ဘီလူးချောင်းအမှတ်(၂) ဓာတ်အားပေးစက်ရုံပြင်ဆင်ရေး ဂျပန်မှ ယန်းသန်းပေါင်း ၆ ဒသမ ၆၆၉ ဖြင့်ဆောင်ရွက် ===================================

ဘီလူးချောင်းအမှတ်(၂) ဓာတ်အားပေးစက်ရုံပြင်ဆင်ရေး ဂျပန်မှ ယန်းသန်းပေါင်း ၆ ဒသမ ၆၆၉ ဖြင့်ဆောင်ရွက် ================================= ၁၉၆၁ ခုနှစ် ဧပြီ ၁ ရက်မှ စတင် ကာ ရန်ကုန်မြို့သို့ လျှပ်စစ်ဓာတ်အား စတင်ပို့လွှတ်ပြီး ယခုအချိန်အထိ နိုင်ငံတော်၏ ဓာတ်အားကွန်ရက်မှ တစ်ဆင့် မြန်မာနိုင်ငံတစ်ပြည်လုံးသို့ နေ့စဉ် လျှပ်စစ်ဓာတ်အား ထုတ်လုပ် ဖြန့်ဖြူးပေးလျက်ရှိသော ဘီလူးချောင်း အမှတ်(၂) ရေအားလျှပ်စစ်ဓာတ်အား ပေးစက်ရုံကို ယခုအခါ ဂျပန်နိုင်ငံ၏ တရားဝင်ဖွံ့ဖြိုးတိုးတက်မှု အကူအညီ ဖြင့် ဂျပန်ယန်းသန်းပေါင်း ၆ ဒသမ ၆၆၉ သန်းအကုန်ကျခံပြီး ဂျပန်နိုင်ငံမှ ရေအားလျှပ်စစ် ကျွမ်းကျင်သူပညာ ရှင်များပါဝင်သောအဖွဲ့က လာ ရောက်၍ အလုံးစုံပြင်ဆင် ဆောင် ရွက်လျက်ရှိနေကြောင်း ကြားသိရ သည်။ ထို့ကြောင့် ကျွန်တော်တို့သတင်း အဖွဲ့သည် ဘီလူးချောင်းအမှတ်(၂) ရေအားလျှပ်စစ်ဓာတ်အားပေးစက်ရုံ တည်ရှိရာ ကယားပြည်နယ်လွိုင်ကော် သို့ ဒီဇင်ဘာ ၂၆ ရက်က သွားရောက် ခဲ့သည်။ သတင်းအဖွဲ့အား စက်ရုံမှူးက လွိုင်ကော်မြို့၏ အရှေ့တောင်ဘက် ၁၂ မိုင် အကွာရှိ ဓာတ်အားပေးစက်ရုံ သို့ ခေါ်ဆောင်သွားပြီး ဧည့်ရိပ်သာ စီမံကိန်းရှင်းလင်းဆောင်၌ ဘီလူး ချောင်းရေအားလျှပ်စစ်ဓာတ်အားပေး စက်ရုံ အမှတ် (၁)၊ အမှတ်(၂) နှင့် အမှတ်(၃) စက်ရုံတို့အကြောင်းကို ရှင်းပြသည်။ ကယားပြည်နယ်သည် ရှမ်းပြည်နယ်နှင့် နယ်နိမိတ်ချင်း ထိစပ်လျက်ရှိသောကြောင့် မြေမျက် နှာသွင်ပြင်မှာ ကုန်းမြင့်ဒေသဖြစ်ပြီး စတုရန်းမိုင် ၄၅၂၉ ဒသမ ၅၆၄ ကျယ်ဝန်းသည်။ ပြည်နယ်အတွင်း သံလွင်မြစ်၊ နန့်ပွန်မြစ်နှင့် ဘီလူး ချောင်းတို့ စီးဆင်းလျက်ရှိသည်။ ကယားပြည်နယ်ရှိ မော်ချီးသတ္တုတွင်း မှ ခဲမဖြူနှင့် အဖြိုက်နက် စသည့် သတ္တုများထွက်ရှိသည်။ ဘီလူးချောင်း ပေါ်လောပိတရေတံခွန်အနီး၌ ဘီလူး ချောင်း ရေအားလျှပ်စစ်ဓာတ်အား ပေးစက်ရုံ အမှတ်(၁)၊ အမှတ်(၂)နှင့် အမှတ် (၃) စက်ရုံတို့ တည်ဆောက် ထားသည်ဟုသိရသည်။ မြန်မာနိုင်ငံ လွတ်လပ်ရေးမရမီ ကတည်းက မြန်မာ့စီးပွားတိုးတက် ရေးစီမံက်ိန်းများ ရေးဆွဲကြရာတွင် လိုအပ်သော လျှပ်စစ်ဓာတ်အားများ ရရှိရေးအတွက် ရေအားမှ ထုတ်လုပ် သော လျှပ်စစ်ဓာတ်အားသာလျှင် အသက်သာဆုံးဖြစ်ကြောင်း သိရှိ ခဲ့ကြ၍ ၁၉၅၃ ခုနှစ်တွင် မြန်မာ့ လျှပ်စစ်ဓာတ်အားပေးရေးဘုတ်အဖွဲ့ နှင့် ဂျပန်ပညာရှင်တို့ ပူးပေါင်းပြီး ဘီလူးချောင်း အမှတ်(၂) ရေအား လျှပ်စစ်စီမံကိန်းကို အကောင်အထည် ဖော်ရန် ဆုံးဖြတ်ခဲ့ကြသည်။ စက်ရုံ ကို ၁၉၅၄ ခုနှစ်တွင် တည်ဆောက် ခဲ့ကြကြောင်း၊ ၁၉၆ဝ ပြည့်နှစ် တွင် ပထမစက် သုံးလုံးဖြင့် ၈၄ မဂ္ဂါဝပ်၊ ၁၉၇၄ ခုနှစ်တွင် ဒုတိယ စက်သုံးလုံးဖြင့် ၈၄ မဂ္ဂါဝပ် စုစုပေါင်း မဂ္ဂါဝပ် ၁၆၈ ထုတ်လုပ်နိုင်ခဲ့ပြီး ၁၉၆၁ ခုနှစ်တွင် ရန်ကုန်သို့ စတင်၍ ဓာတ်အားများ ပို့လွှတ်ပေးခဲ့ကြောင်း သိရသည်။ ဘီလူးချောင်းအမှတ်(၂) ရေအား လျှပ်စစ်ဓာတ်အားပေး စက်ရုံ၏ မူလရေအရင်းအမြစ်မှာ ပင်လယ်ရေ မျက်နှာပြင်အထက်ပေ ၃ဝဝဝ ခန့် အမြင့်၌ တည်ရှိသည့် အင်းလေးကန် ပင်ဖြစ်သည်။ ကန်ကြီးအတွင်းသို့ အဓိကစီးဝင်လျက်ရှိသော ချောင်း ကြီးများမှာ ပင်လောင်းဒေသမှမြစ် ဖျားခံသော အထက်ဘီလူးချောင်း၊ ကလောမြို့အနီးမှ မြစ်ဖျားခံခဲ့သော နယ်ကြားချောင်းနှင့် ရပ်စောက်မြို့ တောင်ဘက်မှ မြစ်ဖျားခံသော နမ့် လတ်ချောင်းတို့ဖြစ်သည်။ အင်းလေးကန်မှ ရေများသည် လီဂေါင်း၊ စံခ၊ ဖယ်ခုံနှင့် မိုးဗြဲကျေးရွာ တို့ကို ဖြတ်သန်း၍ ဘီလူးချောင်း အဖြစ် လွိုင်ကော်မြို့လယ်မှ ဖြတ် သန်းစီးဆင်းခဲ့ရာ အမြင့်ပေ ၁၅ဝ ခန့်တွင် တဖြည်းဖြည်း နိမ့်ဆင်းလာပြီး လွိုင်ကော်မြို့ ကျော်လွန်သော နေရာ အရောက်တွင် ရေတံခွန်အဆင့်ဆင့် ဖြစ်ပေါ်လျက် သံလွင်မြစ်၏ လက် တက်ဖြစ်သော နမ့်ပွန်ချောင်းနှင့် မပေါင်းဆုံမီ ၁၂ မိုင်ခန့်တွင် ပေ ၂၂ဝဝ ခန့်အထိ နိမ့်ဆင်းသွားသည်ဟု သိရသည်။ သို့ဖြစ်ပေါ်နေသော ပထဝီ အနေအထားကို အသုံးပြု၍ရေအား လျှပ်စစ်ဓာတ်အားပေးစက်ရုံ သုံးခုကို အဆင့်ဆင့်တည်ဆောက်ရန် ပဏာမ ရွေးချယ်ခဲ့ခြင်းဖြစ်ကြောင်း သိရ သည်။ သဘာဝအားဖြင့် အင်းလေး ကန်မှ ဘီလူးချောင်းအတိုင်းစီးဆင်း လာသောရေများသည် လျှပ်စစ် ဓာတ်အားထုတ်လုပ်မှုကို ကြီးမားစွာ အကျိုးသက်ရောက်မှု ဖြစ်ပေါ်စေနိုင် သည်ဖြစ်၍ ရေကာတာတည်ဆောက် ပြီး ဘီလူးချောင်းအမှတ်(၂)ရေအား လျှပ်စစ်ဓာတ်အားပေးစက်ရုံ တည် ဆောက်ခဲ့ပြီး ၁၉၆၁ ခုနှစ်တွင် ရန်ကုန်မြို့နှင့် ၁၉၆၃ ခုနှစ်တွင် မန္တလေးမြို့သို့ ဓာတ်အားများပို့လွှတ် နိုင်ခဲ့သည်ဟု သိရသည်။ ဘီလူးချောင်းအမှတ်(၂) ရေအား လျှပ်စစ်ဓာတ်အားပေးစက်ရုံ တည် ဆောက်စဉ်ကပင် မြန်မာနိုင်ငံ အတွက် လျှပ်စစ်ဓာတ်အား ဖွံ့ဖြိုး ရေးစီမံချက်အရ ဒုတိယအဆင့်အဖြစ် နောက်ထပ်စက်သုံးလုံးကို ပင်လယ် ရပ်ခြားစီးပွားရေး ပူးပေါင်းဆောင် ရွက်မှု ရန်ပုံငွေ (O.E.C.F) ဖြင့် ၁၉၆၇ ခုနှစ်၌ စတင်တပ်ဆင်ခဲ့ရာ ၁၉၇၄ ခုနှစ် မတ်လ ၂ ရက်နေ့တွင် စက်များမောင်းနှင်နိုင်ခဲ့ပြီး စုစုပေါင်း ဘီလူးချောင်း အမှတ်(၂) ရေအား လျှပ်စစ် ဓာတ်အားပေးစက်ရုံမှ စက်ခြောက်လုံးဖြင့် ဓာတ်အားများ ထုတ်လုပ်ပေးနိုင်ခဲ့သည်ဟု သိရ သည်။ ထိုအမှတ်(၂) ဘီလူးချောင်း ဓာတ်အားပေးစက်ရုံကို (၃၂)နှစ် ကြာပြီးနောက် ၁၉၉၂-၁၉၉၄ နှစ် အတွင်းကတစ်ကြိမ် အကြီးစား ပြင်ဆင်မွမ်းမံပြင်ဆင်ရေး စီမံကိန်း (Renovation Project) ကို ဂျပန် နိုင်ငံ၏ (O.E.C.F) ချေးငွေဖြင့် ဆောင်ရွက်ခဲ့သဖြင့် မူလတပ်ဆင် စက်အင်အားအတိုင်း ရာနှုန်းပြည့် ပြန်လည်ထုတ်လုပ်ပေးနိုင်ခဲ့သည်ဟု သိရသည်။ ၂ဝဝ၂-၂ဝဝ၄ ခုနှစ်တွင် နောက် တစ်ကြိမ် အလုံးစုံပြင်ဆင်မွမ်းမံရေးစီမံကိန်းပထမအဆင့် (Rehabili- tation First Phase) အဖြစ် ဂျပန် နိုင်ငံ၏ Official Development Assistan, Grant Aid ဖြင့် ဆောင် ရွက်၍ လောပိတ-ကလော ၁၃၂ ကေဗွီ ဓာတ်အားလိုင်းအမှတ်(၂)အဖြစ် တိုးချဲ့တည်ဆောက်ခြင်းနှင့် ဓာတ်အားပေးစက်ရုံများ၏ Cooling Water နှင့် Air Compressor System စသည့် စက်အစိတ်အပိုင်း တို့ကို လဲလှယ်တပ်ဆင်ခဲ့သည်။သို့ သော်လည်း အလုံးစုံပြင်ဆင်ရေး စီမံကိန်း ဒုတိယအဆင့်နှင့် တတိယ အဆင့်တို့ကို အကြောင်းအမျိုးမျိုး ကြောင့် ဆက်လက်ဆောင်ရွက်ခဲ့ခြင်း မရှိတော့ပေ။ ယခုအကြိမ်တွင် တစ်ပေါင်း တည်း ဆောင်ရွက်မည်ဖြစ်ပြီး စီမံ ကိန်းအတွက် စာချွန်လွှာ လဲလှယ် ခြင်းနှင့်ထောက်ပံ့ကူညီမှု သဘောတူ စာချုပ်ချုပ်ဆိုခြင်းကို ၂ဝ၁၃ ခုနှစ် မတ် ၂၂ ရက်တွင် လည်းကောင်း၊ Nippon Koei Co.,Ltd နှင့် အတိုင်ပင်ခံ အဖွဲ့ငှားရမ်းခြင်းစာချုပ် ကို ၂ဝ၁၃ ခုနှစ် ဧပြီ ၂ ရက်တွင်လည်း ကောင်း နေပြည်တော်၌ ချုပ်ဆိုခဲ့ သည်။ စက်ပစ္စည်းများတင်ဒါကြေညာ ခြင်းနှင့် ဖွင့်ဖောက်စစ်ဆေးခြင်းတို့ကို ဂျပန်နိုင်ငံ၌ ဆောင်ရွက်ခဲ့ရာ တင်ဒါအောင်မြင်ခဲ့ကြသော တာဘိုင်၊ ဂျင်နရေတာ စက်ပစ္စည်းများအတွက်Hitachi Mitsubishi Hydro Corporation နှင့် Lot-1: စာချုပ် အဖြစ် ၂ဝ၁၃ ခုနှစ် ဇွန် ၁၃ ရက် တွင်လည်းကောင်း၊Switch Yard နှင့် ရေပိုက်လိုင်းများအတွက် Maru- beni Corporation နှင့် Lot-2: စာချုပ်အဖြစ် ၂ဝ၁၃ ခုနှစ် ဇွန် ၁၄ ရက်တွင်လည်းကောင်း ဂျပန်နိုင်ငံ တွင် လက်မှတ်ရေးထိုးခဲ့သည်ဟု သိရသည်။ ဘီလူးချောင်းအမှတ်(၂)ရေအား လျှပ်စစ်ဓာတ်အားပေးစက်ရုံအလုံးစုံ ပြင်ဆင်ရေးလုပ်ငန်းကို အပိုင်းနှစ်ပိုင်း ခွဲခြားဆောင်ရွက်လျက်ရှိပြီး ပထမ စက်သုံးလုံးကို ၂ဝ၁၄ ခုနှစ် ဇူလိုင်လ မှစ၍ ဂျပန်နိုင်ငံမှ ရေအားလျှပ်စစ်ကျွမ်းကျင်အင်ဂျင်နီယာ ၂ဝ ပါဝင် သောအဖွဲ့နှင့်ဘီလူးချောင်းအမှတ်(၂)ရေအားလျှပ်စစ်ဓာတ်အားပေးစက်ရုံ မှ ကျွမ်းကျင်အင်ဂျင်နီယာဝန်ထမ်းများဖြင့် စတင်ပြင်ဆင်ဆောင်ရွက်ခဲ့ရာ ယခုအခါ စက်နှစ်လုံးကို ပြင်ဆင် ပေးနိုင်ခဲ့ပြီး သုံးလုံးမြောက်စက်ကို ဆက်လက်ပြင်ဆင်လျက်ရှိသည်။ စက် များ ပြင်ဆင်လျက်ရှိရာတွင် မြန်မာအင်ဂျင်နီယာများနှင့်စက်ရုံမှဝန်ထမ်း များသည် တစ်ပတ်လျှင် ခြောက်ရက် တိတိ ဂျပန်အင်ဂျင်နီယာများနှင့် အတူ ဆောင်ရွက်လျက်ရှိနေသည်။ ယခုအမှတ်(၃)လုံးမြောက် စက်ကို ပြင်၍ ပြီးလျှင်လည်း အမှတ် (၄၊ ၅၊ ၆) စသည်ဖြင့် တစ်လုံးချင်း ရပ်နား၍ ပြုပြင်သွားမည်ဟု သိရသည်။ ယခုအခါ ဂျပန်နိုင်ငံ အကူအညီ ဖြင့် အလုံးစုံပြင်ဆင်ရေးလုပ်ငန်းများ ဆောင်ရွက်လျက်ရှိသော ဘီလူး ချောင်း အမှတ်(၂)ရေအားလျှပ်စစ် ဓာတ်အားပေးစက်ရုံသည် မြန်မာ နိုင်ငံ၌ တည်ဆောက်ပြီးသော ရေအားလျှပ်စစ်ဓာတ်အားပေးစက်ရုံ များအနက် ပထမဆုံးတည်ဆောက် ခဲ့သော စက်ရုံဖြစ်ပြီး လောပိတ စက်ရုံဟုလည်း လူသိများသည်။ ထိုစက်ရုံသည် လာမည့် ၂ဝ၁၅ ခုနှစ် ဧပြီလ ၂ ရက်နေ့တွင် (၅၄) နှစ်သက် တမ်းရှိပြီဖြစ်သည်။