မော်ရိုကိုတွင် အချင်းချင်း နမ်းရှုပ်သည့် ဆယ်ကျော်သက် မိန်းကလေး နှစ်ဦးကို လိင်ဖောက်ပြန်မှု စွပ်စွဲချက်ဖြင့် ဖမ်းဆီးခဲ့ကြောင်း သိရသည်။
အသက် ၁၆ နှစ်နှင့် ၁၇ နှစ် အရွယ်သာ ရှိသေးသည့် မိန်းကလေးများသည် ပြီးခဲ့သည့် သီတင်းပတ်အတွင်းက မာရာကက်ရ်ှရှိ အိမ်တစ်လုံး၏ အမိုးပေါ်တွင် ပွေ့ဖက်နမ်းရှုပ်နေသည့်နောက် လိင်တူစုံမက်သည့် ပြစ်မှုဖြင့် အဖမ်းခံခဲ့ရသည်။ ထိုအမှုမျိုးအတွက် ထောင်ဒဏ် ၃ နှစ်ထိ အမြင့်ဆုံးပြစ်ဒဏ် ချမှတ်နိုင်သည်။
မိန်းကလေးနှစ်ဦးနှင့် ပတ်သက်၍ မော်ရိုကို လူ့အခွင့်အရေး အဖွဲ့အစည်းများက သူမတို့ကို စွဲချက်မတင်ရန် တောင်းဆိုလျက် ရှိသည်။ မော်ရိုကို လူ့အခွင့်အရေး အဖွဲ့မှ အိုမာ အာဘစ်က မိန်းကလေး နှစ်ဥိးမှာ ပြန်လွတ်လာပြီ ဖြစ်သော်လည်း တရားရင်ဆိုင်ရမည်ဖြစ်ကြောင်း ဆိုသည်။
မော်ရိုကိုတွင် ပြဋ္ဌာန်းထားသည့် ဥပဒေ ပုဒ်မ ၄၈၉ ၌ မည်သူမဆို လိင်တူအချင်းချင်း မလျော်မကန်သည့် ကိုယ်အမူအရာဖြင့် ထိတွေ့ဆက်ဆံမှုမျိုး ရှိခဲ့ပါက ထောင်ဒဏ် ၆ နှစ်မှ ၃ လအတွင်း ချမှတ်ရမည်ဟု ဖော်ပြထားသည်။ လတ်တလောတွင် မိမိတို့ အနေဖြင့် မိန်းကလေးများဘက်မှ ကူညီ လျှောက်လဲမည့် ရှေ့နေများ ငှားရမ်းပေးထားကြောင်း အာဘစ်က ဆိုသည်။
မော်ရိုကို တရားရေးဌာန အာဏာပိုင်များကမူ ယခုကိစ္စနှင့် ပတ်သက်၍ မှတ်ချက်မပေးခြင်း မရှိဘဲ နှုတ်ဆိတ်လျက် ရှိသည်။ အာဘစ်ကမူ နိုင်ငံအတွင်းရှိ လူ့အခွင့်အရေး လှုပ်ရှားသားများက ပုဒ်မ ၄၈၉ ကို ဖျက်သိမ်း ဖယ်ရှားပေးရန် တောင်းဆိုနေကြောင်း ပြောကြားခဲ့သည်။
လူ့အခွင့်အရေး လှုပ်ရှားသူများက အဆိုပါ ဥပဒေသည် အရွယ်မရောက်သေးသည့် ကလေးသူငယ်များကို အရွယ်ရောက်ပြီးသူများက လိင်မှုဆက်ဆံခြင်းမျိုးကို တားမြစ်ရန် ပြောင်းလဲ သတ်မှတ်သင့်ကြောင်းလည်း ထောက်ပြကြသည်။
မော်ရိုကိုရှိ အခြား ပြုပြင်ပြောင်းလဲရေးဝါဒီ အဖွဲ့အစည်း တစ်ခုဖြစ်သည့် လူတစ်ဦးချင်း လွတ်လပ်စွာ ရွေးချယ်မှု နှိုးဆော်ရေးအဖွဲ့ကလည်း မိန်းကလေး နှစ်ဦး၏ ပိုစတာ ဓာတ်ပုံကို အသုံးချကာ လိင်တူ ချစ်ခင်မှု ထောက်ခံသည့် စည်းရုံလှုပ်ရှားမှုများ ပြုလုပ်နေကြောင်း သိရှိရသည်။
Ref: CNN
No comments:
Post a Comment