ပူတာအို-ဆွမ်ပရာဘွမ်-မြစ်ကြီးနားလမ်းသည် ဟိုးယခင်ကတည်းက သွားလာရန်ခက်ခဲပြီး KIA မှ မကြာခဏ ချောင်းမြောင်းပစ်ခတ်ဟုဆို
=========================================
12, August, 2015 By Kachin People
ကချင်ပြည်နယ် အထက်ပိုင်း မြစ်ကြီးနား-ဆွမ်ပရာဘွမ်-ပူတာအို ဒေသသည် ကချင် ပြည်နယ်အတွင်း သွားလာရန်ခတ်ခဲသော ဒေသများဖြစ်သည်။ ကချင်ပြည်နယ်၏ မြင့်မားသော တောတောင်များ ထူထပ်ပေါများသောဒေသဖြစ်ပြီး တောင်ကျချောင်းများ ပေါများခြင်းကြောင့် နွေ၊မိုး၊ဆောင်း သွားလာရန်ခတ်ခဲသော ဒေသများဖြစ်သည်။
ယခင်ကပင် ပူတာအို-မြစ်ကြီးနားလမ်းမှာ အလွန်ဆိုးဝါးသောကြောင့် သွားလာရန်ခက်ခဲ သောကြောင့် ကုန်စည်ကူးသန်းရောင်းဝယ်သူများမှာ (၃/၄)လ လောက်မှ တစ်ကြိမ်ခန့်သာ သွားလာကြသည်။ ထို့ကြောင့် မြစ်ကြီးနားကုန်ဈေးနှုန်းထက် (၂)ဆ(၃)ဆပေးကာ ၀ယ်ယူစားသုံး ကြရသည်။ အလွန်အရေးကြီးပါက လေကြောင်းခရီးဖြင့်သာ သွားလာကြသည်များကြောင်း သိရှိရပါသည်။
ကုန်စည်ကူးသန်းရန်အတွက် မြို့ပေါ်နှင့် နယ်ဘက်မှ ဈေးဝယ်ချင်သူများ စုစည်းကာ ကား(၃/၄)စီး စုပေါင်းပြီး သွားလာရကြောင်း၊ လမ်းခရီးတွင်လည်း ညအိပ်သွားရသဖြင့် စောင်နှင့် စားစရာများ တပါတည်း ယူဆောင်လာရကြောင်း၊ လမ်းတွင် KIA ရင်း(၇)က အသွားအပြန် အတွက် ဆက်ကြေးပေးရကြောင်း၊ အစိုးရယာဉ်တန်းများနှင့် လိုက်ပါလာ၍ အမြဲလိုလို ချောင်းမြောင်းပတ်ခတ်ခြင်းခံရကြောင်း စသည်ဖြင့် ပူတာအိုဒေသ၏ အခတ်အခဲများကို ကုန်စည် ကူးသန်းရောင်ဝယ်သူတစ်ဦးက ပြောပြထားပါသည်။
No comments:
Post a Comment