KIA တပ်မဟာ(၄)သည် ဒေသခံရှမ်းလူထုနှင့် လုံးဝသက်ဆိုင်ခြင်းမရှိပါ

KIA တပ်မဟာ(၄)သည် ဒေသခံရှမ်းလူထုနှင့် လုံးဝသက်ဆိုင်ခြင်းမရှိပါ -------------------------------------------------------------------------- MNDAA အပါအ၀င် TNLA နဲ့ KIA တပ်မဟာ(၄)တို့ဟာလည်း လက်နက်စွန့်ရမှာဖြစ်တယ်လို့ တပ်မတော် ကာကွယ်ရေးဦးစီးချုပ်က မြန်မာနိုင်ငံစာနယ်ဇင်းကောင်စီ(ယာယီ)အဖွဲ့နဲ့ တွေ့ဆုံချိန်မှာ ပြောကြားခဲ့တယ်လို့ နိုင်ငံပိုင်သတင်းစာတွေမှာ ဖတ်လိုက်ရပါတယ်။ အဲဒီတွေ့ဆုံပွဲက သြဂုတ်လ ၂၄ ရက်နေ့မှာ ပြုလုပ်ခဲ့တာဖြစ်ပြီး နိုင်ငံပိုင်သတင်းစာတွေမှာ ဖော်ပြခဲ့တာက သြဂုတ်လ ၂၅ ရက်နေ့မှာ ဖြစ်ပါတယ်။ သြဂုတ်လ ၂၇ ရက်နေ့မှာ တော့ တပ်မတော်ကာကွယ်ရေးဦးစီးချုပ်ရဲ့ KIA တပ်မဟာ(၄)လက်နက်စွန့်ရမယ်လို့ ပြောကြားချက်အပေါ် ဒေသခံပြည်သူလူထုရဲ့ သဘောထားထုတ်ပြန်ချက်ဆိုပြီး ထွက်လာပါတယ်။ KIA တပ်မဟာ(၄)ဟာ ရှမ်းပြည် နယ်မြောက်ပိုင်း နမ္မတူ၊ ကွတ်ခိုင်၊ နမ့်ဖက်ကာ၊ သိန္နီ၊ မုံးကိုး၊ မူဆယ်မြို့နယ်တွေမှာ လှုပ်ရှားနေတဲ့အဖွဲ့ဖြစ်ပါ တယ်။ ဘယ်ဒေသခံတွေက သဘောထားထုတ်ပြန်ချက်လုပ်လိုက်သလဲတော့ မသိဘူး။ မေးကြည့်လိုက်တော့ ဒေသခံရှမ်းတွေဟာ အဲဒီကြေညာချက်ကို လုံးဝမသိဘူးလို့ ပြောကြပါတယ်။ ကွတ်ခိုင်မှာနေတဲ့ ဒေသခံရှမ်းတစ်ယောက်အနေနဲ့ အားမနာတမ်းပြောရရင် KIA တပ်မဟာ(၄)ဆိုတာကို လုံးဝ အသိအမှတ်မပြုပါဘူး။ ရှမ်းပြည်နယ်မြောက်ပိုင်းမှာ ပိုင်စိုးပိုင်နက်သဘောမျိုးနဲ့ ကျူးကျော်နေထိုင်လာတာ ဒီနေ့ အချိန်ထိပါပဲ။ ဒီဒေသမှာ ကချင်လူထုက နည်းပါတယ်။ ရှမ်းကများတယ်။ တအာင်းတွေလည်း ရှိတယ်။ နယ်မြေခံ တိုင်းရင်းသားတွေရဲ့နာမည်ကို အလွဲသုံးစားလုပ်ပြီး KIA အဖွဲ့က လုပ်ကြံဝါဒဖြန့်တာပါ။ သူတို့အဖွဲ့ လက်နက်စွန့်တာ၊ မစွန့်တာကို ဒေသခံပြည်သူတွေက စိတ်မ၀င်စားပါဘူး။ ကိုယ့်ပြည်နယ်၊ ကိုယ့်ဒေသကို ကာကွယ်ပေးနေတဲ့အဖွဲ့လည်း မဟုတ်ပါဘူး။ ဖြစ်နိုင်ရင် KIA တပ်မဟာ(၄) တစ်ခုလုံး ရှမ်းမြောက်ဒေသ ကနေအပြီးတိုင် ထွက်ခွာသွားစေချင်ပါတယ်။ KIA ရဲ့လုပ်ရပ်တွေကို ကချင်ပြည်နယ်မှာနေတဲ့ ရှမ်းတွေရော၊ ရှမ်းမြောက်မှာနေတဲ့ ရှမ်းတွေပါ ရွံမုန်းကြပါ တယ်။ မန်စီမြို့နယ်ထဲက မန်ဝိန်းကြီးဒေသမှာဆိုရင် ရှမ်းရွာ(၁၈)ရွာရှိတယ်။ အဲဒီရွာတွေမှာ နေထိုင်တဲ့ ရှမ်း တိုင်းရင်းသားတွေဆိုရင် KIA အဖွဲ့ရဲ့ အတင်းအဓမ္မလူသစ်စု၊ အတင်းအကြပ်ဆက်ကြေးတောင်းတာကို ဒီနေ့ အချိန်ထိ ခံနေရဆဲပဲလေ။ အရွယ်မရောက်သေးတဲ့ ရှမ်းလူငယ်တွေကို ဖမ်းသွားလို့ KIA ခေါင်းဆောင်တွေဆီ ပြန်လွှတ်ပေးဖို့ အကြိမ်ကြိမ်တောင်းဆိုခဲ့ပေမယ့် မသိချင်ယောင်ဆောင်နေခဲ့တယ်။ ရှမ်းမျိုးနွယ်စုရေးရာအဖွဲ့ (မြန်မာပြည်မြောက်ပိုင်း)က KIA လူသစ်စု၊ ဆက်ကြေးတောင်းတဲ့ကိစ္စတွေကို သမ္မတဆီလည်း စာပို့တယ်၊ ကုလသမဂ္ဂသံကိုယ်စားလှယ်တွေ လာတဲ့အခါတိုင်းလည်း အထောက်အထားစာရွက်စာတမ်းတွေနဲ့ တင်ပြခဲ့ တယ်။ KIA ရဲ့လုပ်ရပ်ကို ဘယ်ရှမ်းကမှ လက်မခံဘူးဆိုတာ ပြောချင်တာပါ။ ဒါ့ကြောင့် အခုသဘောထားထုတ် ပြန်ကြေညာချက်ဟာ ဒေသခံပြည်သူလူထုရဲ့ ဆန္ဒမဟုတ်ဘဲ KIA အဖွဲ့ရဲ့ လုပ်ကြံဝါဒဖြန့်မှုသာဖြစ်ပါတယ်။ ရှမ်းမြောက်မှာရှိတဲ့ KIA တပ်မဟာ(၄)ရဲ့ လုပ်ရပ်တွေကိုလည်း ပြောချင်ပါတယ်။ သူတို့ကိုယ်သူတို့ အထင်ကြီး နေမှာ စိုးလို့ပါ။ ဟိုတလောကလည်း ဒေသခံပြည်သူတွေ ဖြတ်သန်းသွားလာအသုံးပြုတဲ့ မုံးကိုးတံတားကို မိုင်းခွဲ ဖျက်ဆီးခဲ့တာ ဘယ်အဖွဲ့လဲ။ KIA တပ်မဟာ(၄)ဘဲလေ။ အခြေခံစိတ်ဓာတ်ကိုက ပြည်သူကို ဒုက္ခပေးဖို့ဆို တော့ ပြည်သူတွေက သူတို့အပေါ် အသိအမှတ်ပြုမလား စဉ်းစားကြည့်ပါ။ သူတို့နဲ့ လက်တွဲစရာလား ဦးနှောက် ရှိ သူတိုင်းသိပါတယ်။ အဖျက်အမှောက်လုပ်ငန်းတွေကို သူတို့ကျူးလွန်ရဲတာ သေနတ်ကိုင်ထားလို့မဟုတ်ဘူး လား။ သေနတ်အားကိုးနဲ့ မိုက်နေတာပါ။ ကာကွယ်ရေးဦးစီးချုပ်ပြောတဲ့ KIA တပ်မဟာ(၄)လက်နက်စွန့်ရမယ် ဆိုတဲ့ စကားကို ဒေသခံရှမ်းတွေကတော့ လက်ခံကြတယ်။ လက်နက်မရှိရင် လူသစ်စု၊ ဆက်ကြေးကောက်၊ တံတားမိုင်းခွဲ မလုပ်ရဲတော့ဘူးလေ။ လက်နက်မရှိတော့ရင် KIA တပ်မဟာ(၄)ဟာ လမ်းဘေးမှာ တောင်းစား ရမယ့် သူတောင်းစားအဖွဲ့ ဖြစ်သွားမှာသေချာပါတယ်။ KIA တပ်မဟာ(၄)အပေါ် ဘယ်လိုအကြောင်းတရားမျိုးနဲ့မှ ဒေသခံပြည်သူတွေက အယုံအကြည်မရှိတော့ ပါဘူး။ KIA တပ်မဟာ(၄)လက်နက်စွန့်ဖို့ ဒေသခံပြည်သူတွေ ထောက်ခံမလား။ ကန့်ကွက်မလား လူထု တွေ့ဆုံပွဲ လုပ်ပြီး ဆုံးဖြတ်ရင် ဘယ်လိုအဖြေထွက်မယ်ထင်လဲ။ ကချင်အနည်းစုကလွဲရင် ရှမ်း၊ တအာင်း တွေက လက်နက်စွန့်ဖို့ ထောက်ခံပါတယ်ဆိုတဲ့ အဖြေပဲပေးမှာ ဖြစ်ပါတယ်။ ဒေသခံရှမ်းတွေကတော့ ကိုယ့် ပြည်နယ်အေးချမ်းတာပဲ မြင်ချင်တယ်။ KIA တပ်မဟာ(၄)သာမက TNLA လည်း လက်နက်စွန့်ရင် ပိုကောင်း တာပေါ့။ ဒေသခံတအာင်းတွေ အေးအေးချမ်းချမ်းနေရတာပေါ့။ ဒေသခံလူထုရဲ့ ထောက်ခံမှုမရတဲ့ KIA တပ်မဟာ(၄)ဟာ မကြာမီ ကျဆုံးခန်းရောက်တော့မှာဖြစ်ပြီး KIA ဌာနချုပ် လိုင်ဇာကိုပဲ ပြန်ပြေးကြရတော့မှာ ဖြစ်ပါတယ်။ အထက်မှာပြောခဲ့တဲ့ ဒေသခံလူထုရဲ့ သဘောထားကြေညာချက်ဟာ အတုအယောင်သာဖြစ်ပြီး KIA တပ်မဟာ(၄)ဟာ ဒေသခံရှမ်းလူထုနဲ့ လုံးဝသက်ဆိုင်ခြင်းမရှိပါလို့ ပြောလိုက်ချင်ပါတယ်။ #စိုင်းဝေယံ