မဟုတ်တရုတ်တွေ လုပ်ကြတော့မယ့် တယုတ်တွေ

မဟုတ်တရုတ်တွေ လုပ်ကြတော့မယ့် တယုတ်တွေ
------ ------ ------ ------ ------
‘စပါးတပင်’
ယူလျှင်မကြေ
ဒို့မြေ တလက်မ
ကျူးကမခံ
ရန်တုံ့ပြန်အံ့။
(မောင်မင်းယာ)

သမိုင်းအဆက်ဆက် ရန်ဖြစ်လိုက် ပြန်ချစ်လိုက်နဲ့ ပေါင်းသင်းခဲ့ရတဲ့ ဆွေမျိုးပေါက်ဖော် 'တရုတ်'တွေကို 'တယုတ်'လို့ နာမည်ပြောင်းပြီး ခေါ်ချင်နေပြီဗျ။ တခုပြီးတခု တယုတ်ပြီးတယုတ်၊ ယုတ်ပြီးရင်းယုတ်နေကြ လို့ပါပဲ။
မင်းဆိုးမင်းညစ် မင်းညံ့အဆက်ဆက် ဖွပစ်ခဲ့တဲ့ အမှိုက်တွေကို လိုက်ကောက်နေရတဲ့ NLD အစိုးရကိုလည်း သနားမိပါတယ်။ ရက်ပေါင်း ၁၀၀ စီမံကိန်းဆိုတာ အချိန်နည်းလွန်းပါတယ်။ ရက်ပေါင်း ၁၀၀ အတွင်းမှာ တချို့အလုပ်တွေ မအောင်မြင် မပြီးစီးဘူးဆိုရင်လည်း ပြည်သူက နားလည်ခွင့်လွှတ်မှာပါ။

မြစ်တွေပေါ်မှာ ဆည်တွေ၊ ရေကာတာတွေဆောက်မယ်ဆိုရင် အန္တရာယ်ကြီးတယ်ဆိုတာ ယေဘုယျ သဘောလောက်တော့ သိခဲ့ပါတယ်။ ဘူမိဗေဒပညာရှင်တွေ၊ ဆည်မြောင်းပညာရှင်တွေ၊ ဂေဟစနစ် ပညာရှင်တွေဆီကနေ အသေးစိတ်သိလာရတဲ့အခါမှာတော့ လန့်လာမိတယ်ဗျ။
သူတို့အဆိုအရ ဥပမာ ဧရာဝတီမြစ်ဆုံဆည်ကြီးဆောက်လိုက်မယ်ဆိုရင် ဆည်ရဲ့အထက်မှာ မိုင် ၁၀၀ ပတ်လည်မှာ ရေမြုပ်ဧရိယာကြီးဖြစ်သွားမယ်တဲ့ခင်ဗျ။ ဒါကြောင့် မြစ်ဆုံစီမံကိန်းစမယ်ဆိုကတည်းက ဒေသခံပြည်သူတွေဟာ ရွာပေါင်း ၄၀ ကျော်လောက် ပြောင်းပေးခဲ့ကြတယ်။ အဲဒီပြည်သူတွေကို အဲဒီတုန်းက စစ်အစိုးရက စိုက်ပျိုးလုပ်ကိုင်စားသောက်လို့မရတဲ့ ဒေသတွေမှာ နေရချပေးခဲ့တယ်။ သေနတ်ပြပြီး ပြောင်း ခိုင်းတော့လည်း ပြောင်းကြရရှာတာပေါ့။ အခုတော့ နယ်စိမ်းပယ်စိမ်းမှာ အငတ်ငတ်အပြတ်ပြတ်နဲ့ နေခဲ့ကြ ရတာဟာ ဆယ်စုနှစ် တ၀က်ကျော်ခဲ့ပါပြီ။ မြစ်ဘေးရှောင်ပြည်သူတွေပေါ့။ NLD ဆက်ရှင်းရမယ့် အမှိုက်ပုံကြီး ပေါ့ဗျာ။

