iPhone -7 ထွက်ပြီး ၂၄နာရီအတွင်းမှာပဲ ၁၉နှစ်သား ဟတ်ကာက Jailbreak ပြုလုပ်

ကမ္ဘာကျော်နည်းပညာကုမ္ပဏီကြီး၏ လူကြိုက်အများဆုံးထုတ်ကုန်ဖြစ်သော iPhone-7 ကို ဖြန့်ချိပြီး ၂၄နာရီအတွင်းမှာပဲ အသက် ၁၉နှစ်ပဲ ရှိသေးတဲ့ လူကာတိုဒေစကိုဆိုတဲ့ လူငယ်ဟက်ကာတစ်ယောက်က Jailbreak ပြုလုပ်နိုင်ကြောင်း သက်သေထူခဲ့ပါတယ်။

iPhone တစ်လုံးကို Jailbreak ပြုလုပ်တာက Andriod ဖုန်းတွေကို root access ရအောင် ပြုလုပ်တာနဲ့ သဘောတရားခြင်း တူညီပါတယ်။ အဲဒီလိုပြုလုပ်လိုက်ခြင်းကြောင့် ဖုန်းရဲ့အာမခံပျက်သွားသလို ထုတ်လုပ်သူရဲ့ကန့်ကတ်ချက်ကို ကျော်လွန်ပြီး စီမံပြု ပြင်ခွင့်ရသွားပါတယ်။

တကယ်တော့ jailbreak ပြုလုပ်တာက ကြောင်နဲ့ကြွက်လုပ်တမ်းကစားသလိုပါပဲ။ update အသစ်တစ်ခု ထွက်လာတိုင်းမှာ အပြည့်အ၀အသုံးချခွင့် full access ရဖို့အတွက် အားနည်းချက်၊ ချို့ယွင်းချက်ကို ရှာပြီး jailbreak လုပ်ကြစမြဲ ဖြစ်ပါတယ်။ ဒါပေမဲ့ iPhone -7 iOS 10 နဲ့ထွက်လာတာဖြစ်လို့ အဲလိုလုပ်ဖို့ ပိုခက်ခဲသွားမယ်လို့ ယူဆစရာဖြစ်ခဲ့ပါတယ်။

အဲဒီလိုခက်ခဲမယ်လို့ထင်ရပေမယ့်လည်း အသက်၁၉နှစ်သား လူကာက ထင်သလောက်မဟုတ်ပါဘူးဆိုတာကို ၂၄ နာရီအတွင်းမှာလုပ်ပြသွားခဲ့ပါတယ်။ ဒါပေမဲ့ လူကာက အဲဒီလိုပြုလုပ်ခဲ့တဲ့နည်းစနစ်ကို jailbreak လုပ်တဲ့အသိုင်းအ၀ိုင်းကိုတော့ ချမပြသေးပါဘူး။

ကမ္ဘာကျော် Apple ကုမ္ပဏီအနေနဲ့ ချို့ယွင်းချက်ရှာပြီး အသုံးချနိုင်ဖို့ မလွယ်ကူအောင် ပြုလုပ်ထားတာ အသေအချာပါပဲလို့ လူကာက၀န်ခံပြောဆိုခဲ့ပါတယ်။ ဒါပေမဲ့ ၁၀၀ရာခိုင်နူန်းပြည့် လုံခြုံတဲ့စနစ်ဖြစ်ဖို့ကတော့ အတော်ကြီးဝေးကွာနေဆဲပါပဲလို့ ဆိုပါတယ်။ သူက terminal app တစ်ခုကနေတဆင့် iPhone-7 ကို root access ရထားတဲ့ပုံ screenshot ရိုက်ပြီး အဲဒီအချက်ကို စက်တင်ဘာ ၂၂ရက်နေ့မှာ ကမ္ဘာကို သက်သေထူသွားခဲ့ပါတယ်။

Ref: Slashgear.com