိကြောင်း တရားဝင် ငြင်းဆိုထားသည်။ အဆိုပါပုဂ္ဂိုလ်များအပြင် ခရိုနီများ၊ မူးယစ်ရာဇာများနှင့် အခြားပတ်သက် ဆက်နွှယ်သူများကိုလည်း Global Witness အစီရင်ခံစာတွင် ဖော်ထုတ်ခဲ့သည်။
Writer:
ဖြိုးဝေ
No comments:
Post a Comment