စောစောက ရေမြုပ်ဧရိယာကြီးကြောင့်၊ မြောက်ဖျားဒေသက ဇီဝမျိုးကွဲစုံ (Biodiversity) တွေ ပျောက်ကွယ် သွားမယ်လို့ ဂေဟဗေဒပညာရှင် (Ecologists) တွေက ပြောသဗျ။ မချစ်ဥတို့၊ ခန်းတောက်မြစ်တို့ ရှီးပဒီးတို့ လည်း ရေအောက်ရောက်သွားကြမှာပေါ့ဗျာ။ ဒေသခံတွေအတွက် အဘက်ဘက်နစ်နာမှာပေါ့ဗျာ။

မြစ်ကြောင်းထိန်းသိမ်းရေးပညာရှင် အင်ဂျင်နီယာတယောက် ထောက်ပြတာကတော့၊ တော်တော်ကို ဒေါသ ထွက်စရာကောင်းတယ်ဗျ။ မလိခမြစ်ထဲကို စီးဝင်နေတဲ့ မြစ်လက်တက်ကလေးတခုရှိတယ်တဲ့။ ရေမြုပ် ဧရိယာရဲ့ ရေမျက်နှာပြင် မြင့်တက်လာတဲ့အခါမှာ၊ အဲဒီမြစ်ဟာ ပြောင်းပြန်စီးသွားပြီး မြန်မာပိုင် ရေအရင်း အမြစ်တွေဟာ ယူနန်ပြည်နယ်ထဲစီးဝင်သွားမှာတဲ့။ သစ်တင်မကဘူး။ မြစ်ပါခိုးမယ့် တယုတ်တွေပါလားဗျာ။ အဲဒါကို ရေမှောင်ခိုကူးခြင်းလို့ ခေါ်ရမလားမသိဘူးဗျ။
တကယ်တော့ တရုတ်တွေဟာ (အိမ်နီးချင်းချစ်ကြည်ရေးကိုငဲ့ပြီး၊ တရုတ်လို့ပဲ ခေါ်ပါတော့မယ်) မြစ်ပေါ်မှာ ဆည်ဆောက် ရေကာတာဆောက်တာဟာ သိပ်အန္တရာယ်ကြီးတယ်ဆိုတာကို သူတို့ကိုယ်တိုင် စုတ် ပြတ်နေအောင် ခံခဲ့ကြရတာကြာပြီဗျ။ ဒီလိုပါ သူတို့ပညာသိပ်မတတ်ခင်တုန်းက မှားခဲ့တဲ့ မဟာအမှားကြီး တွေပေါ့ဗျာ။

တရုတ်ပြည်က ယန်စီမြစ်ဆိုတာဟာ ကမ္ဘာမှာ တတိယအရှည်ဆုံးနဲ့ အာရှမှာ အရှည်ဆုံးမြစ်ကြီးပါ။ တရုတ်တွေ သိပ်ကြွားခဲ့ဂုဏ်ယူခဲ့ကြတဲ့ မြစ်ကြီးပေါ့။ ကမ္ဘာ့သမိုင်းမှာ တိဂရစ်မြစ်ဝှမ်း ယဉ်ကျေးမှု၊ ဟိန္ဒူမြစ်ဝှမ်း ယဉ်ကျေးမှုတွေနဲ့အပြိုင်၊ ယန်စီမြစ်ဝှမ်းယဉ်ကျေးမှုက နှစ်ထောင်ပေါင်းများစွာ တည်တံ့ခိုင်မြဲခန့်ညား ထည်ဝါခဲ့ပါတယ်။ အခုတော့ ယန်စီမြစ်ကြီးဟာ ပျောက်ကွယ်သွားတော့မယ့် ကမ္ဘာအထင်ရှားဆုံး သဘာဝ သယံဇာတ ၁၀ ခုထဲမှာ တခုအပါအ၀င်ဖြစ်နေပါပြီ။
ယန်စီမြစ်ကြီးပျက်စီးသွားပုံကို ပြောပြပါဦးမယ်။ ပညာမတတ်တဲ့ တရုတ်ကွန်မြူနစ်တွေဟာ တရုတ်ပြည် စီးပွားရေးမြှင့်တင်ဖို့ဆိုတဲ့ အမြင်တခုတည်းနဲ့ မီတာ ၂၅၀၀ ကျော်ရှည်တဲ့ ရေကာတာကြီးတခု ဆောက် လုပ်ကြတယ်။ ကာလတိုလေးတခုလောက်သာ အကျိုးအမြတ်ရခဲ့ပြီး နောက်ပိုင်းမှာ ဒုက္ခတွေ တသီကြီး တွေ့ရပြီး၊ ဒေါ်လာဘီလီယံ ၂ ဒသမ ၃ သန်း ဆုံးရှုံးခဲ့ရတယ်။ ငွေထက်ပိုဆိုးတာက လူ ၄ သန်းကျော်၊ ကျွဲနွား ၂ သန်းလောက်နဲ့ လယ်မြေဧက ၉ သန်းကျော် ဆုံးရှုံးခဲ့တယ်။

