ရခိုင်ပြည်နယ်မှာဖြစ်ပွားနေတဲ့ ကိစ္စရပ်တွေကို နိုင်ငံတကာအသိုင်းအဝိုင်းက သိရှိစေဖို့အတွက် နိုင်ငံတော်သမ္မတရုံးရဲ့ တရားဝင် Twitter လူမှုကွန်ရက်အကောင့်ကို ဖွင့်လှစ်လိုက်ပါတယ်။
အောက်တိုဘာလ ၉ ရက်နေ့ကစပြီး ရခိုင်ပြည်နယ် မောင်တောခရိုင်မှာ အကြမ်းဖက်တိုက်ခိုက်ခံရမှုတွေ ဖြစ်ပွားပြီးနောက်မှာ ခုလို သမ္မတရုံး Twitter အကောင့်ကို ဖွင့်လိုက်တာပါ။
ဒီကနေ့ အောက်တိုဘာ ၁၂ ရက်နေ့မှာ သမ္မတရုံး လက်ထောက်ညွှန်ကြားရေးမှူးချုပ် ဦးဇော်ဌေးက ရခိုင်ပြည်နယ်နဲ့ပတ်သက်တဲ့ သတင်းတွေကို နိုင်ငံတကာက သိဖို့အတွက် သမ္မတရုံး Twitter အကောင့် ဖွင့်လှစ်လိုက်တာလို့လည်း ရေးသားဖော်ပြထားပါတယ်။
နိုင်ငံတော်သမ္မတရုံးရဲ့ အင်္ဂလိပ်ဘာသာနဲ့ ဖော်ပြတဲ့ ရခိုင်ပြည်နယ်အကြောင်းတွေကို ဖတ်ရှုချင်ရင်တော့ Twitter လူမှုကွန်ရက်ထဲမှာ PresidentOffice.mm နဲ့ရှာဖွေနိုင်သလို တိုက်ရိုက်လင့်ခ်အနေနဲ့https://twitter.com/pomyanmar ကနေလည်း သွားရောက်ဖတ်ရှုပြီး Follow လုပ်ထားနိုင်မှာ ဖြစ်ပါတယ်။
No comments:
Post a Comment