အာဃာတ နဲ့ အာချောင်ခြင်း
၁။ ဒီချုပ်တောင်ပြိုကမ်းပြိုမနိုင်သေးပါ။
၂။ ဒီချုပ်ရွေးကောက်ပွဲနိုင်တယ်လို့ ကမ္ဘာသိမကြေငြာသေးပါ။
၃။ ဒီချုပ်အစိုးရလည်းမဖွဲ့နိုင်သေးပါ။
၎။ ဒီချုပ်လက်ထဲလည်းအာဏာမရောက်သေးပါ။
အထက်ကဖော်ပြခဲ့တဲ့ (၄) မျိုးစလုံးဖြစ်ခဲ့သည့်တိုင်ကျနော်တို့အားလုံးဟာ
၁။ နိုင်ငံသားအချင်းချင်းရိုင်းပင်းရမှာဖြစ်ပါတယ်။
၂။ အာဃာတတွေကိုမြိုချကြရမှာဖြစ်ပါတယ်။
၃။ ချိုးချိုးဖဲ့ဖဲ့အာချောင်ခြင်းများကိုရှောင်ရှားရမှာဖြစ်ပါတယ်။
၎။ ဘယ်အယူဝါဒအလံအောက်မှာရှိနေနေ နိုင်ငံတိုးတက်ရေးအတွက် လက်ချင်းယှက်ကြရမှာဖြစ်ပါတယ်။
အလွန်အကျွံအောင်ပွဲခံချင်တဲ့စိတ်ပေါ်လာတိုင်း ငါတို့တိုင်းပြည်ဟာ Failed State တစ်ခုပါလားဆိုတာကိုမေ့မထားသင့်ကြပါဘူးဗျာ။ Failed State သူ Failed State သားအချင်းချင်း ဘာများထပ်ပြီးဂုဏ်ယူဝံ့ကြွားစရာ ရှိပါ့မလဲနော်။
ကျွန်တော်တို့အားလုံး နိုင်ငံတိုးတက်ရေးအတွက် ပြဲကွဲနေအောင် အလုပ်လုပ်ကြဖို့သာ ခါးတောင်းမြှောင်နေအောင်ကျိုက်ထားကြရတော့မှာပါ။
ဘာလို့လဲဆိုတော့
ဒီမိုကရေစီစံနစ်မှာ ပဒေသာပင်လည်းအလိုအလျောက်မပေါက်၊ အခွင့်ထူးခံလည်းမရှိ၊ မိုးကျရွှေကိုယ်လည်းမြင်ခွင့်ရမှာ မဟုတ်လို့ပါ ... ။ ။
No comments:
Post a Comment