ယန်စီမြစ်ရေခန်းသွားတော့ အနီးဝန်းကျင်က မြစ်ဆွယ်ပေါင်း ၃၀၀ နီးပါးနဲ့ သဘာဝရေကန် ၂၆၆ ကန်လည်း ခန်းခြောက်ကုန်တယ်။ တခုလဲရင် အားလုံးပြိုတဲ့ ဒိုမီနိုသက်ရောက်မှု (Domino Effect) ခေါ်တာပေါ့။ ၂၀၀၈ ခုနှစ်မှာ လှုပ်သွားတဲ့ တရုတ်ငလျင်ကြီးဟာ ရှီပင်ပုရေကာတာကြီး (Zipingpu Dam) ကြောင့်လို့ သိပ္ပံပညာရှင် တွေက သုံးသပ်ကြတယ်။

တရုတ်တွေမိုက်ချက်ကတော့ ကမ်းကုန်ပါတယ်။ ယန်စီတင်မကပါဘူး။ တရုတ်ပြည်က အဓိကမြစ်ကြီး တွေဖြစ်တဲ့ မြစ်ဝါမြစ် (Yellow River) ၊ ပုလဲမြစ် (Pearl River) ၊ ဆောင်ဝှာမြစ် (Songhua River)၊ ဟွေးမြစ် (Huai River) ၊ ဟိုင်မြစ် (Hai River) နဲ့ လိုင်မြစ် (Liao River) ဆိုတဲ့ မြစ်ကြီး ၆ စင်းကိုလည်း ဆည်ဆောက်၊ ရေကာတာတွေဆောက်ပြီး ဖျက်ဆီးပစ်ခဲ့ကြတယ်။

ဖျက်ဆီးခံရတဲ့ မြစ်တွေကြောင့် မိုးခေါင်ရေရှား ရပ်ဝန်းတွေပေါ်လာတယ်။ ရေတွေကြီးလာတယ်။ ဆည်ရဲ့ သဘာဝရေမလွှတ်တာကြာတဲ့အခါ မြစ်တွေကျဉ်းသွား၊ တိမ်သွားတယ်။ ဒါကြောင့် ရေဓာတ်အလုံ အလောက်မရတော့တဲ့ ကမ်းပါးတွေဟာ မာခဲသွားပြီး ရေလွှတ်တဲ့အခါ မိုးရွာတဲ့အခါ၊ ရေကို မစုပ်နိုင် ကြတော့ဘူး။
ဒီတော့ မြစ်တွေရေလျှံတယ်၊ မြစ်တွေ ခန်းခြောက်တဲ့ဒဏ်ကို ခံကြရတယ်။
သူတို့တတွေဆောက်တဲ့ ရေကာတာတွေကြောင့် လူပေါင်းသုံးသောင်းကျော် သေခဲ့ကြရတယ်။ မြေတွေကျွံလို့ မြို့ကြီးတွေ မြေမျိုခံရတယ်။
ဒီလိုနဲ့ တရုတ်ပြည်မှ မြစ်ရယ်လို့ မရှိသလောက် ကုန်သွားပါပြီ။ ဒါပေမဲ့ တရုတ်ဟာ မိုက်လုံးကြီးတုန်းပဲ။ ဘရာဇီး၊ ကနေဒါနဲ့ အမေရိကန်နိုင်ငံတွေမှာတောင် ရေအားလျှပ်စစ် 75 GM နဲ့ 85 GM ထုတ်နေကြတဲ့ အချိန်မှာ တရုတ်တွေကတော့ လာမယ့်ငါးနှစ်အတွင်းမှာ 140 GM ထပ် ထုတ်ပါဦးမယ်တဲ့။
အဲဒီအတွက် မြစ်ရှာပုံတော်ဖွင့်ကြတဲ့အခါ . . . . ၊
မြန်မာပြည်ထဲက ဧရာဝတီကို မျက်စောင်းထိုးတော့တာပါပဲ။ အဲဒီမှာ ဧရာဝတီမြစ်ဆုံစီမံကိန်းဆိုတဲ့ ငရဲခန်းစတော့တာပါပဲ။

