မြစ်ဆုံ media သည် လွတ်လပ်သော မီဒီယာဖြစ်ပြီး မည်သည့်အဖွဲ့၊ ပါတီ၊ အသင်းအဖွဲ့၏သြဇာခံ လက်အောက်ခံမဟုတ်ပါ။ စီးပွားဖြစ် မီဒီယာ မဟုတ်ပါ။ သတင်းများကိုအမြန်ဆုံးပေးပို့နေသော မီဒီယာတခုဖြစ်ပါသည်။
Thursday, March 3, 2016
ကျုံးဆယ်သည့် ထောက်ပို့တပ်မှ တပ်ကြပ် ရေနစ်သေဆုံး ------------------------------------
ကျုံးဆယ်သည့် ထောက်ပို့တပ်မှ တပ်ကြပ် ရေနစ်သေဆုံး
------------------------------------
ပဲခူးတိုင်းဒေသကြီး တောင်ငူမြို့နယ် အမှတ် (၉) ရပ်ကွက် ထောင်လမ်း ကေတုမတီ ကျုံးဆယ်ဖို့မှု လုပ်ငန်းများ ဆောင်ရွက်နေသည့် တောင်ပိုင်းတိုင်း စစ်ဌာနချုပ် လက်အောက်ခံတပ်ရင်း တစ်ခုမှ အသက် (၃၄) နှစ်အရွယ် တပ်မတော်သားတစ်ဦး ယနေ့ (မတ် ၃ ရက်) နံနက် ၇ နာရီ ၅၅ မိနစ်ခန့်က ရေနစ်သေဆုံးခဲ့ကြောင်း တောင်ငူမြို့နယ်၂၄ နာရီ လူမှုကူညီရေးအဖွဲ့ တစ်ခုမှ တာဝန်ရှိသူတစ်ဦးက ပြောကြားသည်။
“အပတ်စဉ် ကျုံးဆယ်တာကို တောင်ပိုင်းတိုင်း စစ်ဌာနချုပ်က ဦးစီးပြီး တပ်မတော်သားတွေ လုပ်နေကြပါ။ ဒီနေ့လည်း ကားနှစ်စီးနဲ့ တပ်မတော်သား ၅၀ ကျော်လောက်က ဘက်ဟိုးတွေနဲ့ နှုန်းဖယ်၊ ဗေဒါဆယ် လုပ်နေကြတာပါ။ ရေနစ်တာ ၇ နာရီ ၅၅ လောက်ဖြစ်ပြီး ၈ နာရီခွဲလောက်မှာ အလောင်းပြန်ရပြီး လူမှုရေးအသင်းတွေနဲ့ ရဲတပ်ဖွဲ့ကို ဝင်ခွင့်မပေးပါဘူး။ ချက်ခြင်းပဲ ရေနစ်သေဆုံးတဲ့ တပ်ကြပ်ကို နယ်မြေခံ တပ်မတော်ဆေးရုံကို သယ်ဆောင်သွားပါတယ်” ဟု ၎င်းက ဆက်လက်ပြောကြားသည်။
သေဆုံးသူမှာ တောင်ပိုင်းတိုင်း စစ်ဌာနချုပ် လက်အောက်ရှိ အမှတ် (၁) ထောက်ပံ့ရေးနှင့် ပို့ဆောင်ရေးတပ်ရင်းမှ တပ်ကြပ် ညီညီလွင်ဆိုသူ ဖြစ်ပြီး ရေနစ်နေချိန်တွင် အနီးရှိ တပ်မတော်သားများက ဝိုင်းဝန်းဆယ်ယူခြင်းကြောင့် အခင်းဖြစ်ပြီး မကြာမီ ကုန်ပေါ်သို့ ပြန်လည်ဆယ်ယူနိုင်ခဲ့ကြောင်း တောင်ငူမြို့ မြို့မရဲစခန်း တာဝန်ရှိသူတစ်ဦး၏ ပြောကြားချက်များအရ သိရှိရသည်။
Subscribe to:
Post Comments (Atom)
No comments:
Post a Comment