"MPT က အသုံးပြုသူများကို တစ်ပတ်လျှင် ကားတစ်စီးမဲ ဖောက်ပေးမည်" ==========

"MPT က အသုံးပြုသူများကို တစ်ပတ်လျှင် ကားတစ်စီးမဲ ဖောက်ပေးမည်"
==========

မိုဘိုင်းဖုန်းအသုံးပြုသူ ၁၆ သန်းဝန်းကျင်ကို ပိုင်ဆိုင်ထားသည့် မြန်မာ့ ဆက်သွယ်ရေး လုပ်ငန်း MPT သည် ၄င်းတို့၏ မိုဘိုင်းဖုန်း အသုံးပြုသူများကို တစ်ပတ်လျှင် ကားတစ်စီး ကံစမ်းမဲ ဖောက်ပေးသွားမည်ဟု ကြေညာခဲ့သည်။

ဒီဇင်ဘာ ၅ ရက်နေ့မှဇန်န၀ါရီလ ၂ ရက်နေ့အထိ စနေနေ့တိုင်း တိုယိုတာကိုရိုလာကား ၅ စီးကို တစ်ပတ်လျှင် တစ်စီးကျ မဲဖောက်ပေးသွားမည်ဖြစ်ပြီး အထူးဆု အနေဖြင့် ဇန်န၀ါရီလ ၉ ရက်နေ့တွင် တိုယိုတာလန် ခရူဇာကား တစ်စီးကို မဲဖောက်ပေးမည် ဟု သိရသည်။

ဆင်းမ်ကတ် အသစ်ဝယ်ယူခြင်း ၊ MPT မိုဘိုင်းဖုန်း အချင်းချင်း ဆက်သွယ်ခေါ်ဆိုခြင်း ၊ မိုဘိုင်ဖုန်း ဘီလ်ဖြည့် သွင်းခြင်းဖြင့် အလိုအလျောက် ကံစမ်းမဲ လက်မှတ်များကို ရရှိနေမည် ဖြစ်ပြီး အဆိုပါ ကံစမ်းမဲများအနက် ကံထူးရှင်ကို ရွေးချယ်ပေးသွားမည် ဟု MPT က ကြေညာထားသည်။

အစီအစဉ်ကို MPT မိုဘိုင်းဖုန်း အသုံးပြုသူတိုင်း အလိုအလျောက် ပါဝင်နေမည်ဖြစ်ပြီး ကံစမ်းမဲ ပိုင်ဆိုင်မှု အရေအတွက်မှာ ဘီလ်ဖြည့်သွင်းသည့် ပမာဏနှင့် MPT မိုဘိုင်းဖုန်း အချင်းချင်းခေါ်ဆိုမှု ကြာမြင့်ချိန်တို့ အပေါ်မူတည်ပြီး ပေးအပ်သွားမည်ဖြစ်သည်။

MPT ၏ ကံစမ်းမဲအစီအစဉ်တွင် iphone 6S အလုံး ၂၀ ၊ ipad air 2 အလုံး ၂၀ ၊ လက်မ ၄၀ Sony TV ၂၅ လုံး ၊ တစ်ကျပ်သား ရွှေဆွဲကြိုးအကုံး ၂၀ နှင့် ၅ ထောင်တန် ငွေဖြည့်ကတ် ၆၉၉၀၉ ကတ်လည်း ပါဝင်သည်ဟု သိရသည်။ မိမိပိုင်ဆိုင်နေသည့် ကံစမ်းမဲ လက်မှတ်အရေအတွက် ကို စစ်ဆေးလိုပါက GSM နှင့် WCDMA အသုံးပြု သူများအ နေဖြင့် 3000 သို့ '' luck '' ဟူ၍ စာတိုပေးပို့ခြင်း၊ CDMA အသုံးပြု သူများအနေဖြင့် 3001 သို့ “lucky” ဟူ၍ အခမဲ့ စာတိုပေးပို့ခြင်းဖြင့် စစ်ဆေးနိုင်ကြောင်း သိရသည်။