နံပါတ် ၁ တရားခံကတော့ န၀တနဲ့ နအဖ စစ်အစိုးရပါပဲ။ နံပါတ် ၂ တရားခံကတော့ မြန်မာပြည်မှာ လုပ်ကိုင်စားသောက်ပြီး သားရေပေါ် သားရေနားစားချင်တဲ့ ပြည်တွင်းကုမ္ပဏီတခုပါပဲ။ နံပါတ် ၃ တရားခံက တော့ အိမ်နီးချင်းကောင်းမပီသတဲ့ ကိုယ်ချင်းစာနာစိတ်မရှိတဲ့ တရုတ်အာဏာပိုင်တွေနဲ့ တရုတ်စီးပွားရေး သမားတွေပါပဲ။

ကဲ NLD ဘာလဲ ၊ ဘာလဲ၊

၂၀၁၀ ခုနှစ်၊ ဦးသန်းစိန် သမ္မတဖြစ်လာတဲ့အခါမှာတော့ မြန်မာပြည်သူတရပ်လုံး တညီတညွတ်တည်း ကန့်ကွက်မှုကြောင့် ဦးသိန်းစိန်ဟာ သူ့အစိုးရလက်ထက် ၅ နှစ်အတွင်းမှာ မြစ်ဆုံးစီမံကိန်းကို ယာယီရပ်ဆိုင်းဖို့ ဆုံးဖြတ်ခဲ့ပါတယ်။ တရုတ်ဆွေ့ဆွေ့ခုန်သွားတယ်။
ဗိုလ်သန်းရွှေဖောက်ခဲ့တဲ့ တရုတ်-မြန်မာ ရွှေလမ်းငွေလမ်းကြီးလည်း တဖက်ပိတ်နီးပါး ရပ်သွားတယ်။ တရုတ်ကလည်း သူ့ရဲ့နည်းဟောင်းကြီးအတိုင်း၊ နယ်စပ်ဒေသမှာ သူမွေးထားတဲ့ လက်နက်ကိုင်တပ် တွေကို မီးစိမ်းပြလိုက်တယ်။ ဒီနည်းကို ပဲခူးရိုးမနဲ့ အရှေ့မြောက်ဒေသမှာ၊ ဗကပတွေအတွက် စသုံးခဲ့တာပါပဲ။ သူတို့နဲ့ နယ်နိမိတ်ချင်းစပ်နေရတာကိုက ကျွန်တော်တို့တိုင်းပြည် ကံဆိုးတာပါပဲ။
ဒီတော့လည်း တရုတ်နဲ့ပေါင်းပြီး နယ်စပ်ဒေသမှာ ''မှောင်ခိုစစ်စီးပွားရေး'' လုပ်နေကြတဲ့ ကချင်ဒေသ၊ ရှမ်း ဒေသ၊ မိုင်းမောဒေသတွေမှာ အပစ်အခတ်ရပ်စဲရေးတွေဖျက်ပြီး၊ စစ်ပွဲတွေ ဆက်တိုက်ပေါ်လာပါတော့တယ်။ ဒါကြောင့် ''တယုတ်'' လို့ ခေါ်မိတာ မလွန်တန်ပါဘူး။

