ကျောက်စိမ်းလုပ်ငန်း လုံးဝလုပ်ကိုင်ခြင်း မရှိဟု မွေး/ရေဝန်ကြီးဟောင်း ဦးမောင်မောင်သိမ်း ငြင်းချက်ထုတ်
-----------------------------------------------------------------------------------------
ရန်ကုန်၊ နိုဝင်ဘာ ၂၇
ကမ္ဘာကျော်တွင်းထွက်ရတနာဖြစ်ပြီး အကျိုးအမြတ်များစွာရရှိနေသည့် ကျောက်စိမ်း
စီးပွားရေးလုပ်ငန်းကို ၎င်းအနေနှင့် လုပ်ကိုင်ခြင်း လုံးဝမရှိကြောင်း ယခင်တပ်မတော် အစိုးရလက်ထက်တွင် မွေးမြူရေး၊ရေလုပ်ငန်းနှင့် ကျေးလက်ဒေသဖွံဖြိုးရေးဝန်ကြီးအဖြစ် တာဝန်ထမ်းဆောင်ခဲ့သောဦးမောင်မောင်သိမ်းက ငြင်းချက်ထုတ် ရှင်းလင်းလိုက်သည်။
လန်ဒန်အခြေစိုက် Global Witness အဖွဲ့၏ အစီရင်ခံစာအပေါ် ဦးမောင်မောင်သိမ်းက အင်းစိန်မြို့နယ် ငါးလုပ်ငန်းဦးစီးဌာနရုံးခန်းတွင် နိုဝင်ဘာလ ၂၇ ရက် နေ့လယ်က သတင်းမီဒီယာများနှင့် တွေ့ဆုံရှင်းလင်းခဲ့ခြင်းဖြစ်သည်။
ကျောက်မျက်ကုမ္ပဏီများ၏ လုပ်ငန်းဆောင်ရွက်မှုများ၊ အကျိုးအမြတ်ပိုင်ဆိုင်မှုများ လုံးဝ သက်ဆိုင်ပတ်သက်ခြင်းမရှိသည့်အပြင် ၎င်း၏ယခင်အခွင့်အာဏာကိုအသုံးချကာ လုပ်ငန်းလိုင်စင်ရယူထားခြင်း မရှိကြောင်း ပြည်ထောင်စုကြံ့ခိုင်ရေးနှင့်ဖွံဖြိုးရေးပါတီ အထွေထွေအတွင်းရေးမှူးဟောင်းလည်းဖြစ်၊ တပ်မတော် မှ ဗိုလ်မှူး ချုပ်အဆင့်ဖြင့် အငြိမ်းစား ယူခဲ့သော ဦးမောင်မောင်သိမ်းက ပြောဆိုသည်။
“ကျွန်တော်က ကျွန်တော့်ရဲ့ဂုဏ်သိက္ခာ၊ ကျွန်တော့်ရဲ့ဘ၀နဲ့ အာမခံပါတယ်” ဟု ၎င်းက ဆိုသည်။
အဆိုပါကုမ္ပဏီများတွင် သားဖြစ်သူ ဦးနေအောင် ဒါရိုက်တာအဖွဲ့ဝင်အဖြစ် ပါဝင်နေသော် လည်း ငွေကြေးရင်းနှီးမြှုပ်နှံမှုမရှိဘဲ ဘူမိဗေဒပညာရှင်တစ်ဦးအနေနှင့် ပါဝင်ခြင်းဖြစ်ကြောင်း ဦးမောင်မောင်သိမ်းကထပ်မံပြောဆိုသည်။
ကျောက်စိမ်းလုပ်ငန်းမှရရှိသည့် ငွေကြေးများကိုအသုံးပြုကာ ရွေးကောက်ပွဲမတိုင်မီကာလများတွင် ညစ်ပတ်သော နိုင်ငံရေးလှုပ်ရှားမှုများကို ဆောင်ရွက်နေကြောင်း Global Witness က စွပ်စွဲထားသည်။
ယင်းသို့အခြေအမြစ်မရှိသည့် ရေးသားမှုများကြောင့်လွန်စွာစိတ်ပျက်ရကြောင်းဦးမောင်မောင်သိမ်းက ဆိုသည်။
