 |
| ကချင်ပြည်နယ်အတွင်းမှာ အစိုးရတပ်သားတချို့ ကင်းလှည့်နေစဉ်။ Photo: Kyaw Myo Min/ RFA |
"အူလန်ပါ မှာ ပလောင်ဒိန်ဆာနဲ့ နမ်ဆာကြားမှာ တပ်ရင်း ၂၇မှာ ၊ ၁၁ နာရီလောက် သူတို့တက်လာ တယ်။ လူကတော့များတယ်လေ ပလောင်ဒိန်ဆာ ဟိုဘက်ထိပ်ကနေ တက်လာတယ်။ လေးငါးရက်ရှိပီ ။ မန်ဝိန်း၊ ကိုက်ထိပ်၊ ပလောင်ဒိန်ဆာ များတယ်လူတွေက လေးငါးရာလောက်ရှိတယ်"
တိုက်ပွဲကြောင့် ထိခိုက်ဒဏ်ရာရတာတွေနဲ့ ပတ်သက်လို့ အခုထိ အသေအချာ မသိရသေးဘူးလို့လည်း တပ်မဟာ ၃ အရာရှိကပြောပါတယ်။ ကေအိုင်အို ပြန်ကြားရေးတာဝန်ခံ ဒုတိယဗိုလ်မှုးကြီးနော်ဘူ ကတော့ အဲဒီဒေသမှာ အစိုးရတပ်တွေ အများအပြားရှိနေတာကြောင့် တိုက်ပွဲတွေ နောက်ထပ် ဖြစ်နိုင်တယ်လို့ ပြောပါတယ်။
"ဒီကနေ့ဖြစ်တဲ့နေရာကတော့ အူလန်ပါ ဆိုတဲ့နေရာမှာ ဖြစ်တယ်လို့ ကြားတယ်၊ အူလန်ပါကတော့ မန်ဝိန်းကြီးနားလောက်မှာ ကျမှာပေါ့ မနေ့ကလည်း ဖြစ်တယ်လို့ကြားတယ်၊ ဖြစ်တော့ ဖြစ်မှာပါ ဘာလို့လဲ ဆိုတော့ တပ်မတော်ဘက်ကလည်း သူတို့ထိုးထားတဲ့ စစ်ကြောင်းတွေကတော့ အခုထက်ထိ မသွားဘူး အားလုံးက တောထဲမှာပဲ ဆက်နေတယ်လို့ကြားတယ်"
ကေအိုင်အို တပ်မဟာ ၂ နယ်မြေ ဖားကန့်ကျောက်စိမ်းဒေသမှာလည်း အခုရက်ပိုင်းအတွင်း အစိုးရတပ်တွေနဲ့ KIA တိုက်ပွဲတွေဖြစ်ခဲ့သလို ဖားကန့်မြို့ပေါ်တွေမှာလည်း ဗုံးတချို့ပေါက်ကွဲခဲ့ပါတယ်။
RFA Burmese
No comments:
Post a Comment