စစ်ပွဲအသစ်တွေတောင် ပေါ်လာသေးတယ်။ တရုတ်ရဲ့ ရုပ်သေးဖြစ်တဲ့ ကိုးကန့်လို့ နာမည်ခံပေမယ့် သူတို့ကိုယ်သူတို့ တရုတ်တိုင်းရင်းသားတွေလို့ ခံယူထားတဲ့ ဖုန်ကြားရှင်ရဲ့ တပ်ဖွဲ့တွေဟာ လောက်ကိုင် ဒေသမှာ ထိုးစစ်ကြီး ဆင်နွှဲခဲ့ကြတယ်။
ဖုန်ကြားရှင်ရဲ့ တပ်ဖွဲ့မှာ တရုတ်စစ်အကြံပေးတွေ၊ တရုတ်ကြေးစားတွေနဲ့ တရုတ်အပျော်တမ်း တပ်သား တွေတောင်ပါဝင်ခဲ့တယ်လို့ လောက်ကိုင်ဒေသခံတွေက ပြောပါတယ်။

မြစ်ဆုံစီမံကိန်း ယာယီရပ်ဆိုင်းလိုက်တဲ့ အချိန်ကစပြီး၊ တရုတ်နယ်စပ်မှာ တိုက်ပွဲတွေ တန်းစီပေါ်လာပြီး မှောင်ခိုလုပ်ငန်းလည်း တဟုန်ထိုးမြင့်မားလာခဲ့ပါတော့တယ်။ လက်နက်ကိုင်တပ်တွေရဲ့ ကျောထောက်နောက် ခံနဲ့ သစ်မှောင်ခိုထုတ်တယ်။ မြန်မာသစ်တောအမှုထမ်းတွေကိုတောင် သတ်သွားကြသေးတယ်။ တပ်မတော်က ဖမ်းမိတော့ သေဒဏ်၊ တသက်တကျွန်းဒဏ်၊ ထောင်ဒဏ်တွေချမှတ်ခဲ့တယ်။ ၈ ရက်ကြာတော့ အဲဒီ သေဒဏ်နဲ့ တသက်တကျွန်းထောင်ဒဏ်ကျနေတဲ့ တရုတ်တွေကို ဦးသိန်းစိန်အစိုးရက ပြန်လွှတ်ပေးခဲ့တယ်။ တရုတ်-မြန်မာချစ်ကြည်ရေးအတွက်တဲ့ဗျာ။ ကြံ့ခိုင်ရေးဝန်ကြီးတပါးကတော့ ဗြောင်ဝန်ခံသွားပါတယ်။ ''တရုတ်တော့ ကြောက်ရတယ်လေဗျာ'' တဲ့။