ဗိုလ်ချုပ်မှူးကြီးသန်းရွှေ၊( ငြိမ်း)နင့်လက်ရှိ မွေးမြူရေး၊ရေလုပ်ငန်းနှင့် ကျေးလက်ဒေသ
ဖွံဖြိုးရေးဝန်ကြီးဌာန ပြည်ထောင်စုဝန်ကြီး ဦးအုန်းမြင့်၊ လူမှုဝန်ထမ်း ကယ်ဆယ်ရေးနှင့် ပန်လည်နေရာချထားရေး ဒုတိယဝန်ကြီး ဦးဘုန်းဆွေ တို့အပါအဝင် တပ်မတော်၊ အစိုးရနှင့်နီးစပ်သည့်စီးပွားရေးလုပ်ငန်းရှင်များ၊ တိုင်းရင်းသားလက်နက်ကိုင်တပ်ဖွဲ့များ၊ မူးယစ်ရာဇာများက ကျောက်စိမ်းတွင်းများကိုလက်ဝါးကြီးအုပ်ထားပြီး အကျိုးအမြတ်များစွာ
ရရှိနေကြောင်း ယင်းအဖွဲ့၏ အစီရင်ခံစာတွင် ဖော်ပြထားသည်။
၎င်းတို့အနက် ကျောက်မျက်လုပ်ငန်းရှင် တစ်ဦးဖြစ်သူ ဦးဇော်ဘိုခန့်က မီဒီယာတစ်ခုကို ထုတ်ဖော်ငြင်းဆိုပြီးနောက် ကြံ့ခိုင်ရေးပါတီ အထွေထွေအတွင်းရေးမှုး ဟောင်း ဖြစ်သူ ဦးမောင်မောင်သိမ်းက သတင်းစာရှင်းလင်းပွဲပြုလုပ်ကာ ရှင်းလင်းလာခြင်း ဖြစ်သည်။
သို့သော် ယခုပြောဆိုမှုသည် ၎င်းတစ်ဦးတည်းအတွက်သာဖြစ်ပြီး အခြားသူများနှင့် ပတ်သက်သောအချက်အလက်များကိုမူ မသိရှိကြောင်း ဦးမောင်မောင်သိမ်းက ဆိုသည်။
ယင်းကုမ္ပဏီပိုင်ရှင်ဖြစ်သူနှင့် တောင်ကြီးတက္ကသိုလ်တွင် ကျောင်းနေဖက်သူငယ်ချင်းဖြစ်ခဲ့ခြင်းကြောင့် ပညာရှင်တစ်ဦးအနေနှင့်ဝင်ရောက်လုပ်ကိုင်ခြင်းဖြစ်ပြီး ဖခင်ဖြစ်သူအနေနှင့်
ကျောက်စိမ်းလုပ်ငန်းများနှင့် လုံးဝပတ်သက်ခြင်း မရှိကြောင်း ဦးမောင်မောင်သိမ်း၏ သားဖြစ်သူ မျိုးနွယ်ကျောက်မျက်ကုမ္ပဏီ၏ ဒါရိုက်တာအဖွဲ့ဝင်ဖြစ်သူ ဦးနေအောင်က The Voice သို့ ပြောဆိုသည်။
“ကျွန်တော်တို့အဖေရဲ့ရိုးသားမှုကိုတော့ ကျွန်တော်တို့က ဘ၀နဲ့လဲပြီးတော့ကို အာမခံနိုင်တယ်။ Global Witness ကရေးတာကတော့ ဒါပေါက်ကရတွေ ရေးတာပဲ” ဟု ဦးနေအောင်က ဆိုသည်။
ပြီးခဲ့သည့် ၂၀၁၄ ခုနှစ်တစ်နှစ်တည်းပင် ကျောက်စိမ်းလုပ်ငန်းမှ အမေရိကန်ဒေါ်လာ ၁၂ ဘီလီယံမှ ၃၁ ဘီလီယံအထိ ဝင်ငွေရရှိခဲ့ပြီး ဦးသန်းရွှေမိသားစုပိုင် လုပ်ငန်းများမှ ဒေါ်လာ သန်း ၁၁၀ ကျော်၊ဦးအုန်းမြင့်နှင့်မိသားစုဝင်များက ဒေါ်လာ သန်း ၈၀ ကျော်နှင့် ဦးမောင်မောင်သိမ်းနှင့် မိသားစုဝင်များက ဒေါ်လာ သန်း ၁၀၀ ကျော်ဖိုး ရောင်းချခဲ့ကြောင်း အစီရင်ခံစာတွင် ဖော်ပြထားသည်။
No comments:
Post a Comment