အဲဒီတော့ အတင့်ရဲ့အကန်းတက်ပြီး ယန္တရားကားစင်းရေ ရာပေါင်းများစွာနဲ့ ဖားကန့်အထိ ၀င်ရောက်ပြီး ကျောက်စိမ်းသယ်တဲ့ပွဲတော်ကြီး ကျင်းပခဲ့ကြတယ်။ နယ်စပ်တင်မကဘူး ပြည်တွင်းအထိ ပက်ပက်စက်စက် ကျူးကျော်လိုက်တာပဲ။ အဲဒီကားတွေ ဘယ်လိုဝင်လာသလဲ။ ဘယ်လက်နက်ကိုင်တွေမှာ တာဝန်ရှိသလဲ။ အဲဒီတုန်းက ကချင်ပြည်နယ် အစိုးရရဲ့ပါဝင်ပတ်သက်မှုက ဘယ်လောက်ရှိသလဲ။ ညောင်မြစ်တူးရင်တော့ ပုတ်သင်ဥပေါ်တော့မှာပဲ။
မြစ်ပေါ်မှာ ဆည်ဆောက်ရင် ရေကာတာဆောက်ရင် ဖြစ်ပေါ်လာတဲ့ ဘေးထွက်ဆိုးကျိုးတွေကို သူတို့ ကိုယ်တိုင်ကော့နေအောင်ခံခဲ့ရတဲ့ တရုတ်တွေဟာ သူ့ကို မထိခိုက်ဘဲ အကျိုးအမြတ်ထွက်မယ့်အလုပ်ကို သူများနိုင်ငံထဲ လာလုပ်ချင်တယ်ဆိုကတည်းက တရုတ်တွေ ဘယ်လောက်ယုတ်သလဲဆိုတာ ပေါ်လွင်နေပါပြီ။
ပညာရှင်များ သုံးသပ်ကြတာကတော့ ဧရာဝတီရေစီးအားနည်းသွားရင် အောက်ဘက်က ပင်လယ်ဒီရေတွေဟာ စတုတ္ထမြစ်ကျဉ်းအထက်ထိ တက်လာကြလိမ့်မယ်တဲ့။ ဆားငန်ရေလွှမ်းသွားတဲ့ ဧရာဝတီမြစ်ဝှမ်းမှာ ဘာမှ စိုက်ပျိုးလို့ရမှာ မဟုတ်တော့ဘူးတဲ့ဗျာ။
ဧရာဝတီကို သတ်တာဟာ၊ မြန်မာတနိုင်ငံလုံးကို သတ်တာပဲ။ ဒီအတိုင်းတော့ ငုံ့ခံမနေနိုင်ဘူးဗျို့။
မြစ်ဆုံစီမံကိန်းအတွက် တရုတ်လျှပ်စစ်ကုမ္ပဏီဆီက ဆီတထပ် အသားတထပ် ၀ါးသွားကြတဲ့သူတွေကတော့ နိုင်ငံရေးပင်စင်နဲ့ ငြိမ့်နေကြပါပြီ။
ဒုက္ခတွေ၊ သောကတွေ ရင်မှာပိုက်ပြီး ကျန်ရစ်ခဲ့ကြရတဲ့ မြန်မာပြည်သူတွေပဲ ဆက်ရင်ဆိုင်ရမှာပါပဲ။

ကဲ NLD ဘာလဲ၊ ဘယ်လဲ၊

ဒီမှာ အားလုံးဆင်ခြင်ကြရမှာက တရုတ်ဟာ စီးပွားရေးအင်အားကြီး နိုင်ငံတနိုင်ငံဖြစ်လာပေမယ့် စူပါပါဝါ အင်အားကြီးနိုင်ငံတော့ မဖြစ်သေးဘူးဆိုတာပါပဲ။ လူဦးရေ သန်းထောင်ကျော်ရှိတယ်၊ စစ်သားဦးရေ ဘယ်နှသန်းရှိတယ်ဆိုတာ ဒီနေ့ခေတ်သစ်စစ်ပွဲတွေမှာ သိပ်အဓိကမကျတော့ပါဘူး။ အဆင့်မြင့် ထောက်လှမ်းရေးလေယာဉ်၊ ခေတ်အမီဆုံးတိုက်လေယာဉ်၊ ဗုံးကြဲလေယာဉ်၊ ရေငုပ်သင်္ဘောနဲ့ လေယာဉ်တင် သင်္ဘော ဘယ်နှစင်းရှိတယ်ဆိုတာနဲ့ တိုင်းတာကြရမှာဖြစ်ပါတယ်။

အခုတော့ တရုတ်ဟာ ပင်လယ်နက်ရေတပ်စခန်းမှာ အနားပေးထားတဲ့ ရုရှားလေယာဉ်တင်သင်္ဘောအဟောင်း တစင်းကို တရုတ်နည်း တရုတ်ဟန်နဲ့ မိတ်ကပ်လိမ်းပြင်ဆင်ပြီး တောင်တရုတ်ပင်လယ်နဲ့ ပစိဖိတ်သမုဒ္ဒရာမှာ အနိုင်ကျင့်နေပါတယ်။ ဖိလစ်ပိုင်၊ ဗီယက်နမ်စတဲ့ အရှေ့တောင်အာရှနိုင်ငံတွေ သမိုင်းကြောင်းအရ ပိုင်ဆိုင်ခဲ့ ဖူးတဲ့ ကျွန်းတွေ၊ ဂျပန်ပိုင်တဲ့ ကျွန်းတွေကို ''၀-ဟာ၊ ၀-ဟာ'' လုပ်နေပြန်ပြီဗျ။

NLD သောင်ပြိုကမ်းပြိုနိုင်ပြီး အစိုးရသစ်တက်ခါနီးမှာတော့ မြန်မာနိုင်ငံဆိုင်ရာ တရုတ်သံအမတ်က ခြောက် တလှည့် ချော့တလှည့် စကားတခွန်းပြောသဗျ။
''ဧရာဝတီမြစ်ဆုံရေကာတာကို ပြန်စဖို့ နည်းလမ်းတွေ ရှာဖွေသွားမယ်။ အပြန်အလှန်အားဖြင့် တရုတ်- မြန်မာ နယ်စပ်တလျှောက် ငြိမ်းချမ်းရေးရအောင် တရုတ်တို့က အစွမ်းကုန်ကူညီသွားမယ်''တဲ့ခင်ဗျ။
စာရေးဆရာ သူရဲဗလမင်းထင်ကတော့ ''တရုတ်တို့၏ သဘောထားမှာ မြစ်ဆုံရေကာတာနှင့် ငြိမ်းချမ်းရေးကို အလဲအလှယ်လုပ်ရန် တောင်းဆိုနေခြင်းဖြစ်သည်''လို့ မှတ်ချက်ပေးသဗျ။
ကျွန်တော့်အမြင်ကတော့ အလဲအလှယ်လုပ်တာမဟုတ်ဘူးဗျ။ ပြန်ပေးဆွဲတာ၊ ငြိမ်းချမ်းရေးကို ပြန်ပေးဆွဲပြီး မြစ်ဆုံနဲ့ ရွေးခိုင်းတာ။

ကမ္ဘာ့သမိုင်းမှာ ဒီလောက်အောက်တန်းကျ ညစ်ပတ်စုတ်ပဲ့တဲ့ နိုင်ငံရေးအပေးအယူမျိုး မကြံဖူးပေါင်ဗျာ။

ပြီးတော့ UWSA '၀' ဒေသမြောက်ပိုင်းနဲ့ တောင်ပိုင်းမှာ ရဟတ်ယာဉ်တွေ၊ ဒုံပျံတွေ၊ အမြောက်ကြီးတွေ အပါအ၀င်၊ သူတို့လက်နက်တပ်ဆင်ပေးထားတဲ့ '၀တပ်ဖွဲ့' အင်အား (၄)သောင်းလောက်ကလည်း သူတို့ မီးစိမ်းပြလိုက်ရင်၊ မြန်မာပြည်ကို အချိန်မရွေး ဒုက္ခပေးနိုင်တယ်ဆိုတဲ့၊ နိုင်ကွက်ကိုလည်း သွယ်ဝိုက်ကို ထောက်ပြခြိမ်းခြောက်လိုက်တာပါပဲ။
တရုတ်တွေဟာ မြစ်ဆုံစီမံကိန်း ယာယီရပ်တန့်သွားကတည်းက နည်းမျိုးစုံနဲ့ ကြိုးပမ်းနေခဲ့တာပါပဲ။ ကြံ့ခိုင်ရေး အမတ်တွေ၊ NLD အမတ်နဲ့ ခေါင်းဆောင်တွေကို တရုတ်ပြည်အထိ ဖိတ်ကြားပြီး ရှင်းပြစည်းရုံးနေခဲ့ပါတယ်။
ဒါပေမဲ့ မြစ်ဆုံရေကာတာနဲ့ပတ်သက်ပြီး အစိုးရသစ်ရဲ့ သဘောထားကို NLD ပြောခွင့်ရပုဂ္ဂိုလ် ဒေါက်တာ ဇော်မြင့်မောင်က '' NLD အစိုးရသည် လူထုဆန္ဒအတိုင်းသာ ဆုံးဖြတ်သွားမည်'' လို့ တရားဝင်ဖော်ထုတ်လိုက် တယ်ခင်ဗျ။

ဒါဟာ ' NLD ဘာလဲ၊ ဘယ်လဲ'' လို့ ကျွန်တော်တို့ မေးခဲ့တဲ့မေးခွန်းကို အဖြေပေးလိုက်တာလို့ ယူဆ ယုံကြည် မိပါတယ်။
ကျေးဇူးပါ NLD။ သာဓုပါ NLD ။
ဒီမှာ ကျုပ်တို့ကတော့ ရှင်းရှင်းပြောလိုက်မယ်။ တပြည်လုံးပျက်ရမယ့် မြစ်ဆုံစီမံကိန်းကို ဆန့်ကျင် တိုက်ခိုက်သွားရမှာပဲ။
ကျွန်တော်တို့ ကံကောင်းတာတချက်က တောင်အာရှနဲ့ အရှေ့တောင်အာရှမှာ မြန်မာနိုင်ငံဟာ ပထ၀ီဝင် နိုင်ငံရေး (Geopolitics) အရ အရေးပါနေတဲ့အတွက် တကမ္ဘာလုံးက တန်ဖိုးထားနေတယ်ဆိုတာပါပဲ။
ဒါကြောင့် မြန်မာပြည်သူ သန်းပေါင်း ၅၀ ကျော်အပြင် ကမ္ဘာသူ ကမ္ဘာသား သန်းပေါင်း ၅၀၀၀ ဟာ ကျွန်တော် တို့ဘက်က ရှိနေတယ်ဆိုတာပါပဲ။
တရုတ်တွေဟာ ကျွန်တော်တို့နိုင်ငံထဲကို ရင်းနှီးမြှုပ်နှံမှုတွေ အများကြီး ကျွံဝင်နေပါပြီ။ ရခိုင်ကမ်းလွန်ကနေ ယူနန်ပြည်နယ် ခွင်းမင်အထိ လောဘတကြီး သွယ်တန်းထားတဲ့ ဓာတ်ငွေ့ပိုက်လိုင်းကြီးက အကြီးဆုံး ဥပမာကြီးတခုပေါ့။ ပြည်တွင်းမှာ ပွစာကျဲနေတဲ့ တရုတ်ရဲ့ ရင်းနှီးမြှုပ်နှံမှုတွေကိုလည်း သူတို့မျက်နှာလွှဲထားလို့ မရပါဘူး။

စာရေးသူရဲ့ သဘောထားကို ရှင်းရှင်းပြတ်ပြတ်ပြောပြီးပါပြီ။ ကျွန်တော်တဦးတည်းရဲ့ သဘောထားပါ။ မြန်မာအစိုးရရဲ့ သဘောထား မဟုတ်ပါဘူး။
ဒါပေမဲ့ ကျွန်တော့်သဘောထားဟာ သန်းပေါင်း ၅၀ သော မြန်မာပြည်သူတွေနဲ့ တထပ်တည်းကျလိမ့်မယ်လို့ ယုံကြည်ပါတယ်။ ကျွန်တော်တို့ရဲ့ အန္တိမသဘောထားကိုသိချင်ရင် ဟောဒီကဗျာလေးကို ဖတ်ကြည့်ပါဦး။

''သင်းနိုင်ငံသား
သံမှုန့်စားမှ
ဒို့ဓားတုံးမည်
မှတ်တော်တည်လော့''
လက်ဝဲသုန္ဒရ (နန္ဒီသေနပျို့)
''ကဲ အရေးကြီးပြီ သွေးစည်းကြစို့''

မင်းသစ်